大晒表舅父多年前結婚照!兩夫婦外貌形成強烈對比,女方美貌獲網民激讚!

大晒表舅父多年前結婚照!兩夫婦外貌形成強烈對比,女方美貌獲網民激讚!

時事熱話 生活熱話
By Stephanie on 12 Aug 2022
Digital Content Writer

相信對唔少新婚夫婦而言,結婚照係非常重要嘅一環,能夠成為二人愛情修成正果嘅紀念照~最近,一位網民喺網上公開舅父與舅媽多年前嘅結婚照,當中二人外型截然不同,令佢都忍唔住話「究竟表舅如何娶到表舅媽?」而女方嘅精緻五官引起逾3萬人讚好!

網民大晒表舅父多年前嘅結婚照,隨即引起網民熱議!Photo from 《逃跑雖可恥但游有用》

大晒表舅父多年前結婚照!

日前,一位網民喺FB群組上載表舅父多年前嘅結婚照片,只見二人都穿著婚紗以及西裝,臉上掛上幸福嘅笑容。然而,男方嘅外表睇落比較憔悴,而且髮型凌亂「有點潦草」;相反表舅媽就打扮得體,皮膚白皙五官精緻,形成強烈對比!

有網民大晒表舅父多年前嘅結婚照,新郎新娘外型上嘅強烈對比,引起熱議!Photo from 爆廢公社公開版 FB

二人外貌對比超強烈

不過,樓主表示儘管二人外表上並冇「夫妻臉」,但表舅對妻子非常細心體貼,絕對稱得上係一位「愛妻號」!而佢搞笑坦承好彩佢哋婚後所誕下嘅小朋友,遺傳到女方嘅優良基因「改善表舅家傳統基因」,仲話聽聞當年表舅支付高10倍嘅禮金。

原po仲爆笑咁話,幸好二人嘅孩子獲得表舅媽嘅真傳「改寫表舅的基因」~Photo from 爆廢公社公開版 FB

據悉,當年表舅父足足用咗比當時高出10倍嘅禮金迎娶表舅媽!Photo from 《結婚白皮書》劇照

網民超驚嘆!

大部分網民睇完之後都表示驚訝:「真的無敵美」、「真的不是爸爸跟女兒嗎?」、「好勵志的故事」等,大讚表舅媽樣貌似仙女;亦有好多網民非常好奇二人嘅小朋友樣貌究竟如何!呢個post隨即獲得逾3萬人讚好及留言~

網民都忍唔住驚嘆表舅媽嘅美貌,認為即時係宜家睇都依然係一位美女!Photo from 爆廢公社公開版 FB

網民仲話覺得似係爸爸嫁女兒嘅畫面!Photo from 《愛回家》

表舅媽被指最似某韓國女團成員?!

有網民就忍唔住慨嘆「祝天下有錢人終成眷屬」、「男的一定背景雄厚」,聽完原po嘅描述後覺得女方係因為金錢先肯同表舅結婚?!除此之外,大家都討論表舅媽外貌究竟似邊位藝人,當中韓國女團Red Velvet 隊長Irene、香港演員袁潔瑩、王祖賢等嘅合體版本,大讚佢非常有明星臉!

部份網民就覺得係因為表舅有錢,才成功與表舅媽結婚?!Photo from 爆廢公社公開版 FB

最多人覺得表舅媽同韓國女團Red Velvet嘅隊長Irene最似樣!Photo from Irene IG

部份網民質疑係P圖?!

不過部份網民就覺得照片睇落有啲奇怪,認為好大機會係P圖「耳環首飾與年代不符」、「怎麼感覺兩個是不同世代的人」等,但呢張照片已經成功咁引起網民嘅關注!

亦有唔少網民指覺得結婚照係P圖?!Photo from 爆廢公社公開版 FB

有強大嘅網民就疑似搵到真正嘅原圖:就咁對比返兩張圖片,新郎及新娘嘅髮型及耳環等都係一樣嘅,莫非真係如網民所講係P圖?!

有網民疑似搵到婚照嘅原圖?!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

富家千金貼940萬嫁妝結婚,有車有樓有舖頭!新郎卻一臉生無可戀

31 May 31, 2022

結婚除咗男方要下聘禮外,女家都會有嫁妝。日前內地一個婚禮上就貼上新娘超級豐厚嘅陪嫁禮單,當中包括名車、豪宅,價值逾800萬人民幣(近$940萬港元)。但喺呢個大喜日子,新郎卻全程黑面,掀網民熱議。

結婚除咗男方要下聘禮外,女家都會有陪嫁。Photo from 《感動她77次》劇照

內地婚禮新娘940萬嫁妝掀熱議

內地唔少新聞都會提到結婚女方都會要求有超豪聘禮,有車有樓都係基本。近日四川成都一個婚禮成為網民焦點,原因係新娘超強嫁妝!好多男士都大呼羨慕,不過新郎就似乎唔係咁諗。

內地唔少新聞都會提到結婚女方都會要求有超豪聘禮,有車有樓都係基本。Photo from 《逃避雖可恥但有用》劇照

嫁入豪門並唔係女士專利,娶到富家千金同樣都可以做「人生贏家」,內地成都一個婚禮現場曝光,女方陪嫁逾800萬人民幣(近$940萬港元),而且現金、豪宅應有盡有。

嫁入豪門並唔係女士專利,娶到富家千金同樣都可以做「人生贏家」Photo from 《藍色大海的傳說》劇照

新娘係富家千金,金器夠氣派

喺婚禮上有一個超顯眼嘅「陪嫁禮單」,上面羅列出女家嘅嫁妝,分別有:現金200萬、基金260萬、一架Land Rover 70萬、豪宅260萬、商舖20萬、哥哥大嫂送贈現金20萬,另有聘禮28萬、鑽石戒指13萬。

喺婚禮上有一個超顯眼嘅「陪嫁禮單」,上面羅列出女家嘅嫁妝Photo from 微博

從陪嫁禮單可見,新娘家境富裕,陪嫁有名車豪宅,連哥嫂都出20萬現金,新娘本人於婚禮上亦戴上金器,十分有氣派!未計手上嘅金器,淨係條頸佢已戴咗至少4對龍鳳鈪,仲有金豬牌。

未計手上嘅金器,淨係條頸新娘已戴咗至少4對龍鳳鈪,仲有金豬牌。Photo from 微博

廣告
廣告

新郎全程黑面

新娘雍容華貴,更忍唔住含情脈脈望住新郎,盡顯愛意~新郎身高目測超過1.8米,身穿黑色西裝,雖然比起著白色禮服嘅新娘低調不少,但佢仍然成為全場焦點,全因佢嘅表情!

新娘雍容華貴,更忍唔住含情脈脈望住新郎,盡顯愛意~Photo from 微博

喺婚禮呢個大喜日子,新郎卻面無表情,一啲笑意都無,完全睇唔出娶妻嘅喜悅之情,甚至有網民用「生無可戀」形容新郎,指佢好似被逼結婚咁。 娶富家女喺好多人心目中成為「人生贏家」,不過新郎就似乎無咩心情!

喺婚禮呢個大喜日子,新郎卻面無表情,一啲笑意都無,完全睇唔出娶妻嘅喜悅之情Photo from 微博

甚至有網民用「生無可戀」形容新郎,指佢好似被逼結婚咁。 Photo from 微博

有網民指新娘個樣好有福氣,而娘家巨額陪嫁或者成為新郎嘅壓力,所以佢先笑唔出,亦有人表示明顯係男方高攀咗,結婚仲敢畀面色女方睇。

有網民指新娘個樣好有福氣,而娘家巨額陪嫁或者成為新郎嘅壓力,所以佢先笑唔出Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

新郎婚禮上背老婆偷牽女生手被斷正!偷食疑雲瘋傳!網民: 小心玩大咗

8 Dec 2021

新郎喺婚禮上背住新娘偷偷拖住另一個女生嘅手,呢個「偷食」時刻更被影底,相片隨即喺網上引起熱議,之後影相嘅婚禮賓客更公開與新郎牽手女子嘅真實身份,網友得知真相後亦大感無話可說。

新郎喺婚禮上背住新娘偷偷拖住另一個女生嘅手,呢個「偷食」時刻更被影底Photo from TVB

婚禮上新郎背新娘偷牽另一女生手

近日有網民喺Facebook群組「爆廢公社公開版」發文,佢指喺洗手間出嚟就睇到啲唔應該見到嘅嘢,更附上一張相片,相中新娘新郎正一同接待賓客,新娘旁邊仲有一位著黑色波點裙嘅女賓客。

相中新娘新郎正一同接待賓客,新娘旁邊仲有一位著黑色波點裙嘅女賓客。Photo from 爆廢公社公開版

最令人震驚嘅係女賓客嘅手竟然係同新郎偷偷喺新娘背後拖住,連上載相片嘅網友都忍唔住表示:「這訊息量有點大,我現在是不是應該要去把新娘牽走?」

最令人震驚嘅係女賓客嘅手竟然係同新郎偷偷喺新娘背後拖住Photo from TVB

偷食照瘋傳,相片真相公開

呢張相喺網上瘋傳,新郎公然於婚禮上背妻「偷食」更掀起網民熱議。有網民稱佢曾親眼見過婚宴當日新郎趁新娘換衫,同伴娘親吻、抱抱,所以有人影到呢個荒誕情況一啲都唔出奇!

有網民稱佢曾親眼見過婚宴當日新郎趁新娘換衫,同伴娘親吻、抱抱Photo from 爆廢公社公開版

新郎公然於婚禮上背妻「偷食」必定掀起網民熱議。Photo from TVB

正當唔少網友替新娘不值時,樓主再度出現,佢大爆呢張相嘅真相:其實相片係同新郎新娘討論特登影出嚟博君一笑,同新郎拖手嘅女生亦係新娘嘅朋友。

其實相片係同新郎新娘討論特登影出嚟博君一笑,同新郎拖手嘅亦係新娘嘅好友。Photo from TVB

網民知道件事唔係真就指結婚大日子就用「偷食」開玩笑有啲唔吉利:「戲假情真便笑不出來了」,又指新娘願意影呢啲相係種暗示:「新郎幸福了」

網民知道件事唔係真就指結婚大日子就用「偷食」開玩笑有啲唔吉利Photo from 爆廢公社公開版

牽手女生正面照曝光,被指似新郎岳母

呢張相只影咗新郎新娘同女賓客嘅背影,網友從女賓客嘅衣著打扮中分析新郎未必係背妻偷食,女賓客真身可能係新郎媽媽或岳母。

真相公開前,網友從女賓客嘅衣著打扮中分析新郎未必係背妻偷食,女賓客真身可能係新郎媽媽或岳母。Photo from 爆廢公社公開版

而事件「真相大白」後,有網民公開咗新娘同女賓客嘅正面合照,指女賓客真人「真的是大正妹」,樓主亦表示:「點點裝女生不是媽媽岳母長輩之類的,她要哭死了一堆人說是岳母」

有網民公開咗新娘同女賓客嘅正面合照,指女賓客真人「真的是大正妹」Photo from 爆廢公社公開版

佢強調:「人家是個大正妹」,重點更由「新郎背妻偷食」變咗做「點點裝女生背影像岳母級」,令一眾友人為佢「大平反」。

件事個重點由「新郎背妻偷食」變咗做「點點裝女生背影像岳母級」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel