戀講嘢｜模特兒KITKAT與日本男友拍拖，身材豐滿被拉入後巷親熱
Photo from 《晚吹-戀講嘢》
模特兒KITKAT分享同日本男生拍拖經歷
KITKAT係模特兒，佢嘅個人IG有超過4萬個followers，佢IG有非常多性感照，毫不吝嗇大晒火辣身材。今次佢上《戀講嘢》分享情史，亦大方著低胸上衣派福利，連193都忍唔住話：「依家我哋個個嘉賓上嚟都著低胸嘅！」
Photo from KITKAT IG
Photo from KITKAT IG
佢表示同第一位日本男朋友喺藝術展覽相識，當時自己做intern幫手翻譯，而對方則係來港展覽嘅藝術家，男方同佢傾偈數次後就約佢食飯追求佢。KITKAT指佢本來唔識講日文，亦唔了解日本文化，但當時呢位日本男生識講少少普通話同英文，佢哋亦主要以普通話溝通，平時出門食飯對方亦會叫佢幫手翻譯下menu，最終確定戀愛關係。
Photo from KITKAT IG
Photo from 《晚吹-戀講嘢》
KITKAT指日本男仔更主動，但難敵遠距離戀愛終分手
KITKAT稱比起港男日本男仔會主動啲，追求佢會直接講「我喜歡你！」不過4個月後男友就返日本，但KITKAT有一年嘅聖誕節專程飛往日本搵男友，更著上和服畀個驚喜對方，當時兩人無見3個幾月，一見面男友就忍唔住對著上和服嘅KITKAT瘋狂影相！
Photo from KITKAT IG
Photo from 《晚吹-戀講嘢》
主持人問佢喺日本拍拖出街係咪唔可以拖手，KITKAT表示依家風氣開放咗好多，出街可以「攬攬錫錫」，但始終都係遠距離戀愛，KITKAT同第一任日本男友都係分手收場。但佢稱呢次戀愛經歷令佢對日本男生產生興趣。
Photo from 《晚吹-戀講嘢》
KITKAT第二任日本男友曾拉佢入後巷親熱
KITKAT指佢無特別強求要同日本男生拍拖，但佢去一間咖啡店時遇到一位日藉咖啡師，買咗幾次咖啡後對方就寫下電話號碼畀佢。193問佢兩任日本男友外型上有咩分別，KITKAT表示第一任男友係戴眼鏡、「宅男」feel啲；第二任日本男友則身型健碩。
Photo from KITKAT IG
Photo from 《晚吹-戀講嘢》
Photo from 《晚吹-戀講嘢》
KITKAT表示日本男生會好直接，試過同男友出街對方拉佢入後巷親熱，而佢當時係著吊帶背心，男友喺街上亦忍唔住會係咁望住佢。不過佢指日本男友對佢用餐儀態都有要求，手肘唔可以掂到張枱，平時亦會要求佢幫手采耳。
Photo from 《晚吹-戀講嘢》
Photo from KITKAT IG
Photo from 《晚吹-戀講嘢》
KITKAT大爆同日本男友閨房事
KITKAT更大爆同日本男友嘅閨房事，親密行為時對方亦會要求佢講成人片嘅字眼，例如「舒服（kimoji）」、「不要（yamete）」等！佢表示自己做模特兒平時會影好多相，日本男友會要求KITKAT影完先send畀佢睇，如果有部分相男友睇完有感覺，佢就唔準KITKAT上傳。
Photo from 《晚吹-戀講嘢》
Photo from KITKAT IG
不過同樣因為遠距離戀愛，兩人最終都係和平分手，KITKAT第三任男友都係日本人，之後先同返香港男生拍拖，但佢指同港男呢段係最hurt，仲辛苦過long distance。
Photo from 《晚吹-戀講嘢》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
戀講嘢｜林作下屬Bronte獲全公司男性追求？一日三餐有人請大感困擾
30 Jun 2022
ViuTV節目《晚吹-戀講嘢》新一集「超級萬人迷」嘉賓Bronte霍穎璇分享佢獲公司男同事爭相追求，星期一至五每日三餐都有人請佢食飯，公司開會時唔同嘅追求者更會爭風呷醋！令佢大為困擾，表示嚴重影響工作。
Photo from 《晚吹-戀講嘢》
林作下屬Bronte自爆獲全公司男性追求？！
20歲嘅Bronte表示佢係林作嘅女下屬，公司有非常多男同事，當193問到佢追求者數量有幾多時，Bronte稱星期一至五每日三餐都有唔同人約食飯，而大多數都係約喺公司附近嘅米線舖，佢指試過同一日之內喺同一間餐廳等唔同嘅男士過嚟，連侍應都認得佢，場面尷尬！
Photo from 《晚吹-戀講嘢》
Photo from 《晚吹-戀講嘢》
Photo from Bronte IG
除咗日日有人請食飯之外，追求者更會送好多毛公仔畀佢，Bronte表示佢曾提過鍾意一個卡通人物，男同事即爭相送上公仔、杯畀佢做禮物，擺到佢辦公枱無晒空位。
Photo from 《晚吹-戀講嘢》
男同事為佢爭風呷醋，Bronte認為太多人追影響工作
Bronte指佢係由前男友帶佢加入林作團隊，工作至今已有年幾兩年，佢表示自己平時返工都唔會點打扮，更試過素顏，但好多男同事明知佢有男朋友都熱烈追求，之後Bronte同前男友感情生變，追求者就越嚟越多。Bronte認為太多人追影響到佢嘅工作同日常生活。
Photo from Bronte IG
Photo from 《晚吹-戀講嘢》
主持忍唔住指林作公司嘅男生都唔係認真做嘢而係為追女仔，Bronte稱曾有唔少男同事為佢爭風呷醋，例如喺開會嘅時候追求者A若提出意見，另一啲追求者就會表示反對、提出其他想法。又試過追求者A獲獎，追求者B當日就唔會返工。
Photo from 《晚吹-戀講嘢》
Photo from 《晚吹-戀講嘢》
Bronte已與前男友復合，勸追求者「收手」
193問咁多追求者中有無人成功追到佢，Bronte表示有曾經有一個人成功過，對方比佢大10幾年，Bronte指自己選擇佢嘅原因係當時想談一段平平淡淡嘅戀愛，而對方係眾多追求者中比較「正路」嘅人，但兩人只交往2個月就分手。
Photo from Bronte IG
Photo from 《晚吹-戀講嘢》
Bronte現在戀愛中，佢表示同帶佢入公司嘅前男友復合，今次上節目嘅目的就係為咗勸退公司嘅追求者，仲話會喺公司將呢集日日播放，希望佢哋知難而退。
Photo from Bronte IG
Photo from 《晚吹-戀講嘢》
曾獲林作母親提名參選港姐，Bronte已升職
其實Bronte曾獲林作母親提名參選港姐，當時更獲讚似林作舊愛麥明詩，但佢初選時被淘汰，無緣晉級28強。之後佢加入林作團隊做保險從業員，林作曾多次出post大讚佢工作表現好。
Photo from 林作 IG
Photo from 娛樂新聞台
Photo from Bronte IG
節目播出後，林作喺IG發文：「嚴禁 #林作保險軍團 內部同事搞男女關係。雖然已經有一對人入來認識了後相識相愛結婚了」佢又指Bronte已升職：「最癲嘅係佢今個月升職。將會成為營業經理Unit Manager UM。20歲咋！」
Photo from 林作 IG
Photo from Bronte IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
