袁偉豪突然於FB狠批傳媒？！懷疑因馮皓揚羊羊退出訓練班被提及而不滿？網民好奇生氣原因！

袁偉豪入行多年曾出演多部電視劇，近日佢仲被大台邀請成為2022年藝員訓練班嘅星級導師。但近日有媒體報導今屆金像獎「最佳男配角」得主馮皓揚（羊羊）決定退出大台藝人訓練班，但袁偉豪就突然爆seed轉發媒體嘅新聞，直言「我欠左你地班傳媒？」，令唔少網民一頭霧水！

Photo from 袁偉豪IG

馮皓揚（羊羊）報讀TVB藝員訓練班

17歲嘅馮皓揚（羊羊）憑電影《媽媽的神奇小子》榮獲《第40屆香港電影金像獎》「最佳男配角」獎項，自然嘅演技獲唔少網民大讚實至名歸，相信佢將來嘅演藝之路一定會非常順利～其後，佢表示之前已經報讀大台為期6個月嘅藝員訓練班，由導演陳德森做校長；羅冠蘭、鄭丹瑞、曾志偉、錢嘉樂、譚俊彥、袁偉豪等人擔任星級導師。

Photo from 娛樂新聞台

Photo from 娛樂新聞台

透露希望改善懶音問題

過往羊羊曾出演大台電視劇《愛上我的衰神》飾演年輕時期嘅胡鴻鈞；當時羊羊受訪時話因為知道自己咬字不清，所以希望藉課程改善懶音問題。

Photo from 娛樂新聞台

羊羊自爆已經退出訓練班！

近日，羊羊出席公開活動時接受媒體採訪，透露自己上咗一堂之後就退出咗訓練班！據悉，呢個決定係佢同公司商討後得出嘅結果，強調自己未來將會抱持學習嘅心態參與每次演出，對演戲充滿熱誠。不過消息一出，唔少網民都開始猜測係因為課程內容有落差等而選擇退出，引起網民熱議。

Photo from 羊羊IG

即睇更多人氣文章：

「中國第一懶人」楊鎖23年躺平人生！長期受父母溺愛導致失去自理能力！

港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開

媒體報導消息，並提及星級導師袁偉豪

唔少傳媒都有報導相關新聞，當中就提及到星級導師袁偉豪喺受訪時指自己上咗2日堂之後都未見到羊羊，所以就喺報導此新聞時提及袁偉豪嘅呢段訪問節錄。

Photo from 羊羊IG

Photo from 袁偉豪IG

袁偉豪突然暴怒於FB轉發帖文！

不過昨日（4日），袁偉豪突然喺FB轉發相關報答，並寫上「我欠左你地班傳媒？」似乎係不滿傳媒喺報導時提及佢？！不過網民們似乎唔太清楚佢憤怒嘅原因，事關報導中並只係提及佢擔任訓練班導師，並冇任何負面嘅意思，令好多網民都感到不解「你係星級導師喎，有唔啱咩」、「講事實啫」等留言。

Photo from 袁偉豪FB

Photo from 袁偉豪FB

網民感到疑惑

網民對於袁偉豪突然爆seed感到疑惑，部份網民就安慰佢「唔好勞氣！傷身」；但亦有部份網民認為佢因此而不滿，似乎有啲奇怪「話你地無緣交流啫，嬲乜」、「邊句話緊你呢？ 我睇咗好耐都搵唔到邊句有問題。」

Photo from 袁偉豪FB

Photo from 袁偉豪IG

Photo from 袁偉豪FB

相關文章：袁偉豪罕有地於慈善活動載歌載舞，老婆張寶兒化身小粉絲激讚！大晒丈夫年輕時照片，狂讚靚仔有型！

相關文章：袁偉豪唔介意在太太面前做弱者 曾自覺娛樂圈不再需要自己「啲人以為我嫁咗俾張寶兒就唔使做」！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

袁偉豪豁達面對傳聞，大呻「無軟飯食」！過往曾因網民留言而爆怒？回應樣貌憔悴原因！

2 Sep , 2022

袁偉豪於2020年與張寶兒結婚，由於女方家庭背景顯赫，令佢被網民稱為「億萬駙馬」。近日，袁偉豪熱衷於經營自己嘅抖音帳號，過往非常介意外界指佢「食軟飯」，但就罕有地喺片中講笑咁話「宜家無軟飯食啦」！

Photo from 張寶兒IG

袁偉豪用心拍攝抖音短片

袁偉豪同張寶兒結婚後感情甜蜜，早前女方遠赴日本拍攝旅遊節目《45日環遊日本》（暫名），而袁偉豪都好貼心咁去送機同接機。眼見妻子咁努力工作，佢都唔執輸為咗維持喺內地嘅人氣，用心經營抖音帳號拍短片同網民互動。

Photo from 娛樂新聞台

Photo from 袁偉豪抖音

樂觀面對過往傳聞「沒有軟飯吃啦」！

而袁偉豪亦非常放得開咁喺拍片時提及傳聞，指發現自己唔夠錢搭車，直言「宜家冇軟飯食啦」，順便宣傳曾經出演過嘅節目《打工捱世界》！雖然影片好明顯係「度橋」後拍嘅，但內地網民就大讚佢對樂觀面對傳言嘅態度。

Photo from 袁偉豪抖音

Photo from 袁偉豪抖音

Photo from 袁偉豪抖音

過往曾因「食軟飯」傳聞而憤怒

過往袁偉豪曾因為女方家庭背景好而被指「食軟飯」，過往佢曾喺IG發長文回應「請你地繼續去批評我，繼續話我食軟飯，你們的負面批評只會讓我繼續努力去做好自己！」而張寶兒亦為老公護航指屋企嘅大部分開支都由男方支付，sweet爆表示「佢一直養緊我！」

Photo from 袁偉豪IG

即睇更多人氣文章：

00後唔識用速成/倉頡打字 連登仔發長文慨嘆:一代不如一代

19歲少女與65歲伯伯閃婚！新郎豪送37萬禮金+房屋/新車！強調並非為錢而出嫁！

兩夫婦開IG直播晒恩愛

除此之外，袁偉豪近日從澳洲回港正於酒店隔離中，夫婦二人近日喺IG開直播晒恩愛。期間有網民直言袁偉豪樣貌憔悴，而張寶兒愛夫心切立刻話「你狀態好咗好多，你係逆齡，希望大家睇到你嘅努力。」

Photo from 張寶兒IG

Photo from 張寶兒IG

袁偉豪今年初出現脫髮問題？

而袁偉豪自爆喺今年初因為拍戲壓力大，導致出現掉髮問題「曾經有一個月時間『劇疊劇』，結果拍到甩髮。」亦直接承認當年好在意網民話佢「食軟飯」，認為自己多年嘅努力一下子被埋沒！

Photo from 袁偉豪IG

袁偉豪張寶兒2020年結婚，女方被爆家世顯赫

41歲袁偉豪於2020年與張寶兒結婚，結婚當日女方身穿中式裙褂禮服，手上戴咗3對巨型龍鳳鈪，而頸上亦掛住4對龍鳳鈪，果然係非同凡響！過往張寶兒被爆家境豐厚，爸爸係經營內衣生意嘅，喺香港坐擁多個物業，當中唔少都喺禮頓山，傳手持嘅物業至少值$3億。

Photo from 袁偉豪IG

Photo from 袁偉豪IG

二人以$6,500萬購入愛巢！

據悉，二人聯名以大約$6500萬購入位於清水灣盤傲瀧嘅2000平方呎複式單位，但當時就有網民認定係二人結婚，所以女方家人贈送嘅禮物，導致傳聞四起！

Photo from 袁偉豪IG

Photo from 袁偉豪IG

相關文章：袁偉豪張寶兒7000萬豪宅曝光！豪華音響設備似戲院！爆夫妻分開投資袁偉豪愛買樓

相關文章：袁偉豪唔介意在太太面前做弱者 曾自覺娛樂圈不再需要自己「啲人以為我嫁咗俾張寶兒就唔使做」！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）