徹底走出「吳亦凡」陰霾!都美竹被指樣貌二度進化?!過往舊照再被翻出:完全係另一個人!

徹底走出「吳亦凡」陰霾!都美竹被指樣貌二度進化?!過往舊照再被翻出:完全係另一個人!

娛樂新聞
By Stephanie on 22 Jul 2022
Digital Content Writer

內地網紅都美竹上年7月大爆藝人吳亦凡私生活混亂,最終令男方被拘。而當事人之一嘅都美竹似乎已經走出情傷陰霾,並全面向娛樂圈發展。最近,佢就上載咗一系列嘅照片,樣貌似乎又再度進化咗,被網民懷疑整容?!

內地網紅都美竹上年大爆吳亦凡嘅感情生活後,知名度急升!近日被網民指疑似再度變臉?!Photo from 都美竹微博

都美竹上年大爆吳亦凡感情生活混亂,男方案件在審中!

上年7月,內地藝人吳亦凡被網紅都美竹大爆感情生活混亂,一夜之間形象插水。後來佢仲因此而被捕,而內地亦決心整頓娛樂圈嘅風氣,開始推行一連串嘅規矩。上個月吳亦凡嘅案件低調開審,但就採取不公開開庭方式,現時依然在審中。

吳亦凡上年被都美竹大爆私生活混亂後,至今依然被捕。Photo from 吳亦凡微博

相關政府機構曾表示吳亦凡嘅刑期至少3年,更有可能判決長達10年!Photo from 微博

其後好姐妹曾大爆都美竹講大話?!

而爆料者都美竹曾被2位好姐妹大爆謊話連篇,推翻過往喺微博公開支持都美竹嘅行為。其中一位好姐妹「李恩」指對方原來從頭到尾都冇任何關於吳亦凡嘅證據,公開二人私下傾計嘅錄音檔:「我們手裡又沒有特別特別實在的證據」、「就想著要不要賭一下啦」等。而佢最終憑手上嘅「證據」獲得約200萬人民幣嘅封口費。

都美竹嘅昔日好友李恩大爆佢講大話?!Photo from 李恩微博

曾公開二人私下對話及錄音,表示都美竹喺大眾面前塑造形象?!Photo from 李恩微博

過往李恩曾公開為都美竹發聲,二人關係今非昔比!Photo from 李恩微博

開始新生活,打算入娛樂圈?

今年初,都美竹似乎已經收拾好心情展開新生活,據悉佢已經報考藝考(藝術聯考),並打算投身娛樂圈。除咗努力裝備自己嘅實力之外,佢仲進行牙齒矯正手術,務求令大家對佢嘅印象加分~

都美竹現時已經開始新生活,仲似乎想投身娛樂圈?!Photo from 都美竹微博

佢仲進行咗牙齒矯正手術Photo from 都美竹微博

新照片被網民指樣貌再進化?

日前,都美竹上載咗一連串嘅定妝照,只見佢身穿黑色一字膊連身長紗裙,照片概念似乎同電影「黑天鵝」有啲相似。而佢嘅精神狀態似乎唔錯,樣貌睇落比之前飽滿,笑容甜美;不過有網民就認為佢今次上載嘅照片,樣貌又在進化咗,而且仲「鼻頭發黑」,令佢再度陷入整容疑雲中?!

最近,都美竹上載咗一連串嘅寫真照Photo from 都美竹微博

部份網民認為佢嘅外表又唔同咗,認為佢鼻頭有啲黑?!Photo from 都美竹微博

過往網民大爆舊照!

過往都美竹曾被網民翻出舊照,照片中嘅佢面上仲有少少baby fat,睇落比較浮腫,而且雙眼明顯比宜家細咗一半,可以稱得上係判若兩人!唔知宜家佢係咪因為想入娛樂圈,而再度「變樣」呢?!

過往都美竹曾被網民翻出舊照,以前嘅樣貌同宜家完全唔同!Photo from 微博

爆料嘅時候,都美竹嘅樣貌已經變成標準嘅「網紅臉」Photo from 都美竹微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

網紅關濾鏡公開真面目!美女秒變大媽嚇窒10萬粉絲!奉勸fans:男人們擦亮眼睛吧!

廣告
廣告

6 Aug , 2021

網上好多短片平台,例如抖音、快手等,有唔少素人因為美貌而收穫大量fans成為「網紅」,日前有網紅將美顏濾鏡關閉,由精緻美女「打回原型」現真身,令佢嘅粉絲十分驚訝。

網上好多短片平台,例如抖音、快手等,有唔少素人因為美貌而收穫大量fans成為「網紅」Photo from 都美竹微博

網上有唔少網紅「變臉」新聞,喺直播平台用美顏filter即可「改頭換面」,網紅喺短片中嘅樣子與真人判若兩人嘅事情屢見不鮮。

網上有唔少網紅「變臉」新聞Photo from 都美竹微博

好多網紅都因為一時失手熄咗濾鏡令真樣曝光,嚇怕粉絲。但內地網紅「小靈兒的化妝日常」就唔同,佢超勇咁主動關fiter展露真面目。

內地網紅「小靈兒的化妝日常」Photo from 快手

「小靈兒的化妝日常」係「快手」嘅網紅,主要拍片教網友一啲化妝技巧,有超過10萬粉絲。近日佢就介紹一款美顏APP,指唔化妝都可以靠美顏filter變靚女。

「小靈兒的化妝日常」係「快手」嘅網紅,主要拍片教網友一啲化妝技巧,有超過10萬粉絲Photo from 快手

影片中「小靈兒的化妝日常」現身,佢瓜子臉,雖然戴咗con,但都睇得出眼大有神,鼻樑筆直,化咗精緻妝容。

「小靈兒的化妝日常」瓜子臉,雖然戴咗con,但都睇得出眼大有神,鼻樑筆直,化咗精緻妝容。Photo from 微博

為咗證明美顏濾鏡有幾勁,佢用手遮咗塊面,但臉上嘅妝容佢浮喺佢隻手上。最後佢仲將個美顏濾鏡熄埋,公開真面目。

快手Photo from 快手

一熄濾鏡,佢即打回原型,同之前嘅美女完全唔同樣,令網友大為震驚!「小靈兒的化妝日常」笑言自己由18歲變50歲,佢又奉勸fans:「不要覺得開了特效你就是美女,真的就是我這種大媽,面對現實不好嗎?男人們擦亮眼睛吧!」

一熄濾鏡,佢即打回原型,同之前嘅美女完全唔同樣Photo from 快手

「小靈兒的化妝日常」笑言自己由18歲變50歲Photo from 微博

唔少網友睇完都表示網上嘅美女唔可信!好似近日爆紅嘅內地網紅都美竹,佢舊照被網友翻出,指佢「大變樣」,同以前判若兩人。

內地網紅都美竹舊照被網友翻出Photo from 都美竹微博

都美竹喺微博嘅自拍都係大眼高鼻嘅「網紅臉」,但近日曝光嘅舊照中,佢臉上仲有少少baby fat,睇落比較腫,鼻樑明顯無微博靚相咁高,而且眼睛都比依家細一半!

近日曝光嘅舊照中,都美竹臉上仲有少少baby fatPhoto from 微博

網友都指完全睇唔出係同一個人,不過有網民就認為佢唔一定係有微調,因為都美竹其中一張舊照就顯然係P圖過度,下巴尖得太誇張,面型亦唔合比例。

網友都指完全睇唔出係同一個人Photo from 微博

都美竹其中一張舊照就顯然係P圖過度,下巴尖得太誇張Photo from 微博

微博Photo from 微博

對比起都美竹微博最新自拍,有網友表示P圖勁嘅話,真係連妝都唔洗化!

都美竹微博最新自拍Photo from 都美竹微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel