十八年後的終極告白2.0|陳山聰男扮女裝與譚俊彥有親吻戲,被網民大讚靚女?!劇情超破格?

十八年後的終極告白2.0|陳山聰男扮女裝與譚俊彥有親吻戲,被網民大讚靚女?!劇情超破格?

娛樂新聞
By Stephanie on 24 Jun 2022
Digital Content Writer

大台電視劇《十八年後的終極告白2.0》即將迎來大結局,劇情錯綜複雜,而且震撼場面亦令觀眾嚇一大跳,成功引起熱話!最近一集,陳山聰嘅真正身份亦都被公開,當中佢仲以女裝登場,「新穎」劇情再度令網民感到衝擊,部份網民仲大讚著女裝嘅陳山聰好靚~

陳山聰喺《十八年後的終極告白2.0》中打扮成女裝,被網民大讚靚女?!Photo from 陳山聰IG

劇情內容大要

由影帝譚俊彥、譚凱琪、陳山聰、趙希洛等人主演嘅劇集《十八年後的終極告白2.0》將於今日(24日)迎來大結局,迂迴曲折嘅劇情成功引起熱議!劇情大致係講述姚尚謙(譚俊彥飾)與妻子莊銳婷(譚凱琪飾)從英國返港發展,而佢嘅好友就認為譚俊彥過往嘅藝術作品能令佢一夜成名,然而呢幅畫作其實隱藏超多秘密?!

《十八年後的終極告白2.0》將於24日晚上迎來大結局!Photo from 《十八年後的終極告白2.0》

陳山聰飾演角色真實面目公開!

劇情發展十分緊湊,而故事嘅真相亦似乎已經逐漸浮現;而演員們嘅演技亦獲得觀眾讚賞!喺第18集中,陳山聰嘅真正身份被揭盅並以女裝到酒吧夜蒲,而譚俊彥就揭發好友嘅秘密,仲表示知道朋友令佢失去妻子。

趙希洛同情夫一齊,但卻被陳山聰發現!Photo from 《十八年後的終極告白2.0》

其後陳山聰男扮女裝到酒吧夜蒲,仲被好友譚俊彥揭發!Photo from 《十八年後的終極告白2.0》

譚俊彥嘅真面目亦逐漸露出?!

其後,陳山聰要求譚俊彥將畫作嘅80%收入俾佢,卻慘遭拒絕,令佢忍唔住將對方捉到山區。其後,佢向譚俊彥承認與譚凱琪有過一段情;然而譚俊彥喺見到妻子受傷時並冇出手相救,似乎係為餘下嘅劇情留伏筆。

譚俊彥拒絕將畫作嘅80%收入俾陳山聰,被對方捉住!Photo from 《十八年後的終極告白2.0》

陳山聰承認解決譚凱琪?!Photo from 《十八年後的終極告白2.0》

事實上,譚俊彥喺見到妻子譚凱琪受傷嘅時候並冇立刻拯救佢!Photo from 《十八年後的終極告白2.0》

陳山聰上載與譚俊彥親吻照,被網民大讚靚女!

呢個畫面曝光後,陳山聰於IG上載同譚俊彥親吻嘅照片,附上「作為一個演員收到任何角色都一定會盡力去以演活佢,我係一個好crazy 嘅演員所以我一定全程投入💃🏼其實拍攝嗰段時間係抽離唔到」,而唔少網民就大讚佢「靚女」,仲覺得佢同姚嘉妮有啲似樣,而姚嘉妮亦幽默回應「做咩扮我啊」~

廣告
廣告

陳山聰上載疑似被刪減嘅劇情!Photo from 陳山聰IG

有網民覺得打扮成女裝嘅陳山聰同姚嘉妮撞樣?!Photo from 姚嘉妮IG

姚嘉妮搞笑回應同女版陳山聰似樣一事~Photo from 姚嘉妮IG

劇情超破格?!

其實除咗陳山聰男扮女裝之外,劇集本身都有重口味嘅場面。喺第10集, 66歲甘草演員陳榮峻同29歲李芷晴有感情戲,二人超享受咁互餵紅酒,不過喺親密過後李芷睛卻突然嘔白泡!

甘草演員陳榮峻同29歲李芷晴喺劇中有親密戲!Photo from 《十八年後的終極告白2.0》

二人甜蜜互餵紅酒!Photo from 《十八年後的終極告白2.0》

不過女方卻居然玩到嘔?!Photo from 《十八年後的終極告白2.0》

曹永廉強吻阮兒,網民表示受到驚嚇!

而喺第12集中,曹永廉追趕阮兒,並成功將對方捉到;而男方突然「伸脷」似乎想強吻對方,最終卻被女方咬親。呢個場面已經令網民感受到衝擊,而且網民都認為曹永廉似乎非常適合呢類型嘅角色!

喺第12集中,曹永廉為拯救譚俊彥成功追趕到阮兒,仲突然man爆壁咚對方?!Photo from 《十八年後的終極告白2.0》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel