陳豪大談與陳茵媺維繫夫妻感情秘訣!自爆過往喜愛夜蒲:一星期三四晚都喺蘭桂坊

陳豪大談與陳茵媺維繫夫妻感情秘訣!自爆過往喜愛夜蒲:一星期三四晚都喺蘭桂坊

娛樂新聞
By Stephanie on 22 Aug 2022
Digital Content Writer

由楊詩敏(蝦頭)以及連詩雅所主持嘅網絡節目《絲打圍佬》最新一集邀請咗「模範好男人」陳豪(Moses)做嘉賓,並大談男人對異性嘅幻想。而Moses坦承過往經常夜蒲,仲自爆同老婆陳茵媺(Aimee)維繫感情嘅方法,喺鏡頭前大方放閃羨煞旁人~

最新一集《絲打圍佬》邀請到陳豪做嘉賓Photo from 《絲打圍佬》

兩位女主持認定陳豪為「男神」!

節目一開始,2位女主持楊詩敏(蝦頭)及連詩雅就已經向陳豪「表白」,直指對方係佢哋嘅「FF對象(幻想對象)」,大讚佢係男生及「男人天花板」!然而,陳豪就表示自己並冇所謂嘅「FF對象」,直言自己嘅年紀已經過咗會不停幻想嘅階段。

蝦頭同連詩雅一開始就表示陳豪係佢哋嘅「男神」!Photo from 《絲打圍佬》

自爆與老婆Aimee相識經過

當主持人問Moses係咪同老婆陳茵媺一見鍾情時,佢表示二人係互相認識後變熟而擦出愛火,直到拍完套劇先正式開始拍拖。而佢揚言認識Aimee嘅時候,因為正經歷某些事而未有心情諗感情事,睇嚟二人真係非常有緣~

陳豪自爆當年同Aimee結識嘅經過Photo from 《絲打圍佬》

而佢認識對方嘅時候並唔係一心諗住要拍拖Photo from 《絲打圍佬》

偏愛有氣質的女生

陳豪表示雖然同Aimee嘅年齡相差10年,但二人無論喺性格、品味、興趣等都非常合拍,令二人關係變得更加親密!佢解釋自己並冇擇偶條件,好多時都係睇感覺為先;但就自爆自己比較鍾意有氣質及有女人味嘅女仔。

陳豪表示雖然同Aimee年齡差距大,但二人卻非常合襯!Photo from 《絲打圍佬》

直言自己係睇感覺搵伴侶~Photo from 《絲打圍佬》

大談夫妻相處之道!

陳豪話自己認同「男主外女主內」嘅觀念,認為老婆負責管理家頭細務;而佢就負責喺外面工作賺錢,互相配合之下先可以減少二人間嘅摩擦。當被問到Aimee係咪佢嘅FF對象時,佢就話「我明大家覺得Aimee好正先令你更加鍾意佢,但其實唔係外在問題」,二人自拍拖到宜家都好少鬧交,意見不合嘅時候會理性討論,認為內在及性格係最重要嘅!

陳豪分享與Aimee之間嘅夫妻相處之道!Photo from 《絲打圍佬》

二人好少鬧交,即時意見唔同都好願意同對方溝通!Photo from 《絲打圍佬》

強調內在比外在更加重要得多!Photo from 《絲打圍佬》

設立二人專屬「愛情密碼」避免發生大爭吵

夫妻二人可以話係完全冇秘密,而且佢哋二人亦有專屬嘅「緊急密碼」,當佢哋意見不合開始發生小爭吵時就會用到「我哋一講個密碼呢,就要將所有嘢放低要去愛對方」,而兩位女主持都表示非常認同呢個做法!

陳豪同老婆仲有制定二人嘅專屬「愛情密碼」Photo from 《絲打圍佬》

兩位主持人都認為非常重要可以避免二人喺吵架時失去理智講出錯誤嘅說話!Photo from 《絲打圍佬》

Aimee事隔將近10年再度拍戲

最近,Aimee即將久違地復出拍戲,仲會同陳豪夫妻檔上陣,令唔少網民感到期待。而陳豪表示Aimee現時非常努力做運動瘦身「佢已經有6舊腹肌,我有同佢講你唔洗練得咁犀利」,講笑咁話自己嘅腹肌都冇佢咁厲害!

陳豪指Aimee現時好努力咁為拍戲做準備!Photo from 《絲打圍佬》

現時Aimee已經擁有6舊腹肌,但佢正在為角色而開始練習跆拳道等,相信今次飾演嘅角色非常有挑戰性!Photo from Aimee IG

坦承過往喜愛夜蒲!

喺大眾心目中係「好好先生」嘅陳豪直言任職模特兒時嘅佢都好貪玩㗎!當時佢經常同其他模特兒一齊出去夜蒲「就算大家蒲到凌晨5、6點都好或者大聲咁話要帶幾多個女朋友返屋企,但就永遠都係自己一個返屋企!」

陳豪坦承年輕時經常與朋友夜蒲!Photo from 《絲打圍佬》

但就話自己永遠都係自己返屋企,從來冇喺夜蒲期間認識到女友!Photo from 《絲打圍佬》

維繫感情靠二人世界?!

夫妻之間朝夕相對難免會令二人之間嘅心動感覺慢慢消失,但陳豪同Aimee就訂立維繫感情嘅方法:約定每年都會二人世界出國旅遊,即時宜家受到疫情影響,佢哋都會出去Staycation!二人間嘅感情真係Sweet爆,可以睇得出佢哋真係非常用心經營關係~

陳豪同Aimee有制定特別嘅維繫感情方法Photo from 《絲打圍佬》

二人每年都會出國旅遊,絕對唔帶小朋友!宜家因為疫情關係就改為去Staycation!Photo from 《絲打圍佬》

二人當年拍戲而結緣!

2010年,陳豪剛剛與廖碧兒分手頓時成為大眾心目中嘅「荀盤」,同年佢與Aimee因為合作電視劇《心戰》而傳出戀情。其後二人喺2013年結婚,婚後育有3名孩子;而Aimee亦專心相夫教子,淡出娛樂圈,一家五口嘅感情融洽!

2013年,陳豪與Aimee結婚!Photo from Aimee IG

二人婚後育有2名兒子、1名女兒!Photo from Aimee IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳豪為防疫獨自於露台生活!保障妻兒健康,屋企24小時戴口罩

1 Mar , 2022

陳豪一向係「顧家好男人」,曾為妻兒健康而堅持戴醫用口罩。近日有傳同劇拍檔胡定欣確診新冠肺炎,防疫意識極高嘅陳豪隨即安排自己獨自於家中露台生活,盡量避免直接與家人接觸。

陳豪一向係「顧家好男人」,曾為妻兒健康而堅持戴醫用口罩。Photo from 陳茵媺 IG

陳豪、陳茵媺結婚9年仍然恩愛

陳豪與陳茵媺於2013年結婚,婚後育有2子1女,一家五口幸福美滿。結婚9年陳豪同陳茵媺甜蜜依舊,係圈中公認嘅模範夫妻,陳茵媺更淡出娛樂圈,集中精神照顧家庭,而陳豪就努力工作,務求令家人嘅生活更好。

陳豪與陳茵媺於2013年結婚,婚後育有2子1女,一家五口幸福美滿。Photo from 陳茵媺 IG

結婚9年陳豪同陳茵媺甜蜜依舊,係圈中公認嘅模範夫妻Photo from 陳茵媺 IG

陳豪為保妻兒健康,出席活動戴實口罩

近來疫情嚴重,陳豪為妻兒嘅健康著想,即使要拍劇、出席活動都做足防疫措施,現身新劇《飛虎3壯志英雄》記者會時亦戴上兩個口罩。

陳豪出席新劇《飛虎3壯志英雄》記者會時戴上兩個口罩。Photo from TVB

佢之前出席台慶堅拒用透明口罩,而係戴返醫用口罩,喺一眾藝人中十分搶眼,陳豪當時表示寧願犧牲個樣換嚟安全。

台慶堅拒用透明口罩,而係戴返醫用口罩,陳豪當時表示寧願犧牲個樣換嚟安全。Photo from TVB

傳胡定欣確診,陳豪加強防疫

陳豪超高防疫意識獲網友大讚,而確診數字日趨上升,有唔少藝人都中招,近日有傳視后胡定欣都確診,佢正為TVB拍攝新劇,陳豪同胡定欣有唔少對手戲,作為接觸者佢再加強防疫。

確診數字日趨上升,有唔少藝人都中招,近日有傳視后胡定欣都確診Photo from TVB

獨自於露台生活,陳豪於家中24小時戴口罩

陳豪老婆陳茵媺喺IG公開片段,片中細女Camilla喺餐盤上放咗啲小食送去畀坐喺露台嘅爸爸,陳豪打開玻璃門接過後就閂門,全程都帶住口罩,見佢用餐都喺露台,望住無敵大海景、睇住iPad食飯,陳茵媺同3個仔女就喺玻璃門外。

陳豪細女Camilla喺餐盤上放咗啲小食送去畀坐喺露台嘅爸爸Photo from 陳茵媺 IG

陳豪打開玻璃門接過後就閂門,全程都帶住口罩Photo from 陳茵媺 IG

陳豪用餐都喺露台,望住無敵大海景、睇住iPad食飯Photo from 陳茵媺 IG

陳茵媺表示陳豪呢幾日幾乎起居飲食都係喺露台,即使瞓覺佢都係喺獨立房間。陳豪亦曾指因為工作佢接觸嘅人太多,所以就算喺屋企瞓覺都會戴住口罩!

陳茵媺同3個仔女喺玻璃門外。Photo from 陳茵媺 IG

陳茵媺表示陳豪呢幾日幾乎起居飲食都係喺露台,即使瞓覺佢都係喺獨立房間。Photo from 陳茵媺 IG

網民讚陳豪係好爸爸好老公

早前陳豪陳茵媺兒子Nathan生日,一家五口喺家中為佢慶祝,陳豪亦全程戴口罩,即使唱生日歌同影大合照都無除,睇嚟疫情下佢仍然維持高度戒備,寧願自己麻煩都唔想家人生病,網友大讚佢係好爸爸好老公!

早前陳豪陳茵媺兒子Nathan生日,一家五口喺家中為佢慶祝,陳豪亦全程戴口罩Photo from 陳茵媺 IG

陳豪寧願自己麻煩都唔想家人生病,網友大讚佢係好爸爸好老公!Photo from 陳茵媺 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel