download HolidaySmart 假期日常 app
楊秀惠開網店5年大賺1億!再開線上學院分享營商心得!現居於渣甸山豪宅

楊秀惠開網店5年大賺1億!再開線上學院分享營商心得!現居於渣甸山豪宅

娛樂新聞
By Stephanie on 14 Jul 2022
Digital Content Writer

37歲楊秀惠(Vivien)過往係大台藝人,直到2020年先宣佈離巢。早於2013年,佢就投資逾百萬開設「VY Beauty Store(楊秀惠美妝店)」,喺短短5年內就成功賺到1億,並搬往位於渣甸山嘅海景複式豪宅居住!近年佢仲開設埋線上學院「VY Academy」分享自己創立網店、營商等嘅心得。

37歲楊秀惠變身做事業女強人,開設美容店之餘,仲創立咗線上學院!Photo from 楊秀惠IG

楊秀惠參加選美比賽入行

楊秀惠喺2004年參加《國際華裔小姐競選》,雖然最終於5強止步,不過依然獲大台賞識簽約成為旗下藝人。而佢主要擔任節目主持及拍劇,曾有份參與《赤沙印記@四葉草.2》、《法政先鋒》、《野蠻奶奶大戰戈師奶》等都係佢比較著名嘅角色。

楊秀惠2004年參加《國際華裔小姐競選》而入行Photo from 《來自喵喵星的妳》

楊秀惠曾經出演經典青春偶像劇《赤沙印記@四葉草.2》Photo from 《赤沙印記@四葉草.2》

2013年投資7位數打造美容王國

2013年,楊秀惠投資過百萬開設「VY Beauty Store(楊秀惠美妝店)」,代理不同地方嘅化妝品、瘦身產品及護膚品,現時生意已經擴展到新加坡、馬來西亞等地區,短短5年間生意額成功突破$1億!隨後,佢曾於YouTube頻道中以「如何在網店賺取1億」為題作分享,揚言投放嘅網絡廣告係非常重要嘅一環「我呢幾年投放廣告嘅金額足夠喺香港full pay一間三房全新單位。」

楊秀惠開美容店後,只係用咗5年就賺咗1億!Photo from 楊秀惠YouTube

佢曾經公開某一年嘅收入就已經有2000萬!Photo from 楊秀惠YouTube

2020年再創立網上學院

2019年楊秀惠與圈外富貴男友葉世揚結婚,二人婚後育有2名女兒。雖然已經成為人母,但佢並冇因此而放棄事業發展。喺2020年,佢再開設咗線上學院「VY Academy」,將自己開設網店嘅親身經歷分享俾各位,仲專登打造各式各樣嘅課程,包括:Google/Facebook/IG廣告投放、拍攝及製圖課程等。

2019年楊秀惠與圈外男友葉世揚結婚,二人育有2名女兒Photo from 楊秀惠IG

2020年,楊秀惠創立咗線上學院「VY Academy」,向大家分享佢嘅營商心得Photo from VY Academy網站

分享經營網店心得

翻查「VY Academy」嘅網站,課程收費大約係$800至$1300不等,課程內容相信係由楊秀惠一手包辦,已畢業嘅學員已經有過千名。除此之外,佢仲會拍攝YouTube影片分享營商心得,最新影片佢就提及馬來西亞嘅電商市場越來越有潛力「馬來西亞2021年電商收入已經超過1億萬馬幣,相信2025年可以達到1.5萬億馬幣」,十分關注市場走勢!

網站所提供嘅課程種類多,價錢最貴都只係約$1,300!Photo from VY Academy網站

喺最新嘅影片中,佢就至馬來西亞嘅電商市場非常有潛力!Photo from 楊秀惠IG

現居於逾千萬複式豪宅

現時楊秀惠同家人一齊居住喺價值千萬嘅渣甸山海景複式豪宅,而佢開直播嘅時候亦會以家中嘅長樓梯做背景,空間非常大!生活富貴嘅佢經常都會坐遊艇出海,仲不時大晒名牌手袋收藏,擁有大量Chanel及Hermès手袋,保守估計總值都已經過百萬!

楊秀惠現時居住喺渣甸山複式豪宅!Photo from 楊秀惠IG

豪宅背山面海,景色優美!Photo from 楊秀惠IG

而佢以不時大晒自己嘅名牌手袋收藏!Photo from 楊秀惠IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

徐子珊攻讀心理學博士、張玉珊成最年輕上市公司主席!7位息影藝人成功變身女強人!

4 Jun , 2021

早前正式喺 ViuTV 開播嘅真人騷《中女唔易做》搵嚟阮小儀、趙學而、楊思琦、康子妮、朱薰、杜如風體驗藝人以外嘅職場生活,喺節目中佢哋會被分派到唔同嘅職業,而康子妮就被派到米線店譚仔三哥見習,佢為咗應付樓面工作近乎情緒崩潰落淚,亦體驗到譚仔姐姐除咗「語言獨特」外嘅日常工作亦相當唔容易。

Photo from ViuTV

其實除咗節目中嘅六位女藝人,喺圈中亦有唔少女藝人中途轉行,仲成功創出一番事業。

#康子妮

Photo from 康子妮/weibo

廣告
廣告

康子妮本身畢業於多倫多大學音樂系,係鄭伊健、容祖兒嘅御用和音。2000年代初成為 TVB 嘅合約女藝員。2007 年時離開 TVB 後便專心在喺屋企照顧兒子,但一直未有放棄音樂夢想,佢不時都會為演唱會擔任和音歌手,及發展美容事業、創業做老闆娘。

Photo from 康子妮/Weibo

而去年底回復單身嘅佢就轉戰做保險,更喺一個月內榮登 Top Sales!

Photo from 康子妮/IG

#徐子珊

徐子珊係 2004 年港姐冠軍,2015 年淡出幕前修讀寶石課程,其後創立自家設計珠寶品牌 Katetsui。現時徐子珊就去咗歐洲攻讀心理學博士。

Photo from Kate_Tsui_徐子珊/weibo

Photo from Kate_Tsui_徐子珊/weibo

Photo from Kate_Tsui_徐子珊/weibo

#鍾麗淇

鍾麗淇 2005 年離開 TVB 後便轉戰瑜伽界,目前已成為著名瑜伽導師。

Photo from 鍾麗淇/IG

Photo from 鍾麗淇/IG

Photo from 鍾麗淇/IG

#黎美言

黎美言 2015 年參加 ViuTV 節目後便轉型從商,佢更成立拳擊舞蹈學校。去年更擴展業務成立娛樂公司「燃夢者娛樂」。

Photo from 黎美言/IG

Photo from 黎美言/IG

Photo from 黎美言/IG

#楊秀惠

早前成為人母嘅前 TVB 女藝人楊秀惠向來有經營美容生意,而佢喺去年離巢後便創辦線上課程學院 VY Academy,係香港首個 Shopify 官方認證嘅教育夥伴。

Photo from 楊秀惠/IG

Photo from 楊秀惠/IG

Photo from 楊秀惠/IG

#張玉珊

張玉珊喺 25歲 時淡出娛樂圈並創辦修身堂,而公司更喺 2003 年上市。當時 29 歲嘅佢仲成為香港最年輕上市公司主席。

Photo from 張玉珊/IG

Photo from 張玉珊/IG

Photo from 張玉珊/IG

#陳妙瑛

陳妙瑛 1993 年參加香港小姐入行,《無頭東宮》係佢喺大台嘅最後一套電視劇。2001 年佢離開 TVB 後便創立健康國際有限公司當行政總裁。當年佢曾指向待生意告一段落後,或會考慮回巢拍劇。不過就一直未見佢有復出嘅蹤跡。

Photo from 《無頭東宮》

Photo from 杜大偉/Facebook

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel