同居發現女友4大惡劣衛生習慣,稱未一齊住前唔係咁,想分手換女朋友!

同居發現女友4大惡劣衛生習慣,稱未一齊住前唔係咁,想分手換女朋友!

生活熱話
By Moon Lam on 15 Jul 2022
Digital Content Writer

所謂「相見好同住難」,唔少情侶雖然嚮往同居生活,不過亦有唔少人因為咁而分手!近日有男網友係網上發文指同女友同居係惡夢嘅開始,原因係佢發現女友衛生習慣好差,令佢有分手嘅衝動!

《鄰居同居》劇照Photo from 《鄰居同居》劇照

男網友係社群網站發文,稱同女朋友交往半年,本身各自租屋住,後來為咗慳錢同方便而決定同居,不過就指「後來住在一起才發現是惡夢」,非常後悔一齊住!樓主指未一齊之前都去過女朋友屋企,但個陣唔覺得好亂,最多都係間唔中垃圾會臭,但係即刻扔咗就無事,但同居後發現女朋友有四大惡劣衛生習慣,令佢頂唔順!

《香港愛情故事》劇照Photo from 《香港愛情故事》劇照

1. 頭髮塞住去水口但唔執

女仔長頭髮都一定試過,洗頭嘅時候會甩頭髮,積一排就會成堆塞住係去水口,男網友就話女友從來唔會撈起啲頭髮,每次都係佢清理,但又指係未同居前去水位未至於咁核突。

《奇怪的搭檔》劇照Photo from 《奇怪的搭檔》劇照

2. 食完嘢唔扔

男網友又再抱怨女朋友食完嘢永遠只會放係枱就完全唔理,例如晚餐食即食麵,仲剩咗啲湯,就咁放係枱面,而自己叫佢執嘅時候女朋友仲直接將有湯汁嘅即食麵碗放落垃圾桶,連倒咗湯先都唔肯。

《The K2》劇照Photo from 《The K2》劇照

3. 積一星期都唔洗衫

佢又指洗衫次次都係樓主自己洗,順便幫女朋友洗埋,仲舉例自己因為要返屋企而一星期唔係佢地租嘅屋到住,返黎嘅時候女朋友真係超過一星期唔洗衫,樓主離開前仲交代女朋友幫佢收衫,不過女朋友都無做,由得啲衫擺係到鋪滿灰塵,又或者將啲衫堆係凳完全唔摺。

廣告
廣告

《我們不能是朋友》劇照Photo from 《我們不能是朋友》劇照

4. 用完嘅嘢唔扔落垃圾桶

最後樓主再投訴女友用過嘅紙巾、化妝棉都就咁放係枱,連撩過耳仔嘅棉花棒都有,可以積勁多都唔扔,非常污糟。

《太陽的後裔》劇照Photo from 《太陽的後裔》劇照

樓主話自己並唔算潔癖,但至少要乾淨整潔,指女友「整個人活得跟公主一樣」,明明以前未同居佢都會打掃,但一齊咗就唔知點解唔執嘢,令佢「真的很想換女友」!

《我的室友是九尾狐》劇照Photo from 《我的室友是九尾狐》劇照

網民就話呢個就係同居嘅好處,可以睇清一個人嘅生活習慣。亦有網民話唔少女仔生活習慣都好差,除咗結婚之外都唔好同居,更加用養貓黎比喻:「就像貓咪很可愛,你去摸別人養的就好,這樣不用清貓砂、不用半夜忍受貓叫等,直接享受成果」。有網民就搞笑話自己生活習慣差唔多,叫樓主女朋友同佢住。另外有網民都分享類似經驗,話伴侶一開始都係咁,但事主教訓完佢一輪就會乖乖地自己執嘢!

Zuvio討論區截圖Photo from Zuvio討論區截圖

Zuvio討論區截圖Photo from Zuvio討論區截圖

有網民講笑話樓主女朋友可能係「正妹」Photo from Zuvio討論區截圖

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel