download HolidaySmart 假期日常 app
容祖兒自爆曾被搭訕但覺得男生接近別有用心?坦承需學習與異性相處

容祖兒自爆曾被搭訕但覺得男生接近別有用心?坦承需學習與異性相處

娛樂新聞
By Jennifer on 15 Aug 2022
Digital Editor

42歲嘅容祖兒(Joey)自從與劉浩龍分手之後一直單身,近日佢喺內地真人騷《牧野家族》中大談感情事,佢坦言仍然期待戀愛同生子,但表示自己好難踏出第一步,更大爆曾與阿Sa落酒吧被男生搭訕經歷。

近日容祖兒喺內地真人騷《牧野家族》中大談感情事Photo from 容祖兒微博

拍真人騷《牧野家族》揭容祖兒有社交焦慮

喺內地真人騷《牧野家族》中容祖兒與兔仔、豬仔生活,十分純樸。新一集佢要與節目其他嘉賓共進午餐,事前佢做嘅問卷顯示佢有輕度嘅社交焦慮,佢亦表示同意,Joey提到去年佢接過一個節目令佢壓力好大,唔知幾時要講嘢,佢表示同其他女生坦白內心說話係佢最理想嘅社交方式。

新一集Joey要與節目其他嘉賓共進午餐,事前佢做嘅問卷顯示佢有輕度嘅社交焦慮Photo from 《牧野家族》

Joey提到去年佢接過一個節目令佢壓力好大,唔知幾時要講嘢,佢表示同其他女生坦白內心說話係佢最理想嘅社交方式。Photo from 《牧野家族》

容祖兒指從來無諗過要退休

之後Joey就帶同自己親手整嘅午餐盒與節目另一位嘉賓王子文食飯。提到職業生涯,Joey表示以前自己需要打扮得比較誇張,以獲得他人認同,但依家唔會再咁花巧,因為自己年紀唔細再整太over會令人覺得佢好無自信。容祖兒又指現時對工作心態有所不同,會接自己中意嘅工作,但就直言從來無諗過要退休。

提到職業生涯,Joey表示以前自己需要打扮得比較誇張,以獲得他人認同Photo from 《牧野家族》

Joey指依家唔會再咁花巧,因為自己年紀唔細再整太over會令人覺得佢好無自信。Photo from 《牧野家族》

容祖兒又指現時對工作心態有所不同,會接自己中意嘅工作,但就直言從來無諗過要退休。Photo from 《牧野家族》

42歲Joey稱仍期待戀愛、生仔

Joey稱佢唔退休係因為好易會失去自我價值,佢唔知可以做咩,自己又無家庭。雖然佢講到自己未有組織家庭一臉遺憾,但好快Joey就表示佢仍然期待會戀愛、生仔,之後會向公眾宣佈休息一年,呢一年放下工作,安心準備人生下一個階段。

Joey稱佢唔退休係因為好易會失去自我價值,佢唔知可以做咩,自己又無家庭。Photo from 《牧野家族》

Joey就表示佢仍然期待會戀愛、生仔Photo from 《牧野家族》

王子文亦分享佢同兒子相處嘅心路歷程,容祖兒指如果有一日佢成為母親,就會有另一種被需要嘅感覺,自我價值會有一個提升,講到呢度Joey忍唔住嘆咗一口氣:「今年......看看吧!」

容祖兒指如果有一日佢成為母親,就會有另一種被需要嘅感覺,自我價值會有一個提升,講到呢度Joey忍唔住嘆咗一口氣Photo from 《牧野家族》

容祖兒:「今年......看看吧!」Photo from 《牧野家族》

曾遇搭訕,Joey坦言經常覺得男士另有所圖

Joey表示同男生相處對佢亦係一個好大嘅課題,佢有好多要學習嘅地方。容祖兒大爆有一次同阿Sa(蔡卓妍)去飲嘢,但嗰日佢唔知點解完全無飲到,一直都好清醒,突然有幾個男士走過嚟同佢傾偈,Joey指:「我就覺得,噢!原來搭訕是這樣的。」

Joey表示同男生相處對佢亦係一個好大嘅課題Photo from 《牧野家族》

容祖兒大爆有一次同阿Sa(蔡卓妍)去飲嘢Photo from 容祖兒微博

有幾個男士走過嚟同佢傾偈,Joey指:「我就覺得,噢!原來搭訕是這樣的。」Photo from 《牧野家族》

容祖兒表示對方同佢講:「聽說你是一個很有名的人。」容祖兒直言:「我覺得這個很尷尬,這一句就已經很尷尬了。」王子文亦指對方咁講唔太禮貌,容祖兒認同。佢稱去呢啲地方嘅唔一定係壞,但佢作為公眾人物,可能比較缺乏安全感:「我會覺得他們會抱著很多不同的想法來跟你說話。」Joey直認結識新朋友自己比較敏感。

容祖兒表示對方同佢講:「聽說你是一個很有名的人。」Photo from 《牧野家族》

容祖兒直言:「我覺得這個很尷尬,這一句就已經很尷尬了。」Photo from 《牧野家族》

祖兒稱佢作為公眾人物,可能比較缺乏安全感Photo from 《牧野家族》

Joey直認結識新朋友自己比較敏感Photo from 《牧野家族》

媽媽指女兒搵唔到好男人成遺憾,Joey聞言感觸落淚

聽到王子文同佢另一半嘅相識故事Joey亦非常感興趣,言談間大表羨慕。其實容祖兒入行以嚟感情生活一向低調,出道22年嚟只公開過兩次戀情,同劉浩龍2018年分手後一直單身至今。《牧野家族》節目中Joey曾打電話畀媽媽,當時容媽媽提到最遺憾係女兒未搵到一個好男人相伴,而容祖兒亦忍唔住喺鏡頭面前落淚。

《牧野家族》節目中Joey曾打電話畀媽媽,當時容媽媽提到最遺憾係女兒未搵到一個好男人相伴Photo from 《牧野家族》

容祖兒亦忍唔住喺鏡頭面前落淚Photo from 《牧野家族》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

容祖兒北上拍真人騷品嚐豬糧讚好味!忍唔住食完又食,樣子超享受

8 Aug 2022

現年42歲嘅容祖兒(Joey)返內地發展後job接job,佢最近出演內地綜藝節目《牧野家族》,節目中佢要照顧一隻小豬「豬福」,仲親自整嘢食畀豬仔食,但Joey竟然食埋一份,引起熱議。

現年42歲嘅容祖兒(Joey)返內地發展後job接job,佢最近出演內地綜藝節目《牧野家族》Photo from Mani微博

容祖兒北上接拍真人騷《牧野家族》

容祖兒近年將事業重心轉移至內地,北上賺人仔又參加人氣綜藝節目《乘風破浪的姐姐2》,大展唱跳功架,成功以第4名入選成團名單。Joey最近單獨出現內地真人騷《牧野家族》,回歸大自然。

容祖兒近年將事業重心轉移至內地,北上賺人仔又參加人氣綜藝節目《乘風破浪的姐姐2》,大展唱跳功架,成功以第4名入選成團名單。Photo from 容祖兒微博

《牧野家族》係治癒型綜藝節目,嘉賓透過重返大自然、與動物親近互動,展示自己嘅內心世界,早前預告片中容祖兒獨兒揸車落淚嘅片段掀起網民關注,最近一集佢同豬仔嘅互動亦成為焦點。

早前預告片中容祖兒獨兒揸車落淚嘅片段掀起網民關注Photo from 《牧野家族》

容祖兒獨力照顧一兔一豬

容祖兒嘅物資被節目組收走,而佢要照顧一隻兔仔同一隻豬仔,節目最新一集佢就要為豬仔「豬福」身上嘅傷口搽藥,見到容祖兒都十分有耐心,仔細咁為豬福搽好晒啲藥。

容祖兒嘅物資被節目組收走,而佢要照顧一隻兔仔同一隻豬仔Photo from 《牧野家族》

節目最新一集佢就要為豬仔「豬福」身上嘅傷口搽藥,見到容祖兒都十分有耐心,仔細咁搽好晒啲藥。Photo from 《牧野家族》

今集任務要佢照顧好豬福,節目組會實時監測豬福嘅情緒,只要豬福滿意,Joey就可以兌換物品。於是Joey就開始為豬福炮製美食,佢先係上網搵豬鍾意食咩,了解養豬知識。

今集任務要joey照顧好豬福,節目組會實時監測豬福嘅情緒,只要豬福滿意,佢就可以兌換物品。Photo from 《牧野家族》

Joey就開始為豬福炮製美食,佢先係上網搵豬鍾意食咩,了解養豬知識。Photo from 《牧野家族》

Joey為豬仔下廚炮製早餐

最終佢決定用「水面粉」為豬福煮一個豐富嘅早餐,容祖兒一邊整一邊話:「其實這些人類是可以吃的吧?!」當佢放埋落電飯煲度煮,Joey再一次表示:「你看!好像挺好吃的!」不過豬福嘅早餐賣相卻認真麻麻,睇落似啲粉未溶晒落水,有結塊情況出現,顏色亦十分不討好。

最終容祖兒決定用「水面粉」為豬福煮一個豐富嘅早餐,容祖兒一邊整一邊話:「其實這些人類是可以吃的吧?!」Photo from 《牧野家族》

佢仲放埋落電飯煲度煮,Joey再一次表示:「你看!好像挺好吃的!」Photo from 《牧野家族》

豬福嘅早餐賣相卻認真麻麻Photo from 《牧野家族》

Joey卻十分有信心Photo from 《牧野家族》

雖然賣相唔算好,但豬福就食得好開心,連入面加咗藥都唔知。見到豬福食得咁開心,Joey表示:「我也來一點吧!」節目組亦大為震驚:「你確定?」Joey即反問:「為甚麼不?我覺得是可以吃的吧!」

雖然賣相唔算好,但豬福就食得好開心Photo from 《牧野家族》

Joey表示:「我也來一點吧!」令節目組大為震驚Photo from 《牧野家族》

容祖兒親自品嚐豬糧,大讚好味

講就咁講,但喺食落口之前Joey都聞咗好多次,坦言:「其實有點緊張。」不過最終佢都親自品嚐豬糧味道,豬糧一入口Joey就忍唔住發出感歎,佢食完一啖又一啖,更食到「lam lam 脷」,狀甚享受。

講就咁講,但喺食落口之前Joey都聞咗好多次Photo from 《牧野家族》

容祖兒坦言:「其實有點緊張。」Photo from 《牧野家族》

最終佢都親自品嚐豬糧味道,豬糧一入口Joey就忍唔住發出感歎Photo from 《牧野家族》

Joey食完一啖又一啖,更食到「lam lam 脷」,狀甚享受。Photo from 《牧野家族》

Joey邊食邊點頭,更向節目組揚言呢幾日唔使換物資,食豬糧都可以:「好像我喜歡吃的早餐麥片!」佢表示係健康嘅味道。呢一段引起網民熱議,有人大讚Joey完全無天后架子,出演真人騷去到盡,但亦有網友認為真人騷都有劇本,Joey呢段「情節」做得太over。

Joey邊食邊點頭,更向節目組揚言呢幾日唔使換物資,食豬糧都可以Photo from 《牧野家族》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel