銅鑼灣錶行劫案|800萬元名錶被搶走!連登有人急放80隻錶引懷疑

銅鑼灣錶行劫案|800萬元名錶被搶走!連登有人急放80隻錶引懷疑

時事熱話
By Jennifer on 01 Sep 2022
Digital Editor

8月31日銅鑼灣一間錶行有4名男子闖入,佢哋手持利器掃走櫃內大批名錶,估計錶行損失$800萬。同日連登討論區突然有人出post放80隻錶,即刻引起廣大連登仔懷疑,樓主亦對傳聞作出回應。

8月31日銅鑼灣一間錶行有4名男子闖入,佢哋手持利器掃走櫃內大批名錶

銅鑼灣錶行劫案,4人劫走總值800萬名錶

位於銅鑼灣駱克道嘅「謝氏錶集」於8月31號遭劫匪闖入,當時店內只有一男一女2個職員,為首一名著黑色衫男子拎出疑似槍嘅物體指住男職員,其後著藍色外套嘅男子則以利器指向女職員。

位於銅鑼灣駱克道嘅「謝氏錶集」於8月31號遭劫匪闖入,當時店內只有一男一女職員

跟隨後面嘅有2個劫匪攞住大黑色袋,掃走櫥窗內嘅名錶,過程大約3分鐘,4人有同黨接應離去。事發後警方到場調查,並出動警犬,希望可以追縱到劫匪。

跟隨後面嘅有2個劫匪攞住大黑色袋,掃走櫥窗內嘅名錶,過程大約3分鐘

事發後警方到場調查,並出動警犬

連登仔急放80隻錶惹懷疑

同日連登討論區有網民開post「有大概80隻錶急放」,樓主表示:「有冇ching識人收,可以收usdt」,呢個post好快竟引起網民注意,並推到上熱門!

連登討論區有網民開post「有大概80隻錶急放」

即睇更多人氣文章:

網民質疑4大疑點

有網民質疑時間上十分巧合,而且據消息指錶行損失約80~100隻錶,估計價值$800萬,而樓主咁啱就放80隻錶。樓主表示佢只係「移民急放而已」,但普遍連登仔都唔信佢嘅講法:「移民去赤柱呀?」

有網民質疑時間上十分巧合,而且據消息指錶行損失約80~100隻錶,估計價值$800萬,而樓主咁啱就放80隻錶。

樓主表示佢只係「移民急放而已」

樓主強調無做任何犯法嘢,但網民認為佢十分可疑,除咗時間同數量都相似之外,樓主開post時稱可以收「usdt」,「usdt」即泰達幣,係一種加密貨幣,令網民疑心又再上升。

樓主強調無做任何犯法嘢,但網民認為佢十分可疑,除咗時間同數量都相似之外,樓主開post時稱可以收「usdt」

「usdt」即泰達幣,係一種加密貨幣

眼見懷疑佢嘅人越嚟越多,樓主再回應:「今日(31日)銅鑼灣錶行劫案與本人無關 特此澄清」,但網民唔理會,後來有網民張貼新聞稱錶行實際係被劫71隻錶,而樓主放80隻錶,數目上有出入,不過有網友稱樓主即使係無關都唔應該咁玩嘢,直言即使樓主係「玩膠」亦要「畀啲教訓」佢。

有網友稱樓主即使係無關都唔應該咁玩嘢,直言即使樓主係「玩膠」亦要「畀啲教訓」佢。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

MIRROR演唱會|梁思浩斥花姐難辭其咎,直言3大不足!讚連登仔為公義發聲

5 Aug 2022

MIRROR紅館演唱會發生意外,事後MIRROR成員同經理人花姐等保持沉默一段時間,期間有唔少前輩發聲。梁思浩喺網台「大家真瘋Show」中亦就事件發表意見,佢直指成件事屬人為意外,而高層唔負責難為咗12位鏡仔。

廣告
廣告

MIRROR紅館演唱會發生意外Photo from MIRROR IG

MIRROR演唱會幕後製作公司表示與意外無關

MIRROR演唱會事故震驚全城,由於半空中大螢幕突然跌下,連日嚟有唔少網民都認為演唱會主辦方應該要回應事件,並盡快搵出負責之單位。而演唱會負責舞台製作工程嘅幾間公司亦相繼發聲明,表示與意外無關。

連日嚟有唔少網民都認為演唱會主辦方應該要回應事件,並盡快搵出負責之單位Photo from MIRROR IG

梁思浩讚郭富城、汪明荃、王貽興、連登仔唔怕得失人,勇於發聲係英雄

今次意外除咗引起網民關注,仲有好多圈中前輩都發聲。有豐富舞台經驗嘅郭富城喺事件發生前就表示演唱會中歌手要集中精力演出,所以成個舞台設計應該係監製最清楚,幕後團隊要盡力解決問題,唔應該令歌手分心。城城又稱2日踩台時間太短,事後佢更發黑圖呼籲關注舞台演出者嘅安全。

有豐富舞台經驗嘅郭富城喺事件發生前就表示演唱會中歌手要集中精力演出,所以成個舞台設計應該係監製最清楚,幕後團隊要盡力解決問題,唔應該令歌手分心。Photo from 郭富城Facebook

事後城城更發黑圖呼籲關注舞台演出者嘅安全。Photo from 郭富城Facebook

另外汪阿姐(汪明荃)、王貽興亦有發聲。梁思浩喺網台「大家真瘋Show」中指出對呢件事好多人會避而不談,以免得失人,佢大讚喺眾人避談之間呢幾位發聲嘅名人係英雄,佢指連登討論區有好多網民為公義而發聲,一直追究要人負責任。

另外汪阿姐(汪明荃)亦有發聲指演唱會根本未readyPhoto from 汪阿姐IG

梁思浩喺網台「大家真瘋Show」中指出對呢件事好多人會避而不談,以免得失人,佢大讚喺眾人避談之間呢幾位發聲嘅名人係英雄Photo from 大家真瘋Show

梁思浩斥人人「卸責」,無人負責任

李思蓓就指搞演唱會就算賣唔到飛但基本嘅安全一定要做足,何況MIRROR演唱會賣到爆晒飛。而梁思浩則表示佢曾經做過演唱會監製,有權對事件發言。佢指演唱會賣晒飛已經賺硬錢,但仲喺度慳,李思蓓更稱佢聽到傳聞係演唱會將搭舞台嘅時間攞咗嚟加場。

李思蓓就指搞演唱會就算賣唔到飛但基本嘅安全一定要做足,何況MIRROR演唱會賣到爆晒飛。Photo from MIRROR IG

梁思浩指出MIRROR第一場演唱會未「full dress rehearsal」就開場,對表演者完全唔合理。佢稱做監製、做經理人,點解唔企出嚟負責,要「12個細路仔」面對呢件事,都咁多日都無人出嚟交待,事件一出全部人都「卸責」:「賺錢袋落袋嗰時就識,到要企出嚟就無人孭。」

梁思浩指出MIRROR第一場演唱會未「full dress rehearsal」就開場,對表演者完全唔合理。Photo from MIRROR IG

直言花姐難辭其咎

梁思浩話佢唔怕畀人鬧,一向有嗰句講嗰句:「你係一個監製,甚至你係一個經理人,如果你rehearsal睇到有危險,你需唔需要保護你啲藝人先?」Mandy指經理人更加要出聲:「嗰12個幫你搵錢㗎!」梁思浩直言成件事花姐係難辭其咎:「老老實實啦阿花,你係呢12個細路仔嘅經理人,你有睇rehearsal㗎嘛!」

梁思浩直言成件事花姐係難辭其咎Photo from 花姐IG

3位主持都認為花姐睇到有問題應該要即刻出聲,尤其係花姐有做紅館演唱會監制嘅經驗:「嗰12個仔當你係阿媽!」佢哋指MIRROR工作量咁大,但有幾多錢袋都成疑,而經理人花姐明明有責任保護佢哋。梁思浩指出3大問題:1.)演唱會賣飛賺晒錢但仍喺安全工作方面慳;2.)做監製有晒經驗見到採排咁多問題唔出聲保護藝人;3.)事發至今唔企出嚟負責,反而要藝人面對。

3位主持都認為花姐睇到有問題應該要即刻出聲,尤其係花姐有做紅館演唱會監制嘅經驗Photo from 花姐IG

花姐於第三場演唱會坐鎮Panel

其實喺MIRROR演唱會第一場已被揭舞台危機重重,到第三日花姐喺IG出post:「今日做番好耐冇做嘅嘢,幾乎驚到暈低」,獲MIRROR成員同dancer留言支持,事發後花姐亦開咪請觀眾離開,不過直至現時都未有公開回應事件。早前有報道引述演唱會幕後人士指總綵排時花姐都有提出質疑。

其實喺MIRROR演唱會第一場已被揭舞台危機重重,到第三日花姐喺IG出post:「今日做番好耐冇做嘅嘢,幾乎驚到暈低」Photo from 花姐IG

當時唔少MIRROR成員同dancer留言支持Photo from 花姐IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel