張家輝用廣東話為《明日戰記》宣傳惹內地網民不滿?天王劉德華被要求幫手宣傳,官方發聲明回應!

張家輝用廣東話為《明日戰記》宣傳惹內地網民不滿?天王劉德華被要求幫手宣傳,官方發聲明回應!

電視電影 娛樂新聞
By Stephanie on 25 Aug 2022
Digital Content Writer

古天樂擔任總監製及主演嘅電影《明日戰記》喺今日正式於戲院上映,據悉電影投資金額達$4.5億元,成為香港首部大製作嘅科幻電影,引起熱議!當中唔少圈中名人都有為電影宣傳,而唔少網民就要求天王劉德華幫手?!

港產電影《明日戰記》於香港戲院正式上映!圈中名人都紛紛為電影宣傳,但卻引起爭議?!Photo from 《明日戰記》

《明日戰記》內地票房大逆轉!

香港電影《明日戰記》早前率先於內地上畫,但一開始卻被指因遇上國產電影《獨行月球》導致票房成績欠佳;不過現時喺內地嘅票房已經完全逆轉,票房突破4億,而內地院線仲表示願意將電影播映到10月!

當時網上盛傳古天樂因為內地票房欠佳而落淚,事後佢澄清自己並非喊!Photo from 微博

內地票房突破4億,古天樂亦親自寫感言答謝觀眾!Photo from 《明日戰記》微博

今日正式於香港上映

而今日(25日)就係《明日戰記》於香港戲院正式上畫嘅日子,唔少網民都非常踴躍咁表示要支持港產電影~

《明日戰記》嘅演員們亦有到優先場答謝觀眾Photo from 劉嘉玲微博

張家輝拍片呼籲大家支持電影!

唔少影視圈嘅演員都落力支持《明日戰記》拍攝宣傳影片,呼籲大眾觀看電影。今日,有份出演嘅張家輝就用廣東話向內地粉絲呼籲「希望大家能夠多多支持,爭取更多嘅排片。」強調今次電影嘅特技效果等非常高水準!

早前有份出演《明日戰記》嘅張家輝拍片呼籲內地網民支持電影!Photo from 微博

大讚電影嘅特效等都係製作公司花咗好多時間製作嘅!Photo from 微博

部分內地網民不滿用廣東話拍片?

不過,部分內地網民就將重點放咗張家輝用廣東話拍片,認為佢既然係向內地網民呼籲就應該要將普通話;但亦有網民為佢反駁指「粵語也是中國話啊」、「講普通話也聽不懂吧」等。

有內地網民不滿點解張家輝要用廣東話拍宣傳影片Photo from 《明日戰記》

部分內地網民就為張家輝護航,力撐廣東話都係中文!Photo from 微博

劉德華被網民要求為《明日戰記》宣傳!

另一邊廂,好多網民都要求天王劉德華為《明日戰記》做宣傳,紛紛湧入佢嘅社交媒體下留言,認為靠佢嘅號召力應該能夠呼籲更多人觀賞電影:「劉天王,古仔需要你」、「幫忙宣傳《明日戰記》吧!」等。

天王劉德華被大批網民要求幫手宣傳古天樂嘅電影?!Photo from 香港金曲頒獎典禮2021/2022

唔少網民都喺社交媒體請求劉德華幫手宣傳電影!Photo from 微博

《明日戰記》發出官方聲明回應事件!

部分網民就唔太認同以上嘅做法,認為咁樣會令劉德華好難做,而且咁樣反而會令電影嘅聲譽受損!而《明日戰記》亦發出官方聲明,感謝大家支持華語電影:「注意到部分熱心網友,因迫切希望有更多人關注《明日戰記》,而在各類帳號下留言,並由此引發了一些爭議。我們也在此呼籲大家能回歸作品,將更多的關注落回電影本身。」

有網民批評佢地要求劉德華幫手宣傳嘅行為!Photo from 微博

有網民覺得網民嘅行為反而會令電影帶來反效果!Photo from 《明日戰記》

電影方喺23日發聲明回應相關事件Photo from 《明日戰記》微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

古天樂落淚真相曝光!揭《明日戰記》內地票房不敵國產電影疑另有內情?!

廣告
廣告

17 Aug , 2022

古天樂有份投資、主演嘅科幻電影《明日戰記》率先於內地上映,不過內地票房卻不敵同期國產電影《獨行月球》,有指古天樂現身內地戲院宣傳時一度感觸落淚,佢親自回應當日情形。有內地網民則質疑票房造假,指《明日戰記》票房不佳疑有內情。

古天樂有份投資、主演嘅科幻電影《明日戰記》率先於內地上映Photo from 《明日戰記》微博

宣傳《明日戰記》被指落淚,古天樂親自解釋

《明日戰記》電影制作經過10年,可以話係古天樂嘅心血,電影投資超過$4.5億港元。日前電影率先於內地上映,連日嚟古天樂都喺內地宣傳,更破天荒上直播帶貨。抖音上《明日戰記》嘅古方帳號更上傳短片,稱:「這世界就是這麼殘酷,努力10年就是沒有回報」

《明日戰記》電影制作經過10年,可以話係古天樂嘅心血,電影投資超過$4.5億港元。Photo from 《明日戰記》Facebook

連日嚟古天樂都喺內地宣傳,更破天荒上直播帶貨。Photo from 《明日戰記》抖音

片中古天樂更拎出紙巾抹面,似乎感觸落淚,令人動容。不過古天樂回港出席活動時就否認自己有落淚,佢表示係因為戲院無開冷氣,自己熱到流晒汗先拎紙巾抹汗。但古天樂承認自己的確十分感觸,《明日戰記》用咗10年時間製作,其實真係唔件易事。

片中古天樂更拎出紙巾抹面,似乎感觸落淚,令人動容。不過古天樂回港出席活動時就否認自己有落淚Photo from 《明日戰記》抖音

古天樂表示係因為戲院無開冷氣,自己熱到流晒汗先拎紙巾抹汗。Photo from 《明日戰記》微博

《明日戰記》內地票房不佳,恐未能回本?!

提到好多圈中人公開力撐佢嘅電影,古天樂都表示好感動,佢希望觀眾會支持佢套電影。對於內地票房成績,古天樂亦指自己係「鋼鐵造」,唔會咁易就跌低,更表示:「就算跌低咗,我都會即刻起返身!」

對於內地票房成績,古天樂亦指自己係「鋼鐵造」,唔會咁易就跌低Photo from 《明日戰記》抖音

《明日戰記》投資逾$4.5億,有網民估計至少要有10億票房先可以回本,但電影喺內地上映多日票房仍未破4億,而同期上映嘅國產喜劇《落後月球》已收逾20億票房,令唔少網民擔心《明日戰記》嘅票房回唔到本。

《明日戰記》投資逾$4.5億,有網民估計至少要有10億票房先可以回本Photo from 《明日戰記》Facebook

內地網友質疑票房造假,直指《明日戰記》票房被偷?!

近日喺內地網絡上有網民指《明日戰記》票房疑似「被偷」,有唔少內地網友稱去戲院買飛睇《明日戰記》,但戲飛上卻寫上《落後月球》,疑似被計入做另一套電影嘅票房,更有啲戲院疑以手寫字將戲飛改成《明日戰記》。

近日喺內地網絡上有網民指《明日戰記》票房疑似「被偷」Photo from 抖音

唔少內地網友亦佢去戲院買飛睇《明日戰記》,但戲飛上卻寫上《落後月球》Photo from 《明日戰記》微博

有網民質疑票房造假Photo from 《明日戰記》微博

唔少網友抱不平Photo from 《明日戰記》抖音

唔少內地網友替古天樂不值,認為佢為內地咁多地學捐款建校,卻被偷票房。不過亦有網民稱《落後月球》票房遠超《明日戰記》,根本唔需要偷佢嘅票房,直言:「就是劇情拉胯才沒人看」、「需要偷一個連他零頭都沒有的票房」

有戲院疑以手寫字將戲飛改成《明日戰記》。Photo from 抖音

買《明日戰記》,戲飛卻顯示《落後月球》Photo from 抖音

唔少內地網友替古天樂不值,認為佢為內地咁多地學捐款建校,卻被偷票房Photo from 抖音

亦有網民稱《落後月球》票房遠超《明日戰記》,根本唔需要偷佢嘅票房Photo from 微博

網民直言:「就是劇情拉胯才沒人看」、「需要偷一个连他零头都没有的票房」Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel