陳冠希最新近照曝光,被指似小丸子永澤同學!網民:後生虛耗太多

陳冠希最新近照曝光,被指似小丸子永澤同學!網民:後生虛耗太多

娛樂新聞
By Jennifer on 05 Aug 2022
Digital Editor

現年41歲嘅陳冠希(Edison)結婚後修心養性,最近佢喺IG大晒一家三口合照,卻被指同後生嘅靚仔樣相差甚遠。有網友指可能係因為佢年輕時結交眾多女朋友,虛耗太多所致,即睇Edison 12位緋聞/正牌女友。

現年41歲嘅陳冠希(Edison)結婚後修心養性Photo from 陳冠希IG

Edison出道21年對比照

2000年出道時,Edison就憑住混血靚仔樣成為唔少女性心目中嘅「男神」,佢不羈嘅笑容迷倒萬千少女,不過時移世易,近年Edison常被指俊臉不再,成個人外型、氣質都難以同昔日全盛時期相比,就連Edison創立嘅個人品牌,獲封潮人都因為獨特嘅衣著品味而被笑。

2000年出道時,Edison就憑住混血靚仔樣成為唔少女性心目中嘅「男神」Photo from 《新紮師兄》劇照

近年Edison常被指俊臉不再,成個人外型、氣質都難以同昔日全盛時期相比Photo from 陳冠希IG

近年Edison因為獨特嘅衣著品味而被笑。Photo from 陳冠希IG

一家三口合照,陳冠希面無表情

最近Edison喺IG晒出一家三口合照,Edison老婆秦舒培係名模,影硬照嘅表情自然,而Edison就完全面無表情,眼睛無神加上頭頂嘅一撮頭髮,竟被指激似小丸子嘅永澤同學、《芝麻街》Bert?!有網民指佢嘅精神面貌都同以前相差好遠,有人表示可能與Edison後生時交往太多女朋友有關。

最近Edison喺IG晒出一家三口合照,Edison老婆秦舒培係名模,影硬照嘅表情自然,而Edison就完全面無表情Photo from 陳冠希IG

Edison眼睛無神加上頭頂嘅一撮頭髮,竟被指激似小丸子嘅永澤同學?Photo from Twitter @maiji_t

網民指Edison《芝麻街》BertPhoto from LIHKG

有人表示可能與Edison有外國血統有關Photo from LIHKG

陳冠希出道就驚為天人,到依家都仲有唔少男女追憶佢年輕時嘅風采,全盛時期嘅Edison更係有名嘅情場浪子,緋聞女友超過10個,而且位位高質,獲唔少網民羨慕:

全盛時期嘅Edison更係有名嘅情場浪子,緋聞女友超過10個,而且位位高質,獲唔少網民羨慕Photo from 《頭文字D》劇照

1. Maggie Q(李美琪)

女模特Maggie Q曾同男神吳彥祖,拍攝電影《特警新人類2》嗰時同陳冠希傳出緋聞,更有傳陳冠希介入Maggie Q同吳彥祖之間,同吳彥祖反目。

女模特Maggie Q曾同男神吳彥祖,拍攝電影《特警新人類2》嗰時同陳冠希傳出緋聞Photo from Maggie Q IG

2. 顏穎思

《特警新人類2》仲有一位女新人顏穎思,佢都曾同陳冠希傳緋聞,並因為呢段緋聞而為人熟知。顏穎思於2014年結婚,現時已經係3個孩子嘅媽媽。

《特警新人類2》仲有一位女新人顏穎思同陳冠希傳緋聞Photo from 《特警新人類2》

3. 蕭亞軒

蕭亞軒同Edison因為合作拍MV被傳擦出愛火,尤其蕭亞軒更係「小鮮肉收割機」,兩人親密舉動被指關係非一般。

蕭亞軒同Edison因為合作拍MV被傳擦出愛火Photo from 蕭亞軒 IG

4. 陳文媛

陳文媛曾多次被目擊出入陳冠希家中,雖然兩人無承認戀情,但後來陳文媛同陳冠希嘅關係亦曝光。早已淡出娛樂圈,與圈外男友結婚。

陳文媛曾多次被目擊出入陳冠希家中Photo from 何韻詩IG

5. 阿嬌(鍾欣潼)

喺2001年傳出陳冠希拍MV(《有幾壞》、《緋聞》)已對阿嬌好有好感,之後更力追阿嬌,最終追得美人歸。

廣告
廣告

傳Edison力追阿嬌Photo from 《女校男生》MV

Twins《女校男生》MV由Edison擔任男主角Photo from 《女校男生》MV

6. 周勵淇

2001年周勵淇初出道時拍攝電影《玉女添丁》亦與陳冠希傳出緋聞。

2001年周勵淇初出道時拍攝電影《玉女添丁》亦與陳冠希傳出緋聞。Photo from 周勵淇IG

7. 張柏芝

2003年初兩人被爆出撐枱腳,到2005年有傳媒影到張柏芝同陳冠希都去日本旅遊,更入住同一間酒店,緋聞甚囂塵上。多年後張柏芝與謝霆鋒結婚,更公開大鬧陳冠希無擔當,但之後卻喺飛機主動與Edison合照。

2005年有傳媒影到張柏芝同陳冠希都去日本旅遊,更入住同一間酒店,緋聞甚囂塵上。Photo from 張柏芝微博

8. 應采兒

應采兒2004年都曾同陳冠希傳緋聞,佢2010年與陳小春結婚,婚後誕下2子,現時長居內地,係好多內地網民心目中嘅模範夫妻。

應采兒2004年都曾同陳冠希傳緋聞,佢2010年與陳小春結婚,婚後誕下2子Photo from 應采兒微博

9. 蔡依林

台灣天后蔡依林2006年邀請陳冠希出演MV男主角,隨後傳出兩人戲假情真,不過因為兩人分隔異地,所以呢段情最後不了了之。

台灣天后蔡依林2006年邀請陳冠希出演MV男主角Photo from 《Mr. Q》MV

傳出兩人戲假情真Photo from 《Mr. Q》MV

10.楊永晴

楊受成侄女楊永晴(Vincy)係陳冠希第一位公開承認嘅女友,即使Edison事業面臨沉重打擊仍然不離不棄,Edison更曾於台灣節目《康熙來了》表示佢同其他女生唔同,深信對方就係真命天女,但兩人最終分手。

楊受成侄女楊永晴(Vincy)係陳冠希第一位公開承認嘅女友Photo from 《康熙來了》

11. 謝芷蕙(Cammi)

Cammi(現名:謝熙婷)曾經於2011年被爆出與Edison嘅親密照,事後Edison亦承認戀情。

Cammi(現名:謝熙婷)曾經於2011年被爆出與Edison嘅親密照Photo from Cammi IG

12. 秦舒培

2016年秦舒培同陳冠希被影到同出酒店,之後兩人關係穩定,浪子Edison更同女友結婚,兩人婚後育有一女,Edison經常喺IG晒出父女溫馨合照,網友都稱佢浪子回頭、父愛如山。

2016年秦舒培同陳冠希被影到同出酒店,之後兩人關係穩定,浪子Edison更同女友結婚,兩人婚後育有一女Photo from 陳冠希IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel