幫好姐妹男友籌備求婚驚喜!成功後竟被要求夾錢:究竟係邊個要結婚?

幫好姐妹男友籌備求婚驚喜!成功後竟被要求夾錢:究竟係邊個要結婚?

生活熱話
By Stephanie on 19 Aug 2022
Digital Content Writer

求婚儀式意義重大,代表情侶們即將踏入人生新階段,好多時男生都會策劃秘密驚喜俾女友,希望令對方有個難忘經歷~最近,一名港女討論區分享被好姐妹男友嘅邀請幫手策劃求婚計畫,並且落力幫手佈置酒店房間。然而事後卻竟然收到好姐妹男友嘅訊息要求夾返錢?!

港女分享幫好姐妹男友秘密策劃求婚驚喜嘅經歷!Photo from 《金都》

港女幫好姐妹男友策劃求婚驚喜

港女喺討論區表示2個月前收到好姐妹嘅男友請求,希望佢同幾位朋友可以一齊幫手策劃求婚計畫,而佢亦義不容辭咁答應咗對方。而對方就選擇預訂酒店房間進行求婚,相信應該係想求完婚順便Staycation二人世界~

港女表示獲好姐妹男友邀請幫手策劃求婚!Photo from 香港討論區

為咗好姐妹嘅幸福,港女當然答應對方啦~Photo from 《閨蜜》

幫手佈置酒店房間

喺求婚之前,港女主動詢問好姐妹男友「有冇嘢要幫手買」,而對方亦好有信心咁話「買晒唔使出錢,幫手佈置到靚靚就得。」然而,喺幫手佈置房間嘅時候卻發現對方根本冇買充氣泵,所以全部人都只能用一個小飲管吹氣球,過程變得超艱辛!

然而,對方卻連氣球泵都冇買,搞到朋友們要用小飲管幫手吹氣球!Photo from SBS Mandarin 官方中字 @YouTube

男方買超少裝飾

喺完成吹氣球嘅環節後,港女就打算利用花朵裝飾房間,但就發現對方居然選擇咗買「膠花」,令佢十分不解「唔買真花,你買乾花都好呀,買膠花係咩意思?」而男友其實只係買咗8個字母氣球、5個普通氣球以及一紮假花,其餘就只能夠靠酒店嘅昏暗燈光營造浪漫氣氛。

而男方準備嘅花朵、氣球等都令港女感到非常驚訝!Photo from 香港討論區

因為對方居然選擇買「膠花」佈置房間Photo from 《閨蜜》

最終仲被對方要求夾返錢?

不過,港女認為求婚佈置嘅過程並唔重要,最緊要係好姐妹收到求婚驚喜,而男方亦求婚成功!正當眾人好感動咁離開酒店後,卻突然收到好姐妹男友喺WhatsApp「求婚群組」中要求朋友們一齊夾返酒店、氣球、花朵等嘅錢,令佢嬲爆大呻「淘寶買返嚟,最多連埋運費都係50蚊,咁都要除返條數?」覺得對方好孤寒!

幸好好姐妹嘅求婚計畫非常成功!Photo from 《不會戀愛的我們》

然而好姐妹嘅男友事後要求朋友們夾返錢?!Photo from 《愛情雨》

網民一致認為對方孤寒:冇錢唔好學人結婚!

大部分網民睇完都覺得好古怪「拜託完人哋,仲要人俾返錢都真係第一次聽」、「真係好大嘅笑話」、「快啲同好姐妹講返啦!」等,亦有網民提議應該詢問對方「係咪宜家夾完錢,到時結婚唔洗俾人情先」,大家都一致認同男方太過分,簡直就係利用朋友!

網民都認為男方求婚,卻要求朋友夾錢嘅行為好奇怪!Photo from 香港討論區

大家都覺得簡直係睇清咗呢個朋友,仲有網民建議佢同好姐妹講返!Photo from 《紳士的品格》

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女呻男友拍拖唔plan 計劃好晒仲要俾佢嫌棄 網民:你值得更好

12 Aug , 2022

為對方用心付出,卻得不到任何回報,更被當作理所當然,的確會令人心淡。近日有港女在Dcard討論區抱怨,指男友完全不會計劃拍拖行程,總是要事主負責籌劃,但事後又多多意見,令她非常難受。

港女在Dcard討論區抱怨男友拍拖完全不會計劃行程。Photo from 《29+1》

周年紀念食飯食到喊

事主表示與男友拍拖1年半,以往都靠自己策劃拍拖行程,因為男友不會主動去做。事主自言拍拖前已向男友表明,自己是個著重紀念日,需要慶祝週年紀念的人,但自問要求不高,只需出外吃一餐飯便可。不過男友上年居然完全沒有任何計劃,要事主自己即日訂餐廳和酒店,吃飯時更諸多不滿,令事主非常傷心,更當場淚崩,向網民大吐苦水:「點解我付出咗仲要睇佢面色。」

事主哭訴男友連週年紀念都沒有任何計劃。Photo from 《紀念日》

事主哭訴男友連週年紀念都沒有任何計劃。Photo from 《29+1》

認為事主是付出理所當然

有過上年慘痛經歷後,拍拖時事主都會事先花心機準備行程,若男友開心的話,自己亦會感到滿足,但相反看到男友表現出不滿態度,自己會因此而傷心,感覺白費心機。交往久了,男友慢慢覺得事主的付出是理所當然,變得不懂珍惜。
image00025-1280x721

去Staycation再度淚崩

事主指最近與男友去Staycation,自己花了兩日時間做準備,比較不同酒店的價錢與服務,最後訂了一間包早餐及自肋晚餐的酒店,男友原本同意並付了錢,但後來又抱怨房間太細,事主無奈地問酒店可否退房加退錢,最後被拒絕,事主指花費心神挑選,結果男友還是不滿意,令人心淡。其後事主再發現自己訂錯了酒店自助餐服務,詢問過後發現不能更改,事主感到失落自責,再次哭了出來。

KHrrdNu1mn92KoJUPHMAhkmtXbqavN20oJdZ8qCXWfI

壓力太大不想再計劃行程

事主直言不想再負責計劃拍拖行程,因為壓力很大,而男友又不會主動分擔。事主表示每次看到男友表現不滿,心情就會受到影響,加上自己本身做事追求完美,若自覺做得不夠好,就會倍感傷心。
The Empty Hands_5

網民指事主值得擁有更好

不少網民留言為事主抱不平,批評男友太懶惰又沒有主見,不會主動計劃行程又要多多挑剔,完全不懂得尊重別人。有人指事主自願計劃行程已經很好,不要委屈自己,並奉勸事主分手,「唔係個個女仔都肯好似你咁樣做,你值得一個更加好既男朋友」、「你咁樣已經好好,飛左佢啦」

螢幕截圖 2022-08-11 下午11.16.03

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel