download HolidaySmart 假期日常 app
陳曉東即將推出全新廣東歌,五官再進化惹熱議!細數歷年外貌變化史!

陳曉東即將推出全新廣東歌,五官再進化惹熱議!細數歷年外貌變化史!

娛樂新聞
By Stephanie on 26 Aug 2022
Digital Content Writer

46歲陳曉東睽違5年再次推出廣東歌《這種年紀》,近日仲返咗香港同好友鄭紹康見面,佢嘅俊俏樣貌亦獲網民大讚!不過部份網民就覺得佢嘅樣貌有少少唔自然,懷疑佢有整容嫌疑?!宜家即睇佢入行後嘅樣貌變化史。

廣告
廣告

陳曉東即將推出新廣東歌,而佢嘅樣貌再度成為熱話!即睇佢嘅外貌變化史Photo from 陳曉東微博

睽違5年再出廣東歌

陳曉東近年北上發展甚少喺香港露面,而佢即將推出全新廣東歌《這種年紀》。而佢亦返咗香港預備宣傳新曲,並把握機會相約有「天下第一公關」嘅鄭紹康(Francis)聚舊,對方上載二人嘅短片,附上「Hi Tung Tung Welcome back to Hong Kong! Must support and love your new song!! ?」睇得出二人交情匪淺!

陳曉東睽違5年再度推出新廣東歌!Photo from 《這種年紀》

陳曉東最近似乎返咗香港,並與好友見面Photo from 鄭紹康IG

網民大讚樣貌凍齡?!

唔少網民都對陳曉東久違返香港而感到興奮,大讚佢樣貌年輕!睇返張相,佢嘅雙眼依然好大,皮膚保養得唔錯,而且蘋果肌非常緊緻;樣貌似乎不受歲月所影響~但尚有部份網民懷疑佢曾經整容?!

廣告
廣告

網民都大讚佢樣貌依然俊俏,但部份網民依然覺得佢有整容?!Photo from 鄭紹康IG

回顧陳曉東入行後外貌進化史

其實陳曉東近年嘅外貌經常都引起熱議,佢嘅雙眼本身就炯炯有神,但突然變厚嘅雙眼皮令外界一度猜測佢樣貌「進化」咗!雖然外界眾說紛紜,不過佢一直都冇回應過有關傳聞。宜家就等我哋回顧一下陳曉東自出道以來嘅樣貌變化史啦~

其實陳曉東剛出道嘅時候就已經外型俊俏,成功迷倒唔少女粉絲!Photo from 陳曉東微博

出道初期樣貌青澀

喺1995年,陳曉東簽約到寶麗金唱片,向歌手及演員之路進發~其後佢出演電影《虎度門》而入圍第16屆香港電影金像獎「最佳新人獎」,演技實力受到肯定。當時嘅佢樣貌青澀,外貌俊俏,成功迷倒唔少女粉絲!

陳曉東曾經憑電影《虎度門》入圍香港金像獎最佳新人獎!Photo from 《虎度門》

同時陳曉東亦有推出唱片Photo from 《心有獨鍾》MV

廣告
廣告

後來到台灣發展,俊俏樣貌吸粉無數!

喺2003年,陳曉東出演電視劇《倩女幽魂》同台灣女星大S(徐熙媛)合作,該劇嘅演員大多來自台灣、內地及新加坡,成功令佢嘅知名度變得更高!喺2003年至2008年,陳曉東因為面臨唱片及經紀公司等問題,已經接近5年冇推出過音樂作品,其後佢就選擇北上發展。當時樣貌仲幾自然,絕對係一位靚仔~

2003年陳曉東開始到台灣發展Photo from 《倩女幽魂》

2013年開始雙眼皮變厚?!

2013年,陳曉東宣佈與圈外女友王妤嫻結婚,二人婚後育有2名女兒。同年佢出演電視劇《蘭陵王》,但佢浮腫嘅雙眼皮成為亮點,隨後佢嘅五官變得越來越深邃!

當時陳曉東嘅樣貌開始被雙眼皮開始變厚咗Photo from 微博

2013年佢仲出演電視劇《蘭陵王》,雙眼皮當時比較浮腫Photo from 《蘭陵王》

曾被指樣貌似卡通人物!

廣告
廣告

2017年陳曉東出席某公開活動時,將頭髮gel起露出額頭,樣貌暴露無遺。未知係咪受髮型影響,網民覺得佢嘅樣貌簡直同Barbie男友Ken好似樣,認為佢成個公仔咁!而佢自己亦有喺微博上載佢同《Toy Story》胡迪嘅對比照,非常搞笑~

2017年,陳曉東嘅外貌似乎出現明顯嘅變化?!Photo from 陳曉東微博

而佢仲自己上載同胡迪嘅對比照~Photo from 陳曉東微博

自拍出現超尖下巴!

2019年,陳曉東上載自拍照,但佢超尖嘅下巴卻嚇親大家;有網民仲話覺得佢似《遊戲王》裡面容扭曲嘅城之內!再翻查陳曉東該時期嘅照片,佢嘅雙眼都略顯浮腫,同以前有啲唔同?!

2019年4月,陳曉東上載嘅呢張自拍照下巴超尖!Photo from 陳曉東微博

網民覺得當時嘅陳曉東同《遊戲王》嘅城之內撞樣?!Photo from 《遊戲王》

同一時間,陳曉東嗰陣時嘅雙眼皮都好似有啲唔同咗!Photo from 陳曉東微博

廣告
廣告

2020年出演內地節目表情僵硬!

2020年,陳曉東出演內地節目《追光吧!哥哥》時,佢精緻嘅樣貌再次成為熱話!喺節目中佢嘅表情僵硬,似乎未能做到大笑等表情。

2020年,陳曉東出演真人騷《追光吧!哥哥》過分精緻嘅五官成為熱話!Photo from 微博

而且佢似乎做唔到好大嘅表情!Photo from 《追光吧!哥哥》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

陳曉東街坊look現身做檢測被指星味盡失!銀色腰包大晒獨特品味

26 Apr , 2022

現年46歲嘅陳曉東定居內地多年,北京近日宣佈需分區做核酸檢測,陳曉東都有現身排隊,佢一改以往悉心準備嘅造型,打扮隨意,點知被指無乜星味,陳曉東本人亦有回應網民。

現年46歲嘅陳曉東定居內地多年Photo from 陳曉東 微博

陳曉東熱愛名牌

陳曉東2014年與台灣護士女友王妤嫻結婚,婚後兩人同2個女兒定居內地。陳曉東同太太都中意名牌,兩人出門掃貨時,陳曉東總會悉心打扮,務求展現最完美一面。

陳曉東同太太育有2個女兒Photo from 陳曉東 微博

廣告
廣告

陳曉東2014年與台灣護士女友王妤嫻結婚,出門掃貨時,陳曉東總會悉心打扮,務求展現最完美一面。Photo from 陳曉東 微博

抖音拍片「街坊look」落街做檢測

喺內地發展多時嘅陳曉東現時定居北京,由於北京朝陽區宣佈需連續幾日進行核酸檢測,日前陳曉東就喺抖音拍片落街做檢測,見佢一臉風騷,邊行邊唱歌,似乎心情好好。

日前陳曉東就喺抖音拍片落街做檢測,見佢一臉風騷,邊行邊唱歌,似乎心情好好。Photo from 陳曉東 抖音

不過一向都認真配搭造型以最佳狀態示人嘅陳曉東未知係咪因為淨係出門做檢測,打扮相當隨意,以一身「街坊look」現身,普通T裇、cap帽加運動褲,造型非常貼地!

陳曉東一向都認真配搭造型以最佳狀態示人Photo from 陳曉東 微博

陳曉東打扮相當隨意,以一身「街坊look」現身,普通T裇、cap帽加運動褲,造型非常貼地!Photo from 陳曉東 抖音

但佢件T裇睇落「巢咪掹」,好似喺衣櫃底搵出嚟嘅咁,陳曉東另外仲孭咗個銀色腰包,不過就有啲鬆,有下墜嘅跡象,同以往型格打扮截然不同。

廣告
廣告

件T裇睇落「巢咪掹」,好似喺衣櫃底搵出嚟嘅咁,陳曉東另外仲孭咗個銀色腰包,不過就有啲鬆,有下墜嘅跡象Photo from 陳曉東 抖音

陳曉東同以往型格打扮截然不同。Photo from 陳曉東 微博

網民直言品味獨特

有網友認為陳曉東打扮太隨便,無晒星味,又指佢T裇運動褲加銀色腰包嘅配搭品味獨特,直言:「有無人認得你?」而陳曉東應該都睇到網民意見留言:「下次穿有型點」

有網友認為陳曉東打扮太隨便,無晒星味Photo from 陳曉東 微博

陳曉東應該都睇到網民意見留言:「下次穿有型點」Photo from 陳曉東 抖音

陳曉東深邃雙眼皮依舊不變

陳曉東之前出演內地綜藝《追光吧!哥哥》成為話題,原因係佢五官勁精緻,皮膚逆齡顯得十分緊緻,不過當時唔少人都表示佢面容唔太自然。而陳曉東喺抖音嘅近況可見佢嘅超深雙眼皮依舊不變,非常突出。

陳曉東之前出演內地綜藝《追光吧!哥哥》成為話題Photo from 《追光吧!哥哥》

陳曉東五官勁精緻,皮膚更逆齡顯得十分緊緻,不過當時唔少人都表示佢面容唔太自然Photo from 《追光吧!哥哥》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel