孟瑤離婚3年突爆再誕一子！生活依然富貴，住半山2億豪宅晒名牌袋

娛樂新聞

By Jennifer on 15 Sep 2022

Digital Editor

王晶「愛將」孟瑤近年減少好多幕前作品，佢2019年與前夫離婚，之後一直未有再婚，但仍然過住富貴生活，不時大晒名牌手袋。但外界以為仲係單身嘅孟瑤突然喺微博晒出母子合照，自爆自己再誕一子！

Photo from 孟瑤微博

孟瑤2008年嫁有米老公

內地演員孟瑤出演王晶監製嘅電影《七擒七縱七色狼》，又獲王晶睇中簽約旗下，成為御用晶女郎，再陸續參演其他港產片，喺香港知名度上升。而孟瑤喺電影中亦唔錫身大方展現火辣身材，確立佢嘅性感形象。

Photo from 孟瑤微博

孟瑤2008年結婚，老公周磊係內地一個內衣品牌嘅總裁，佢更獲老爺送贈北京3,000呎豪宅做禮物，似乎十分得夫家歡心。2010年孟瑤誕下兒子Dustin，之後一直過住少奶奶生活。

Photo from 孟瑤IG

離婚後孟瑤曾公開承認有圈外男友

不過兩人嘅婚姻維持11年就告終，2020年9月孟瑤喺微博發文表示因為難以克服性格差異，佢同老公已經於2019年離婚，未來將會共同撫養兒子。孟瑤離婚消息傳出後，唔少人猜測佢昔日風光不再，難再過豪門少奶奶生活。

Photo from 孟瑤微博

但佢2021年重返TVB拍攝《開心大綜藝》時就透露有新戀情，男友係圈外人，所以唔希望暴露太多關於男友嘅嘢。事隔一年，孟瑤突然喺微博自爆誕下一子，再做媽媽：「麒麟送子，天恩福澤。Dustin 和 Austin 兄弟同心，其利斷金！何其榮幸能夠成為兩位男子漢的媽媽！感恩所有的美好」

Photo from 孟瑤IG

Photo from 孟瑤微博

孟瑤突然爆美國再誕一子

從佢嘅微博帖文中可知細仔取名為Austin，而且孟瑤嘅微博顯示佢身在美國，相信佢係喺美國產子。雖然孟瑤另一半真實身份成謎，但睇嚟都有返咁上下家底。喺6月嗰陣孟瑤就曾經晒出一個由逾50朵玫瑰砌成心形嘅禮物，應該係佢圈外男友送畀佢嘅生日禮物，佢更用玫瑰心心巧妙遮住孕肚。

Photo from 孟瑤微博

與前夫離婚後依然生活富貴入住豪宅

2021年農曆生日時，孟瑤同樣獲男友送贈一束玫瑰；情人節除咗粉紅玫瑰外更有Hermès禮盒，可見孟瑤同男友感情十分要好。事實上同前夫離婚後，孟瑤嘅生活質素未有太大變化，富貴依舊。佢進駐位於西半山嘅天匯3,000呎豪宅，據知同面積嘅單位售價超過$2億，租金亦至少$15萬一個月！

Photo from 孟瑤微博

Photo from 孟瑤IG

飛美國安胎，孟瑤狂晒名牌Hermès手袋

豪宅露台可以望到維港海景，屋內裝修、擺設亦十分有氣派。而且喺上年佢已經飛往美國，更去邁亞密、LA、聖塔芭芭拉等地度假、安胎，平日閒時打下高爾夫球、、high tea、出海遊玩等，生活十分寫意。

Photo from 孟瑤IG

Photo from 孟瑤微博

孟瑤出門行頭亦唔少嘢，各種Hermès包包，張張相都無重覆，更不乏價值不菲嘅鱷魚皮手袋，其中一個炒價已超過$180萬！出門孟瑤更係搭私人飛機，絕對係貴婦日常。

Photo from 孟瑤IG

Photo from 孟瑤微博

Photo from 孟瑤IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

伍富橋做億萬駙馬獲3個外傭服侍，富貴老婆花過萬元購物唔敢有意見？！

24 Aug 2022

伍富橋（Alvin）與富家千金梁兆楹（Shirley）結婚後進駐女方相思灣5,000呎豪宅，晉升「億萬駙馬」行列。近日伍富橋妻子購物後拍咗開箱片，片中有3位外傭姐姐同埋伍富橋，睇嚟佢婚後生活好滋潤！

Photo from 娛樂新聞台

伍富橋同富家千金梁兆楹結婚

現年28歲號伍富橋其實已經入行7年，不過佢星途平平，推出嘅歌曲唔多，亦未有喺樂壇獲得驚人嘅成績。不過事業唔算發展得好好嘅佢，愛情方面卻十分得意。伍富橋2022年公開戀情，一個月嘅白色情人節佢就宣佈求婚成功，升呢做人夫！

Photo from 娛樂新聞台

伍富橋同女友梁兆楹（Shirley）拍拖半年就成功求婚，全因遇上「對的人」！伍富橋透露佢喺公開戀情後就不停向女友求婚：「唔知點解一見到佢就好想同佢結婚！」終於打動到女友答應佢。佢哋嘅戀情受到外界關注，因為Shirley家底豐厚，父親做生意、坐擁2間麻雀館，一家居住於相思灣逾5,000呎獨立屋，家族身家過億！