香港小姐2022|張靜婷被指整容爆喊!自我安慰:可能我個樣好精緻

香港小姐2022|張靜婷被指整容爆喊!自我安慰:可能我個樣好精緻

娛樂新聞
By Jennifer on 14 Jul 2022
Digital Editor

香港小姐競選2022》自面試以嚟有唔少佳麗都成為話題,近日接受訪問時17號佳麗張靜婷提到佢曾被指整容,令佢一度情緒崩潰爆喊,但同師姐陳凱琳見面後就慢慢改變諗法:「可能因為我個樣好精緻」

《香港小姐競選2022》自面試以嚟有唔少佳麗都成為話題Photo from 娛樂新聞台

冠軍級師姐陳凱琳向港姐20強佳麗分享參選心得

近日港姐20強佳麗獲安排同2013年港姐冠軍陳凱琳(Grace)見面。身為師姐,Grace分享佢之前參選嘅心得,近年轉型做KOL,陳凱琳對經營社交網站亦有一番見解。

近日港姐20強佳麗獲安排同2013年港姐冠軍陳凱琳(Grace)見面。身為師姐,Grace分享佢之前參選嘅心得Photo from 娛樂新聞台

佢表示依家嘅佳麗可以透過IG等社交網站畀網民認識佢哋,但同時亦要承受外界對佢哋嘅評價。陳凱琳稱自己都曾經面對過唔少呢啲嘢,佢分享個人經歷指唔需要將外界嘅評論太過在乎,畀自己太大壓力。

陳凱琳分享個人經歷指唔需要將外界嘅評論太過在乎,畀自己太大壓力。Photo from 娛樂新聞台

17號佳麗張靜婷被指整容崩潰爆喊

其中17號佳麗張靜婷就提到之前出席記者會後被質疑曾經整容,令佢一度情緒失控爆喊,佢表示上完Grace嘅分享堂之後覺得對佢好有幫助,原來Grace都曾遇到呢啲事。

17號佳麗張靜婷就提到之前出席記者會後被質疑曾經整容,令佢一度情緒失控爆喊Photo from 娛樂新聞台

張靜婷表示上完Grace嘅分享堂之後覺得對佢好有幫助Photo from 娛樂新聞台

張靜婷得知Grace都有類似經歷,佢自覺唔係得佢自己承受呢啲嘢,接受能力高咗好多。同時佢亦都自我開解,唔再為「整容」傳聞感到傷心。

張靜婷得知Grace都有類似經歷,佢自覺唔係得佢自己承受呢啲嘢,接受能力高咗好多。Photo from 張靜婷IG

自我安慰:可能我個樣好精緻

張靜婷表示:「可能我個樣啲人覺得好精緻啦!好似整過咁,但其實我無呢我都好開心啲人咁講嘅!」佢指自己無整容但外界覺得佢眼耳口鼻都整過,不過某程度上都算係稱讚佢五官,佢對此亦覺得開心。

張靜婷表示:「可能我個樣啲人覺得好精緻啦!好似整過咁,但其實我無呢我都好開心啲人咁講嘅!」Photo from 娛樂新聞台

張靜婷指自己無整容但外界覺得佢眼耳口鼻都整過Photo from 張靜婷IG

整容傳聞某程度上都算係稱讚佢五官,張靜婷對此亦覺得開心。Photo from 張靜婷IG

張靜婷10年前舊照曝光

現年27歲嘅張靜婷係一名模特兒,根據佢嘅個人資料,佢嘅志向係開辦一間選美學校,分享自身經歷以鼓勵更多的女性參加選美比賽。

現年27歲嘅張靜婷係一名模特兒Photo from 張靜婷IG

根據佢嘅個人資料,張靜婷嘅志向係開辦一間選美學校Photo from 《香港小姐競選2022》

佢IG日常都分享好多靚相,佢2012年嘅舊照曝光,同佢依家嘅分別不大,戴咗「大眼仔」con嘅佢五官未見太大改變,佢亦有喺IG公開過8歲時影嘅童年照,真係女大十八變~

張靜婷IG日常都分享好多靚相Photo from 張靜婷IG

張靜婷2012年嘅舊照曝光Photo from 張靜婷IG

張靜婷喺IG公開過8歲時影嘅童年照Photo from 張靜婷IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

香港小姐2022|女版曾彼特一改爆炸頭形象現身!高學歷、多材多藝

6 Jul 2022

香港小姐競選2022》20強出爐,其中由首輪面試已成為焦點嘅「爆炸頭」佳麗徐麟(Astrid)亦成功入圍!佢喺記者會上自我介紹,原來佢學歷係本屆佳麗中最高,以往亦有做模特兒經驗。

《香港小姐競選2022》20強出爐Photo from 娛樂新聞台

港姐2022|「女版曾彼特」憑爆炸頭成為話題

每年嘅港姐面試都會成為話題,喺初選中一位佳麗憑著爆炸頭髮型令人留下深刻印象,更獲封「女版曾彼特」,佢就係徐麟(Astrid)。隨後第二輪、第三輪面試佢都成功入圍,最終更打入20強,將會正式喺電視上與觀眾見面。

廣告
廣告

每年嘅港姐面試都會成為話題,喺初選中一位佳麗憑著爆炸頭髮型令人留下深刻印象,更獲封「女版曾彼特」Photo from 娛樂新聞台

徐麟第二輪面試佢都成功入圍Photo from 娛樂新聞台

徐麟通過第三輪面試,最終更打入20強Photo from 娛樂新聞台

早前入圍佳麗都去髮型屋接受「大改造」,正當大家都期待Astrid會以新髮型示人之際,佢仍然保留招牌爆炸頭,Astrid表示同髮型師商量後決定維持爆炸頭髮型。

早前入圍佳麗都去髮型屋接受「大改造」,正當大家都期待Astrid會以新髮型示人之際,佢仍然保留招牌爆炸頭Photo from 娛樂新聞台

港姐2022|徐麟(Astrid)以新髮型示人

但日前嘅港姐20強記者會上,Astrid終於一改爆炸頭造型,以全新形象現身,令人眼前一亮!佢曾表示爆炸頭髮型都係佢第一次整,已經keep咗兩三個月,佢指覺得爆炸頭髮型會為佢帶嚟好運。

日前嘅港姐20強記者會上,Astrid終於一改爆炸頭造型,以全新形象現身Photo from 娛樂新聞台

招牌爆炸頭不再,Astrid稱初次嘗試新髮型,覺得好適合自己,對新髮型亦感滿意。記者會上佢抽取個人號碼為1號,所以係20位佳麗中第一位向傳媒作自我介紹。

招牌爆炸頭不再,Astrid稱初次嘗試新髮型,覺得好適合自己,對新髮型亦感滿意Photo from 娛樂新聞台

港姐2022|徐麟高學歷勝本屆其他佳麗?

Astrid指佢今年25歲,喺香港大學公共管理博士一年級,翻查資料,相信Astrid所講嘅應該係Doctor of Public Administration(公共行政學博士課程),佢指之前喺香港讀Master,已來港兩年。

Astrid指佢今年25歲,喺香港大學公共管理博士一年級Photo from 徐麟 IG

徐麟指之前喺香港讀Master,已來港兩年。Photo from 徐麟 IG

同屆港姐中,Astrid擁最高學歷,從佢個人IG可見,佢亦熱心參與校內活動,與同學有唔少合照,更曾經去過中大睇足球比賽。佢嘅自我介紹中亦提到自己中意睇足球比賽同健身,相信對運動亦有所關心。

同屆港姐中,Astrid擁最高學歷,從佢個人IG可見,佢亦熱心參與校內活動,與同學有唔少合照Photo from 徐麟 IG

徐麟嘅自我介紹中亦提到自己中意睇足球比賽同健身,相信對運動亦有所關心。Photo from 徐麟 IG

港姐2022|徐麟多材多藝,演奏古典樂器箜篌

除咗運動之外,佢亦表示喜歡演奏傳統樂器,佢嘅個人嗜好有寫上「箜篌」,箜篌係中國古代傳統撥弦樂器,流傳至今已有2,000幾年歷史,外型與豎琴相似卻並唔一樣,睇嚟喺港姐個人表演中有望睇到Astrid演奏箜篌!

除咗運動之外,佢亦表示喜歡演奏傳統樂器,佢嘅個人嗜好有寫上「箜篌」Photo from 徐麟 IG

箜篌係中國古代傳統撥弦樂器,流傳至今已有2,000幾年歷史Photo from 經典詠流傳 第五季

喺港姐個人表演中有望睇到Astrid演奏箜篌!Photo from 微博

Astrid嘅愛好更包括影相,佢嘅個人IG就有喺中央美術學院打卡照,佢更曾經做model影過好多相同行catwalk,絕對係多材多藝。

Astrid嘅愛好更包括影相,佢嘅個人IG就有喺中央美術學院打卡照Photo from 徐麟 IG

徐麟曾經做model影過好多相Photo from 徐麟 IG

徐麟行catwalkPhoto from 徐麟 IG

徐麟多材多藝Photo from 徐麟 IG

港姐2022|徐麟貌似陳茵媺?徐麟稱努力學廣東話

不過佢嘅廣東話只係一般,喺記者會上Astrid以半鹹淡廣東話自我介紹,佢表示修讀廣東話課程3個月左右,之前都係講英文比較多。Astrid喺自我介紹中佢特意稱中意學習唔同嘅語言,可能廣東話都係其中之一。今次參選有唔少人都指Astrid似港姐冠軍陳茵媺,更獲睇好可以入三甲!

喺記者會上Astrid以半鹹淡廣東話自我介紹,佢表示修讀廣東話課程3個月左右,之前都係講英文比較多Photo from 娛樂新聞台

Astrid喺自我介紹中佢特意稱中意學習唔同嘅語言Photo from 徐麟 IG

今次參選有唔少人都指Astrid似港姐冠軍陳茵媺,更獲睇好可以入三甲!Photo from 徐麟 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel