容祖兒揸車突然爆喊！與劉浩龍分手後一直單身，曾指拍拖唔開心？

容祖兒（Joey）近年北上發展，參加《乘風破浪的姐姐2》後人氣急升，佢近日將出演另一個內地綜藝節目《牧野家族》，預告中佢揸車途中突然無聲落淚，引起熱議。佢喺節目中分享自己有時會感到孤獨。

Photo from 容祖兒微博

容祖兒北上發展賺人仔

容祖兒喺香港樂壇奪獎無數，地位舉足輕重，不過近年佢北上發展，唔止推出國語單曲，更參加內地綜藝節目《乘風破浪的姐姐2》，佢表現出色，人氣亦直線上升，最終以第4名入選成團名單。

Photo from 容祖兒微博

早前佢曾回港休息，但好快就再次去內地工作。好友阿Sa阿嬌參與嘅《乘風破浪3》最新一集中，Joey以「二代師姐」嘅身份登場，將再次上台表演。

Photo from 《乘風破浪3》

容祖兒出演治癒系真人騷《牧野家族》

除咗再出演《乘風破浪》之外，容祖兒更接拍真人騷《牧野家族》。《牧野家族》係治癒型綜藝節目，嘉賓透過重返大自然、與動物親近互動，展示自己嘅內心世界，節目仲有內地藝人張翰、王子文等出現。

Photo from 《牧野家族》

Photo from 《牧野家族》

喺最新公開嘅預告中，容祖兒面對鏡頭表示：「這四天裡面發生的一切，就好像坐過山車一樣 ，驚心動魄。」期間佢更雙手抱頭，似乎大感崩潰。而喺另一片段，容祖兒於屋內大嗌自己個名，釋放出壓力。

Photo from 《牧野家族》

Photo from 《牧野家族》

Photo from 《牧野家族》

揸車突然爆喊，容祖兒自爆感到孤獨？

不過引起網民關注嘅係，預告中佢單獨揸車，仲一邊默默落淚，畫面中容祖兒嘅背景聲音表示：「我的孤獨是可能會有一陣子我會問自己，我為甚麼在這裡。」令唔少fans睇完後大呼心痛！

Photo from 《牧野家族》

Photo from 《牧野家族》

但亦有網民認為內地真人show都有劇本，網民指節目組一班工作人員跟到實，根本唔係真正嘅獨處，容祖兒喊只係做戲以吸引網友睇節目。

Photo from LIHKG

Photo from LIHKG

曾公開提及感情事，容祖兒拍拖唔開心

其實容祖兒入行以嚟感情生活一向低調，出道22年嚟只公開過兩次戀情。同日本通陳方藤拍拖5年後分手、2012年容祖兒同劉浩龍傳出緋聞，其後兩人公開戀情，不過兩人拍拖卻不被外界睇好，認為劉浩龍「高攀」，最終戀情亦未能開花結果，佢哋喺2018年正式分手。

Photo from 微博

現年42歲嘅容祖兒單身3年，佢曾接受內地節目《2次重塑》訪問，提到媽媽經常教佢喺感情上唔好為咗伴侶委屈自己，佢拍拖時媽媽更會嬲，因為睇出佢一啲都唔開心，而Joey亦指：「分手後才知道她（媽媽）看到的是對的。」佢自己亦有喺綜藝節目《因為是朋友呀》透露前任男友唔理解自己，當時有部分網民猜測佢係指前男友劉浩龍。

Photo from 容祖兒微博

相關文章：因為是朋友呀｜容祖兒爆當年張國榮唔太中意佢！袁詠儀憶前輩稱要學習梅艷芳

相關文章：因為是朋友呀｜蔡卓妍揭當年向鍾欣潼瞞婚原因 容祖兒暗指劉浩龍無理佢感受而分手？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

因為是朋友呀｜Twins容祖兒嫌棄螢幕初吻對象？阿嬌疑爆婚姻失敗原因

14 Feb 2022

蔡卓妍（阿Sa）、鍾欣潼（阿嬌）、容祖兒（Joey）主持《因為是朋友呀》請咗陳妍希做嘉賓，佢哋更透露螢幕初吻對象，Joey大呻大家都好可憐。前夫賴弘國再婚，阿嬌疑於節目再爆離婚原因。

阿嬌、陳妍希大談理想型

內地綜藝節目《因為是朋友呀》（前名《容我Sa嬌》）新一集邀請咗陳妍希，佢哋提到陳妍希同老公陳曉因為拍內地劇《神雕俠侶》結緣，如果要「戲假情真」大家會揀邊一位男明星。

阿嬌就表示：「金城武！」，陳妍希話係劉德華，更十分羨慕阿Sa可以同劉德華拍戲，而阿Sa則自豪指喺新戲同梁朝偉有感情戲。

Twins容祖兒提及螢幕初吻對象勁嫌棄

之後Joey提到自己雖然係歌手，但同公司「大師兄」謝霆鋒拍過吻戲，阿Sa即追問係咪佢嘅螢幕初吻。Joey就表示佢嘅螢幕初吻獻咗畀Eason陳奕迅。

點知阿Sa、阿嬌竟異口同聲表示：「我也是！」，睇返資料，Joey曾於2001年電影《百分百感覺2》中同Eason合作，而阿Sa 2001年另一套電影《常在我心》同陳奕迅擔任男女主角，至於阿嬌則係2002年嘅電影《賤精先生》同Eason飾演青梅竹馬。

不過講到螢幕初吻對象，Joey同阿Sa阿嬌都一臉嫌棄，阿Sa驚訝指：「我們三個都是喔？！」，Joey即回：「好可憐！」

阿嬌請教陳妍希婚姻如何保溫

阿嬌同容祖兒對陳妍希同老公陳曉嘅愛情故事十分感興趣，阿嬌問對方結婚兩年，係點將愛情「保溫」，陳妍希表示佢知道老公想發展事業，佢會喺背後全力支持，照顧好家庭等老公無後顧之憂。

阿嬌又問大家出門旅行，點同另一半分配使費支出，Joey指會同對方出門前商量好，阿Sa就指：「AA也行。」，阿嬌回應指：「（AA）也OK，我是擔心對方負擔不起。」

阿嬌前夫賴弘國再婚即將做爸爸

雖然阿嬌並未提及任何人，但有網民指當初阿嬌同前夫賴弘國離婚時就有猜測指係因為阿嬌同對方收入差距太大。而阿嬌喺節目中亦表示覺得「女主外男主內」嘅婚姻幾好。

阿嬌前夫賴弘國日前再婚，更透露「雙喜臨門」，即將升級做爸爸，佢又大讚Alice願意陪伴佢飛內地做生意。

相關文章：阿嬌鍾欣潼同賴弘國離婚有不捨！爆當初結婚原因！阿Sa蔡卓妍唔後悔嫁鄭中基！

相關文章：因為是朋友呀｜鍾欣潼哭訴童年遭遇！拎表弟用過「二手水」沖涼

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）