經典劇集《原振俠》深夜重播收視創佳績?!盤點TVB史上最高收視10大電視劇

經典劇集《原振俠》深夜重播收視創佳績?!盤點TVB史上最高收視10大電視劇

電視電影 娛樂新聞
By Stephanie on 15 Jul 2022
Digital Content Writer

著名作家倪匡於2022年7月3日離世,終年87歲。當中倪匡嘅作品曾被翻拍成劇集,而最近大台為悼念倪匡安排深夜重播1993年電視劇《原振俠》,而且收視成績亦非常好!宜家就等我哋盤點一下大台歷年來10大最高收視嘅劇集,大部分都係港人嘅經典回憶~

大台現時深夜時分重播《原振俠》,成功再次掀起懷舊熱潮~Photo from TVB

大台重播經典劇集《原振俠》

自7月4日起,大台於深夜12時05分播放改編自作家倪匡著作嘅電視劇《原振俠》,該劇集喺1993年首播,由黎明、李嘉欣、朱茵等人主演,仲係1993年第二高收視嘅劇集!故事內容大致講述腦科專家原振俠(黎明 飾)遇到嘅各種科幻事情,並與黄娟(李嘉欣 飾)、海棠(王菲 飾)、藍綾(洪欣 飾)及雲彩(朱茵 飾)有感情線,被網民稱為顏值最高嘅劇~

自7月4日起,大台喺深夜時分重播《原振俠》,以悼念著名作家倪匡Photo from 《原振俠》

收視成績不錯!

雖然《原振俠》宜家喺深夜時分播放,不過播出後一星期後總收視達到5.4點;以深夜時分嘅收視率而言算係非常好嘅成績,亦係自2021年4月後最高收視嘅一次。

雖然《原振俠》現時喺深夜重播,但亦成為同時段收視最高嘅劇集!Photo from 《原振俠》

儘管最近大台播出嘅劇集收視率似乎未如理想,但係過往都曾推出唔少成為港人集體回憶嘅電視劇~宜家即睇歷年收視最高嘅10套劇集啦:

第十位:巨人

由萬梓良、陳玉蓮、陳法蓉、張衛健等人主演嘅《巨人》喺1992年播出,平均收視為36點。故事背景係以80年代嘅百貨業為主,講述兩個家庭之間嘅恩怨情仇,亦即係大家俗稱嘅「爭產劇」。

《巨人》喺1992年開播,主要講述兩家人之間嘅恩怨Photo from 大台網頁

第九位:刑事偵緝檔案III

《刑事偵緝檔案III》於1997年播出,係由陶大宇、郭可盈、梁榮忠及鍾麗淇主演嘅懸疑劇,平均收視達36點。劇情主要圍繞偵查幾宗個案,講述警察們與嫌疑人嘅故事。

《刑事偵緝檔案Ⅲ》於1997年開播,呢個系列亦係唔少港人心中嘅經典劇集!Photo from TVB

第八位:西遊記

1996年播出嘅《西遊記》改編自同名嘅中國四大名著,由張衛健、江華、黎耀祥等人主演,平均收視係36點。當年台慶劇《新上海灘》備受重視,唔少人都似乎唔太睇好呢套劇,不過最終呢套劇成為該年度收視最高劇集!

《西遊記》於1996年播出Photo from TVB

當中由張衛健所飾演嘅「孫悟空」直到現時都深入民心~Photo from 《西遊記》

第七位:大鬧廣昌隆

由林家棟、周海媚主演嘅《大鬧廣昌隆》喺1997年播放,平均收視為36點,最高收視達45點,成為當年嘅黑馬!電視劇嘅熱潮亦令林家棟躍升為一線男星,而周海媚就人氣攀升~

《大鬧廣昌隆》喺1997年播出,成為當年收視最高電視劇!Photo from TVB

第六位:陀槍師姐II

《陀槍師姐II》喺2000年播放,由歐陽震華、關詠荷、魏駿傑、滕麗名等主演,平均收視係36點,最高收視達47點!而主角之一嘅歐陽震華亦因此被稱為「收視福星」明,佢有份出演嘅17套劇集收視都成功衝破30點,佳績暫時尚未有演員突破到。

《陀槍師姐II》喺2000年開播,最高收視曾達47點!Photo from TVB

第五位:十月初五的月光

2000年播出嘅《十月初五的月光》由張智霖、佘詩曼領銜主演,平均收視36點!當中張智霖所飾演嘅「初哥哥」成為經典角色,劇集仲獲得「亞太電視大獎最佳連續劇獎」!其後二人喺2015年拍攝電影版《十月初五的月光》係電視劇嘅續集版本,係佢哋事隔12年再度合作。

2000年播放嘅《十月初五的月光》係由張智霖、佘詩曼主演Photo from 《十月初五的月光》

2015年,二人久違地再度合作,並拍攝電視劇嘅續集版本Photo from 電影《十月初五的月光》

上年年尾,大台再次翻拍《十月初五的月光》並由胡鴻鈞、何依婷擔任男女主角,但反應就未如理想,收視只係得19.8點。

2021年尾《十月初五的月光》再次被翻拍,不過反應已經冇以前咁熱烈!Photo from 《十月初五的月光》

第四位:宮心計

古裝劇《宮心計》喺2009年播出,由佘詩曼、楊怡、陳豪及鄭嘉穎領銜主演,講述喺宮廷中嘅一連串勾心鬥角嘅劇情。劇集平均收視為36點,最高收視就有50點,亦係當年嘅台慶劇!

《宮心計》喺2009年播放,出演嘅演員唔少都係好戲之人~Photo from TVB

劇中非常多宮廷勾心鬥角嘅場面,亦係劇中引人入勝嘅地方!Photo from 《宮心計》

第三位:溏心風暴之家好月圓

由陳豪、林峯、黃宗澤、李司棋、夏雨等主演嘅《溏心風暴之家好月圓》聚集咗唔少好戲之人出演,喺2008年播出,平均收視係36點,最高收視係50點!而劇集仲成功橫掃當年《萬千星輝頒獎典禮》嘅多個獎項:「最佳劇集」、「最佳男主角」夏雨、「最佳女主角」米雪、「我最喜愛的電視女角色」李司棋。

《溏心風暴之家好月圓》喺2008年播出,最高收視曾達50點!Photo from TVB

劇中超多家庭紛爭嘅場面Photo from 《溏心風暴之家好月圓》

第二位:戇夫成龍

《戇夫成龍》由郭晉安及宣萱主演,喺2002年尾到2003年頭播出,平均收視為37點。而郭晉安成功榮奪《萬千星輝頒獎典禮2003》「最佳男主角」殊榮,事業再下一城!

《戇夫成龍》喺2002年尾開播,平均收視為37點Photo from TVB

郭晉安成功獲得當年嘅「最佳男主角」,演技實力備受肯定!Photo from 《戇夫成龍》

第一位:人在邊緣

由黎明、劉青雲、林文龍、羅慧娟等出演嘅《人在邊緣》喺1990年尾至1991年頭播放,平均收視為42點,遠遠拋離上述9套劇集!故事主要以上一代嘅恩怨延續到下一代為主,而當時年僅24歲嘅黎明「小鮮肉」樣貌成功迷倒一眾女粉絲~

《人在邊緣》喺1990年尾至1991年播放!Photo from TVB

當年黎明嘅樣貌成功吸粉無數!Photo from 《人在邊緣》

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

「TVB史上最低收視10大劇集」掀熱議!C9特工、大步走、金枝慾孽貳

2 Feb , 2022

近年TVB落力大搞改革,更於2021年邀請曾志偉王祖藍回巢出任管理層,不過近日連登討論區有網民统計咗TVB史上最低收視10大劇集,發現近半都係呢兩年播出嘅劇集,而且全部收視都唔過21點,最低甚至得14點。

近年TVB落力大搞改革,更於2021年邀請曾志偉、王祖藍回巢出任管理層Photo from TVB

王祖藍現為TVB「首席創意官」Photo from 王祖藍微博

第十位:《堅離地愛堅離地》

張振朗、龔嘉欣、劉佩玥主演嘅《堅離地愛堅離地》於2020年尾至2021年年初播出,係一套時裝愛情科幻喜劇。本來早已喺2017年拍攝完畢,但因為「安心事件」令劇集需要過幾年先可以播出,平均收視為20.9點。

張振朗、龔嘉欣、劉佩玥主演嘅《堅離地愛堅離地》於2020年尾至2021年年初播出Photo from TVB

第九位:《C9特工》

《C9特工》於2020年播出,由高海寧、馬國明及黎諾懿領銜主演,平均收視為20.8點。

《C9特工》於2020年播出,由高海寧、馬國明及黎諾懿領銜主演Photo from TVB

第八位:《來自喵喵星的妳》

《來自喵喵星的妳》係2016年播出,更係當年嘅台慶劇,由田蕊妮、胡定欣、陳豪主演,角色設定同《鬼同你OT》相似,不過收視就差好遠。《鬼同你OT》全劇平均收視為29點,而《來自喵喵星的妳》只得20.8點,結局周亦得21點。

《來自喵喵星的妳》係2016年播出,更係當年嘅台慶劇,由田蕊妮、胡定欣、陳豪主演Photo from TVB

第七位:《金枝慾孽貳》

《金枝慾孽貳》係10套最低收視劇集中最舊嘅一套劇,於2013年播出,蔡少芬、鄧萃雯、伍詠薇、陳豪等主演,劇集係前作《金枝慾孽》播畢近九年後才播出。當年《金枝慾孽》獲封「神劇」,收視更高達40點,但《金枝慾孽貳》雖然都係由戚其義做監製,但平均收視僅為20.6點。

《金枝慾孽貳》於2013年播出,蔡少芬、鄧萃雯、伍詠薇、陳豪等主演Photo from TVB

當年《金枝慾孽》獲封「神劇」,收視更高達40點Photo from TVB

第六位:《丫鬟大聯盟》

洪永城、湯洛雯主演嘅《丫鬟大聯盟》於2020年尾至2021年年初播出,黃心穎都係主演之一,佢同湯洛雯同為劇集女主角。劇集平均收視為20.4點。

洪永城、湯洛雯主演嘅《丫鬟大聯盟》於2020年尾至2021年年初播出,黃心穎都係主演之一Photo from TVB

第五位:《我瞞結婚了》

洪永城、黃翠如一直都係好朋友,佢哋更多次表示大家好有默契好了解對方,亦合作過唔少旅遊節目,不過佢哋主演嘅《我瞞結婚了》成績麻麻,劇集於2017年播出,平均收視為20點。

洪永城、黃翠主演嘅《我瞞結婚了》成績麻麻,劇集於2017年播出,平均收視為20點。Photo from TVB

第四位:《巾幗梟雄之諜血長天》

《巾幗梟雄》系列可謂TVB嘅經典劇集,前兩套都有極佳嘅收視同口碑。作為姊妹作,《巾幗梟雄之諜血長天》無咗靈魂人物鄧萃雯,改為由黎耀祥、胡杏兒主演,喺2013年已拍攝完畢,但要到2016年年尾先播映,收視亦十分慘淡,平均只有20點。

《巾幗梟雄》系列可謂TVB嘅經典劇集,前兩套都有極佳嘅收視同口碑Photo from TVB

《巾幗梟雄之諜血長天》無咗靈魂人物鄧萃雯Photo from TVB

《巾幗梟雄之諜血長天》由黎耀祥、胡杏兒主演Photo from TVB

第三位:《大步走》

《大步走》於2021年播出,劇集以跑步為題,帶出「斷捨離」主題,由陳山聰、姚子羚、劉穎鏇及張達倫主演,平均收視為19.3點。

《大步走》於2021年播出,劇集以跑步為題,帶出「斷捨離」主題,由陳山聰、姚子羚、劉穎鏇及張達倫主演Photo from TVB

第二位:《蘭花刼》

《蘭花刼》由蘇玉華、田蕊妮、唐寧、陳錦鴻主演,係一套民初劇。劇集於2017年播出,但其實係喺2006年拍攝,事隔11年先喺黃金時段播映,當時已係高清世代,劇集仍以標清質素播出,可謂真正「倉底劇」,平均收視只有18點。

《蘭花刼》由蘇玉華、田蕊妮、唐寧、陳錦鴻主演,係一套民初劇。Photo from TVB

第一位:《刑偵日記》

《刑偵日記》於2021年播出,其實劇集演員陣容強勁,有影后惠英紅、視帝王浩信、金像獎「最佳男配角」姜皓文,但收視比上述所有劇集都要低,平均收視得13.77點!由播出起每星期收視都下跌,到結局周更跌至10.2點。

《刑偵日記》於2021年播出,其實劇集演員陣容強勁,有影后惠英紅、視帝王浩信、金像獎「最佳男配角」姜皓文Photo from TVB

《刑偵日記》平均收視得13.77點!由播出起每星期收視都下跌,到結局周更跌至10.2點。Photo from 《刑偵日記》微博

當時ViuTV同時段播出《大叔的愛》,《大叔的愛》口碑、話題度都爆燈,唔知係咪受到影響,《刑偵日記》創下TVB開台台54年嚟最低收視,有指劇集成績唔理想更令董事局主席許濤決定引入團隊審批電視劇劇本。

當時ViuTV同時段播出《大叔的愛》,《大叔的愛》口碑、話題度都爆燈Photo from ViuTV

《刑偵日記》創下TVB開台台54年嚟最低收視,有指劇集成績唔理想更令董事局主席許濤決定引入團隊審批電視劇劇本。Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel