《東張西望》前主持黃穎君離職民政事務局，新工月薪達6.7萬

娛樂新聞

By Jennifer on 03 Aug 2022

Digital Editor

《東張西望》前主持人黃穎君離巢後轉做政府工，任職民政事務局媒體主任。當時佢嘅人工更一度成為熱話，估唔到入職約半年後佢就離職，但新工嘅收入依然非常可觀！

Photo from 黃穎君IG

《東張西望》前主持黃穎君離巢

《東張西望》向來關注唔少民生、社會議題，之前曾採訪大埔富亨邨「曱甴屋」，屋內衛生情況令人衝擊，黃穎君擔任外景主持最初抵達單位時並無穿上任何保護衣，又一臉鎮定咁繼續採訪，獲網民讚賞。

Photo from 黃穎君IG

黃穎君於2012年參選《香港小姐競選》落選後入行，曾經喺《降魔的》飾演「龍貓嫂」一角，直到2019年佢先加入《東張西望》做外景主持，做咗2年後嘗試應徵一年制嘅民政事務局媒體主任，獲聘後就離巢，正式結束9年嘅東主關係。

Photo from 《東張西望》

Photo from 黃穎君IG

任職半年後轉工？

雖然黃穎君做傳媒經驗唔多，但據知佢做民政事務局做媒體主任，月薪為$67,595，黃穎君又表示當初只係抱住試下嘅心態去應徵，點知真係成功獲聘，仲話雖然簽嘅係1年合約，但就希望未來10年都可以繼續留喺嗰度發展！

Photo from 黃穎君IG

但喺2021年12月入職民政事務局，過咗約半年，就傳出黃穎君已離任嘅消息！黃穎君表示政府架構改組後新設文化體育及旅遊局，由於增設新部門對工作量較大，需聘請更多員工，加上佢本人亦對文化藝術都有興趣，於是決定調往文化體育及旅遊局工作。

Photo from 黃穎君IG

月薪仍維持$6.7萬

雖然工作部門不同，但黃穎君嘅職位不變，依然係媒體主任，月薪亦維持$67,595。佢指調職前後工作內容非常相近，都同樣係合約制。根據民政事務局招聘廣告顯示，媒體主任職責主要係：檢視市民意見；監督電子剪報及社交媒體資訊檢閱服務；就傳媒關係提供專業意見，並制訂公共關係策略，以施行政策局多個項目；與傳媒機構聯繫，包括安排傳媒採訪及處理傳媒查詢；擬備演詞及資料，以支援管理層出席公眾和推廣活動；以及因應需要執行其他職務。

Photo from 黃穎君IG

有消息指，合約制受聘人任職期間表現良好嘅話將會獲發放約滿酬金，大約係底薪總額嘅15%，換句話說黃穎君做一年媒體主任可能就已經賺到逾92萬！

Photo from 《東張西望》

相關文章：《東張西望》前任主持大起底！隱形富婆、有人離巢後擲1億買豪宅

相關文章：利穎怡老公獲封「人生贏家」！IG晒合照放閃老公指似宅男即出言護夫

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB前主播黃文意秘考政府AO 月薪可過5萬元坦言非轉行「係想回饋TVB！」

17 Jan 2022

TVB藝人黃文意曾擔任《3日2夜》、娛樂新聞報道主持，又出演過劇集《寶寶大過天》。擁港大碩士嘅佢最近被傳媒發現投考月薪達5.5萬元嘅政府工「AO 政務主任」，但疑似轉行嘅黃文意在回覆傳媒時卻表示咁做係為咗對TVB有長遠貢獻！

Photo from 黃文意 IG

黃文意童星出身，曾主持及出演TVB節目

29歲黃文意童星出身，曾出演《天地豪情》、《陀槍師姐》等劇集，年紀輕輕已同過唔少大明星合作。長大後於2016年加入TVB，擔任娛樂新聞台主播。除此，黃文意在2017年亦主持過旅遊綜藝《3日2夜》，佢在節目裡大騷好身材，因此被封為「36D咪神」。

Photo from 黃文意 IG

佢去年有份參演劇集《寶寶大過天》，飾演吳業坤太太兼網紅Creamy。現實中嘅黃文意則未婚，但曾於2018年與唐文龍傳緋聞，到2019年跟塞爾維亞籍前香港甲組聯賽球員Ivan Marić正式交往。

Photo from 《寶寶大過天》TVB

Photo from 黃文意 IG

高學歷「10億千金」投考AO

黃文意家族來頭不少，其父親在內地經營LED生意，係坐擁逾10億身家嘅「LED燈大王」黃裕發，所以黃文意被稱為「10億千金」。除咗身家顯赫，佢亦擁有高學歷，黃文意兒時曾到英國留學，長大後升讀香港中文大學文化研究系學士課程，最近仲考獲香港大學嘅比較文學與文化研究碩士。

Photo from 黃文意 IG

不靠父蔭買樓上車兼做生意

雖然黃文意身家豐厚，但佢堅持不靠父蔭，在2018年與朋友合資經營韓國護膚品代理店，並於2019年成功上車，買入逾500萬元，位於青山公路大欖段嘅The Carmel一個約600呎單位，當中130萬首期都嚟自佢做護膚品生意賺得嘅利潤。有自己嘅居住空間後，黃文意亦不忘做孝順女，層樓寫埋媽媽個名，想等佢有多啲保障咁話。