download HolidaySmart 假期日常 app
陳敏之做善事買旗卻反遭批評?網民指出4個NG行為,被指只捐$10太寒酸?

陳敏之做善事買旗卻反遭批評?網民指出4個NG行為,被指只捐$10太寒酸?

娛樂新聞
By Stephanie on 16 Sep 2022
Digital Content Writer

陳敏之近年密密拍戲之餘,仲開始經營自己嘅YouTube頻道,非常努力賺奶粉錢~早前,陳敏之上載幫小妹妹買旗嘅影片,日行一善做善事;但卻竟然遭受網民批評,直指佢忘記戴口罩以及捐錢金額超低?!

陳敏之上個月尾曾上載買旗影片,但近日該影片再度引起網民關注!Photo from 陳敏之IG

陳敏之上載買旗自拍片段

陳敏之喺上個月曾上載一段自己買旗嘅片段,但近日再次引起網民關注備受熱議?!佢表示當日自己喺送完兒子返學之後「見到一班師弟師妹在街上賣旗籌款」,仲話自己「身為東華三院師姐嘅我就梗係要支持下佢哋」,決定向一位可愛嘅小妹妹買旗!

陳敏之上個月尾上載買旗片,但近日再次受到網民關注?!Photo from 陳敏之FB

陳敏之表示自己係送完兒子返學,順路買埋旗。Photo from 陳敏之IG

向可愛小妹妹買旗

片段中,陳敏之先親切咁詢問小妹妹嘅名字,而小妹妹面對鏡頭都毫無怯場,同陳敏之對答如流。其後,陳敏之並向小妹妹介紹自己「師姐」嘅身分,並捐出$10蚊紙幣,等小師妹親自為佢貼上買旗貼紙~

陳敏之表示自己以前都係就讀東華三院嘅學校,並向「師妹」買旗!Photo from 陳敏之IG

陳敏之仲叫小妹妹幫佢貼上貼紙~Photo from 陳敏之IG

反遭網民批評「做錯」4件事?!

不過呢個post出咗之後,卻令陳敏之飽受網民們嘅批評?!喺留言中,網民普遍指出佢有4樣「錯處」,令佢日行一善嘅舉動反而受到批評。首先,網民認為陳敏之同小妹妹交談期間並冇戴上口罩「掛住開live帶返口罩先講啦!保護別人和自己同樣重要!」似乎不滿佢作為公眾人物唔戴好口罩,仲將片段上載到社交媒體。

陳敏之日行一善卻反而被網民話返轉頭,網民指出佢嘅3件NG事!Photo from 陳敏之IG

網民指陳敏之唔戴口罩同小妹妹近距離咁傾計,似乎唔太好?!Photo from 陳敏之FB

即睇更多人氣文章:

全程安坐於車內

其次,陳敏之喺成個買旗嘅過程中一直都坐喺自己㗎車入面,只係調低咗車窗同小妹妹傾計。唔少網民都覺得呢個舉動似乎唔太好「落車啦,有啲禮貌啦」、「覺得下車是基本禮貌...」等。

陳敏之全程都坐喺車入面同小妹妹傾計Photo from 陳敏之IG

另外,好多網民都覺得陳敏之唔專登落車同小妹妹傾計,觀感唔係咁好!Photo from 陳敏之FB

無意中公開小妹妹姓名、樣貌、就讀學校

雖然未能肯定陳敏之私底下是否同小妹妹提及會將影片上載到社交媒體,但網民都認為將佢嘅樣貌直接公開唔係咁好!而且佢喺影片初頭,同妹妹傾計時詢問咗妹妹嘅姓名及學校名稱,而內容都毫無保留咁公開晒!

網民好奇陳敏之是否有同小妹妹講影片會上載至社交媒體Photo from 陳敏之IG

將小妹妹嘅姓名、樣貌、學校名稱公開都被網民覺得唔太妥當!Photo from 陳敏之FB

認為只捐$10太少?!

最後,部份網民執著於陳敏之只係捐出咗$10,認為金額太少「又要上鏡抽水,好心就唔好十蚊啦!」、「諗住上埋平台,最少都一條紅衫魚啦」;但亦有網民認為做善事唔應該太在意金額,心意更加重要!

陳敏之最終花咗$10紙幣買旗!Photo from 陳敏之IG

好多網民認為只係捐$10太少,但都有網民覺得做善事心意更重要!Photo from 陳敏之FB

陳敏之為未有戴口罩而道歉

之後,陳敏之亦有一一細閱網民們嘅留言,為自己冇配戴好口罩而向大家道歉,並解釋冇落車同小妹妹買旗嘅原因「諗住快啲幫佢買la..晨早流流諗唔到咁多嘢😂」相信佢已經收到網民們嘅提醒喇!

陳敏之留言向大家道歉,指下次會記住戴返好口罩!Photo from 陳敏之IG

並解釋自己冇落車嘅原因!Photo from 陳敏之IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

馬國明被陳敏之大讚好孝順!將服裝、收入全部都歸媽咪管理?曾揚言婚後要與父母同住

15 Aug , 2022

廣告
廣告

陳敏之YouTube頻道節目《Chi Chat》最新一集邀請咗馬國明(馬明)做嘉賓,認識咗好多年嘅佢哋互相分享見到對方嘅第一印象。而陳敏之仲大爆馬明性格離奇地孝順,喺對話之中經常提及「媽咪」,仲會將賺到嘅錢都俾晒媽咪?!

陳敏之嘅YouTube頻道節目《Chi Chat》邀請咗馬國明做嘉賓!Photo from 陳敏之YouTube

二人因拍攝《下一站彩虹》而變熟

被大眾稱為「絕世筍盤」嘅馬明獲邀上陳敏之嘅YouTube頻道節目,而佢坦承其實好驚做訪問,因為佢本身唔太識得搞氣氛。而佢同陳敏之因為拍攝電視劇《下一站彩虹》而變得熟絡,該劇集於2000年播放,二人相識至今已經逾20年!

2000年,二人一齊拍攝劇集《下一站彩虹》,喺劇中飾演情侶。Photo from 陳敏之YouTube

馬明覺得陳敏之似男人?

二人談及對彼此嘅第一印象,馬明直接以「一個男人」形容陳敏之,認為佢性格豪爽直率,而且食量比男生更加大「喺TVB裡面第一個可以食2份宵夜嘅女仔」,令其他男藝人都大吃一驚。

馬明率先透露對陳敏之嘅第一印象,認為佢性格直率似男仔~Photo from 陳敏之YouTube

而陳敏之嘅大食量亦成功令佢感到震驚Photo from 陳敏之YouTube

陳敏之指馬明極孝順!

陳敏之就覺得馬明超孝順,記得佢曾表示將所有賺到嘅錢都俾晒媽咪,就連銀行戶口都係同媽咪聯名一齊開嘅!而佢就話當時馬明經常都會將「媽咪」呢兩個字掛喺嘴邊,例如「媽咪買衫俾我」、「媽咪買嘅袋」等,而二人之間亦因此發生一個小插曲。

陳敏之就覺得馬明超孝順!Photo from 陳敏之YouTube

佢記得馬明當時會將賺到嘅所有錢俾媽咪,而佢現時依然同媽咪使用緊同一個聯名戶口?!Photo from 陳敏之YouTube

仲話馬明當時講咩都係關於「媽咪」Photo from 陳敏之YouTube

馬明身上嘅服裝大多由媽媽幫手購買?!

有一次,馬明將印有烏龜圖案嘅散錢包攞出嚟,在旁嘅陳敏之就超大反應「點解會用烏龜錢包㗎!」;而馬明就非常認真咁回應「係我媽咪送俾我㗎」,令佢立刻向馬明道歉。當被問到點解會選擇用呢個錢包時,馬明只係話「佢(媽咪)俾我用,我未用囉!」

有一次,馬明攞住印有烏龜圖案嘅散錢包Photo from 陳敏之YouTube

但陳敏之當時就超大反應!Photo from 陳敏之YouTube

而馬明就解釋係怕麻煩,覺得有得用就可以了~Photo from 陳敏之YouTube

曾揚言婚後都要與父母同住

過往馬明其實喺受訪時講過一切以父母為優先,結婚後都必須要同父母一齊住,搵女友嘅首要條件係能夠同家人和睦相處,相信女友湯洛雯都同樣係顧家嘅人喇~雖然馬明花咗唔少時間拍戲,但一有空閒時間就會陪媽咪行街,仲曾經被傳媒拍到同媽咪繑手甜蜜行街,絕對唔會因為工作而冷落家人㗎!

馬國明曾表示另一半一定同家人和睦相處到!Photo from 湯洛雯IG

而佢亦經常抽空陪伴家人Photo from 馬國明IG

對自己節儉,但對其他人大方!

陳敏之仲大讚馬明好節儉,但對其他人又非常大方,經常都會送禮俾朋友或者請人食飯,所以圈內人緣非常廣!而馬明就話第一個熟悉嘅女藝人係陳敏之,之後再同譚小環、唐詩詠等女藝人變熟。

陳敏之大讚馬明節儉,但對其他人就好大方,會願意送昂貴禮物俾朋友!Photo from 陳敏之YouTube

而馬明熟悉嘅女藝人就有陳敏之、譚小環、唐詩詠等Photo from 陳敏之YouTube

直言不太在意網民們評論!

出道逾20年嘅馬明表示自己唔太理會網民們對佢嘅評價,即時網民給予批評都唔會影響到佢!而陳敏之翻查對方過往嘅訪問再詢問佢「上網係咪依然只係為咗3樣嘢?」,而馬明就笑而不語。

馬明表示自己不受網民嘅評論所影響Photo from 陳敏之YouTube

而陳敏之就搵到馬明過往嘅訪問,詢問對方宜家上網多數嘅目的係咩~Photo from 陳敏之YouTube

開IG及微博帳號全因公司要求!

陳敏之直言知道馬明「係一個石器時代嘅人」,大爆過往曾經為咗幫對方開啟手機漫遊服務而動用整整一個鐘頭嘅時間,而佢揚言當時擔心「一陣你媽咪搵唔到你,點算好?!」而馬明亦唔太鍾意經營社交媒體,而開設IG及微博帳號全因公司要求「都拖左兩三年先開!」

陳敏之表示曾為咗幫馬明開手機漫遊,用咗成個鐘,連馬明都表示佩服佢嘅堅持!Photo from 陳敏之YouTube

馬明表示IG帳號同微博都係公司要求先肯開!Photo from 陳敏之YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel