鍾培生突宣佈聘請「書僮」!薪金、學歷無限制,身處國外都做得

鍾培生突宣佈聘請「書僮」!薪金、學歷無限制,身處國外都做得

娛樂新聞
By Jennifer on 23 Aug 2022
Digital Editor

「百億富三代」鍾培生飛咗過日本4個月,最近終於回港!佢似乎有新搞作,喺Facebook發文聘請「書僮」,更列明3大條件,吸引唔少網民留言。而鍾培生亦有回覆網友,呼籲有意者盡快DM佢!

「百億富三代」鍾培生飛咗過日本4個月,最近終於回港Photo from 鍾培生IG

鍾培生飛日本4個月終回港

鍾培生於4月同公司同事一齊飛去東京,期間仲拍咗非常多YouTube影片,身為「百億富三代」,鍾培生遊東京住嘅係總統套房,又豪花20萬掃貨買衫、100萬買江戶時代文物送畀媽媽做生日禮物。

鍾培生遊東京住嘅係總統套房Photo from 鍾培生YouTube

鍾培生豪花20萬掃貨買衫Photo from 鍾培生YouTube

其實鍾培生此行除咗喺東京觀光,仲去咗一轉大阪,當然亦有到訪港人最愛嘅環球影城。鍾培生去日本拍咗成19個vlog,片量超高!喺日本逗留4個月,鍾培生最新vlog就透露佢終於返香港,喺最新嘅隔離vlog中佢更抱怨香港嘅檢疫程序好麻煩 。

其實鍾培生此行除咗喺東京觀光,仲去咗一轉大阪Photo from 鍾培生YouTube

鍾培生去日本拍咗成19個vlog,片量超高!Photo from 鍾培生YouTube

鍾培生最新vlog就透露佢終於返香港Photo from 鍾培生YouTube

最新嘅隔離vlog中鍾培生抱怨香港嘅檢疫程序好麻煩 。Photo from 鍾培生YouTube

招聘書僮,鍾培生列3大要求

雖然唔知佢有咩新搞作,不過近日佢就喺Facebook發文招聘人才「誠請一位書童(書僮)」,不過佢未有列明詳細嘅招聘細節,只簡單咁寫上3大要求:1.中英文睇嘢快;2.好肯接受新事物、新邏輯;3.對世界同歷史有興趣。

近日鍾培生喺Facebook發文招聘人才「誠請一位書童(書僮)」Photo from 鍾培生IG

鍾培生未有寫明學歷、年齡、薪金等,但都吸引咗唔少網民留言,有網友問佢面試會唔會問中意邊個迪士尼公主,鍾培生就回覆指唔係搵女朋友;有大學生留言鍾培生亦表示可以參加面試,有網友就稱唔喺香港,鍾培生回覆:「無所謂,講到電話就得。」睇嚟「遠距離伴讀」都無問題!

鍾培生未有寫明學歷、年齡、薪金等,但都吸引咗唔少網民留言Photo from 鍾培生IG

有網友問佢面試會唔會問中意邊個迪士尼公主,鍾培生就回覆指唔係搵女朋友Photo from 鍾培生Facebook

有網友就稱唔喺香港,鍾培生回覆:「無所謂,講到電話就得。」睇嚟「遠距離伴讀」都無問題!Photo from 鍾培生Facebook

「書僮」工作職責公開

雖然鍾培生只列出3大要求,但佢亦表示即使英文唔算好,識睇就ok,呼籲有意者聯絡佢。有網友更指可以唔收錢,鍾培生則稱:「唔關錢嘅問題」

雖然鍾培生只列出3大要求,但佢亦表示即使英文唔算好,識睇就okPhoto from 鍾培生IG

據悉鍾培生係想請一位對世界同歷史都有興趣嘅人士,盡快閱讀中文或英文嘅資料後,再轉述畀佢聽,所以工作地點同時間都不限,即使電話溝通都無問題,鍾培生比較著重能否順利同書僮溝通。睇返鍾培生YouTube片,佢同公司員工關係唔錯,相處都幾好,相信書僮都會吸引好多人應徵。

據悉鍾培生係想請一位對世界同歷史都有興趣嘅人士,盡快閱讀中英文嘅資料後,再轉述畀佢聽Photo from 鍾培生IG

睇返鍾培生YouTube片,佢同公司員工關係唔錯Photo from 鍾培生YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鍾培生日本花100萬買黃金文物,作媽媽生日禮物!為折扣用現金埋單

26 May 2022

鍾培生近日去咗日本東京並拍攝唔少vlog,新一集佢為買媽媽生日禮物而到銀座。最終買下價值100萬嘅黃金刀柄,期間佢為咗有折更去撳錢攞現金付款,見到一大疊日圓,場面震撼。

鍾培生近日去咗日本東京並拍攝唔少vlog,新一集佢為買媽媽生日禮物而到銀座。Photo from 鍾培生 IG

廣告
廣告

鍾培生遊東京銀座為媽媽買生日禮物

鍾培生日本東京之旅十分豪華,佢本人住新酒店嘅總統套房,又去UNIQLO掃貨。新一集佢就再次現身銀座,並打算買禮物畀媽媽。佢指媽媽今年60大壽,但自己身在東京未能陪母親過生日,但就打算喺日本買返份禮物贈予媽媽。

鍾培生指媽媽今年60大壽,但自己身在東京未能陪母親過生日,但就打算喺日本買返份禮物贈予媽媽。Photo from 鍾培生 YouTube

鍾培生稱好煩惱唔知送咩好,因為佢媽媽從來唔買Chanel、Hermès等名牌、珠寶鍾媽媽自己又有相熟珠寶商、又唔中意收花。

鍾培生稱好煩惱唔知送咩好,因為佢媽媽從來唔買Chanel、Hermès等名牌Photo from 鍾培生 YouTube

鍾培生稱媽媽唔中意收花。Photo from 鍾培生 YouTube

睇中黃金製江戶時代文物

經過一間買武士刀嘅店舖時,同行工作人員叫佢買返把畀媽媽,雖然鍾培生拒絕買刀,但就指可以買個盔甲「旺一旺」鍾媽媽嘅麻雀運。佢入去之後就問店員有咩好介紹。

鍾培生指可以買個盔甲「旺一旺」鍾媽媽嘅麻雀運。Photo from 鍾培生 YouTube

鍾培生入去店舖就問店員有咩好介紹。Photo from 鍾培生 YouTube

之後店員帶佢睇咗一啲由江戶時代嘅金幣。鍾培生睇中一個黃金小物,喺店員介紹下佢指呢個係江戶時代嘅文物,售價達100萬日圓(約港幣$6.2萬)全球僅一個,而且係黃金製,上面刻咗神奈川縣江之島,當地神社供奉一位象徵守財嘅女神,鍾培生認為呢個文物好有意頭,符合佢一開始想催旺媽媽麻雀運,打麻雀長勝嘅送禮想法。

店員帶佢睇咗一啲由江戶時代嘅金幣Photo from 鍾培生 YouTube

鍾培生睇中一個黃金小物,喺店員介紹下佢指呢個係江戶時代嘅文物Photo from 鍾培生 YouTube

鍾培生睇中嘅商品售價達100萬日圓Photo from 鍾培生 YouTube

小物全球僅一個,而且係黃金製Photo from 鍾培生 YouTube

上面刻咗神奈川縣江之島,當地神社供奉一位象徵守財嘅女神,鍾培生認為呢個文物好有意頭,符合佢一開始想催旺媽媽麻雀運,打麻雀長勝嘅送禮想法。Photo from 鍾培生 YouTube

為節省金錢,以現金付款攞折扣

本身鍾培生打算碌卡,但要收手續費,而付現金則有折扣,鍾培生雖未帶夠錢仍毫不猶豫去提款機撳錢。鍾培生坦言平$10萬(約港幣$6,000)佢無理由為型唔要呢個折,仲話媽媽見到佢識慳錢一定好欣慰。

本身鍾培生打算碌卡,但要收手續費,而付現金則有折扣,鍾培生雖未帶夠錢仍毫不猶豫去提款機撳錢。Photo from 鍾培生 YouTube

鍾培生坦言平$10萬(約港幣$6,000)佢無理由為型唔要呢個折Photo from 鍾培生 YouTube

鍾培生指店員一開始介紹佢買5萬、6萬日圓嘅文物,但佢指母親60大壽應該要隆重啲,加上佢為催財而買,如果咁都唔願意使多啲錢,啲財富又點返嚟?!

鍾培生指店員一開始介紹佢買5萬、6萬日圓嘅文物,但佢指母親60大壽應該要隆重啲Photo from 鍾培生 YouTube

鍾培生指佢為催財而買,如果咁都唔願意使多啲錢,啲財富又點返嚟?!Photo from 鍾培生 YouTube

文物真身係刀柄

鍾培生撳錢後返回店舖問店員其實呢個文物係咩嚟,原來本來係武士刀上小刀嘅刀柄,稱為「小柄」,不過現代通常只保留刀柄。鍾培生現兜兜咁拎咗一大疊日圓付款,買到心頭好嘅佢似乎非常開心!

鍾培生撳錢後返回店舖問店員其實呢個文物係咩嚟,原來本來係武士刀上小刀嘅刀柄,稱為「小柄」Photo from 鍾培生 YouTube

鍾培生現兜兜咁拎咗一大疊日圓付款Photo from 鍾培生 YouTube

買到心頭好嘅鍾培生似乎非常開心!Photo from 鍾培生 YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel