21歲單親媽媽被趕出家門,靠送外賣養女兒!丈夫3年前意外離世,奶奶奪去所有賠償金!

21歲單親媽媽被趕出家門,靠送外賣養女兒!丈夫3年前意外離世,奶奶奪去所有賠償金!

時事熱話 生活熱話
By Stephanie on 23 Sep 2022
Digital Content Writer

父母經常都會給予孩子無私嘅愛,十分偉大~近日網上正瘋傳一段內地單親媽媽嘅訪問片段,現時年僅21歲嘅佢獨自撫養女兒;丈夫喺3年前因意外去世,而奶奶卻竟然趕佢哋出門口!為咗養活自己及女兒,佢靠送外賣賺錢,堅強面對人生嘅態度獲網民大讚!

現時網上正在瘋傳一段採訪片段,呢名21歲女生嘅經歷令唔少網民大受感動!Photo from 微博

採訪片段感動無數網民!

日前,內地一段短短3分多鐘嘅採訪片段正在瘋傳,引起熱議!從片段中所見,內地街訪團隊採訪一名正在休息嘅年輕女外賣員,認為對方年紀咁細就開始做外賣員「我感覺肯定有故事,所以想跟妳聊一聊」,而對方嘅經歷感動唔少網民!

內地採訪團隊採訪一名正在休息嘅年輕女外賣員Photo from 微博

21歲女外賣員一個月大約賺9,000港幣!

受訪嘅陳姓女子指自己今年21歲,由於安徽安慶省現時嘅最低工資為3、4,000元人民幣(約港幣3,300-4,400),但送外賣嘅收入相對比較高,平均一個月可以賺到7、8000人民幣(約港幣約7,700-8,900)。加上呢份工作可以帶埋小孩一起工作,所以就選擇做外賣員。

女子表示選擇送外賣,因為佢嘅人工比較高!Photo from 微博

而且呢份工作允許佢帶小朋友!而男主持當時以為佢所講嘅「小朋友」係自己嘅弟弟或妹妹。Photo from 微博

丈夫3年前意外去世,獨自撫養女兒

初時,訪問團隊以為陳小姐口中所講嘅「小孩」係佢嘅妹妹,但原來年僅21歲嘅佢已經成為咗媽媽!其後女子解釋「江西的人都很早結婚」,表示喺2018年只得17歲嘅時候就已經結咗婚,並誕下一名女兒。可惜丈夫喺2019年因為交通意外離世,留下佢同當時只係得5、6個月嘅女兒。

現時年僅21歲嘅陳小姐指自己3年前就已經結婚,當時只係17歲!Photo from 微博

但丈夫卻喺2019年因為交通意外而離世!Photo from 微博

即睇更多人氣文章:

奶奶索取賠償金,將兩母女趕出家門?

最傷心嘅係陳小姐嘅奶奶索取咗丈夫嘅意外賠償金後,居然將陳小姐及其女兒趕出家門「江西那邊延續只能是兒子,女兒不算」,疑似係因為重男輕女嘅原因而決定唔理會佢哋!自此,佢亦成為咗單親媽媽獨力撫養女兒,而佢亦堅強面對稱「現在不吃苦什麼時候吃苦啊,對不對?才21歲,正是吃苦的時候」仲非常負責任咁話既然將女兒生出來就一定會養大佢!

本身陳小姐同女兒都住喺奶奶屋企Photo from 微博

但奶奶獲得丈夫意外賠償金後,就立刻將佢哋兩母女趕出家門!Photo from 微博

原因係因為奶奶重男輕女?!Photo from 微博

好心店員幫忙照顧3歲女兒

平時陳小姐每日早上8點幾就會先送現時3歲嘅女兒返學,之後佢就開始工作;直到下午5點接女兒放學後,附近嘅快餐店員工都非常好心咁願意幫佢照顧女兒,所以佢會將女兒送到店裡面坐。之後送外賣到晚上9點就接女兒返屋企,日日如是。

現時由佢自己一個照顧女兒,由於父母並唔係一齊住,所以只係偶爾過來幫手Photo from 微博

陳小姐表示一路上遇到好多好心人,而女兒多數都會喺附近嘅麥當勞等佢放工。Photo from 微博

拒絕收採訪團隊利是!

喺訪問片段嘅尾段,採訪團隊想送一封利是俾陳小姐卻立刻遭拒絕,即使男主持話「我不是給你,是給寶寶(女兒)的」;但佢依然好堅決咁話「這是我的底線!我真的不要!」

採訪團隊最終想送利是俾佢Photo from 微博

但佢堅拒唔肯收!Photo from 微博

網民大讚堅強態度

呢段受訪片段感動唔少網民,大家都大讚陳小姐年紀輕輕就已經非常成熟「堅強得令人心疼」、「這個媽媽很棒」、「現實的苦難並未有壓垮她,反而令她更堅強」等。亦有喺附近居住嘅安慶網民表示見過佢同女兒「當時她背著個好小的寶寶,我們整個售樓部都震驚了……後來有次晚上十點多跟朋友吃麥當勞,又看到她背著孩子取餐……」

網民都大讚陳小姐善良及堅強!Photo from 微博

陳小姐堅強面對逆境嘅態度,令網民讚嘆!Photo from 欣朦2019微博

部份網民就好心疼佢年紀輕輕就已經成為人母!Photo from 微博

體諒奶奶年紀老邁,不願追討賠償金問題

除此之外,唔少網民都狠批奶奶嘅行為,大家都希望能夠幫佢爭取返應有嘅金錢。不過陳小姐事後就話奶奶自己都仲有一個十幾歲嘅小朋友,而且佢年紀已經越來越大「只要我的女兒健康平安快樂。雖然我沒有很好的條件給我女兒,但是我會拼盡全力讓她過的好」

唔少網民都希望幫佢向奶奶追討金錢,但陳小姐表示奶奶年紀老邁Photo from 微博

而且奶奶都養育緊一個十幾歲嘅小朋友Photo from 微博

廣告
廣告

發文感謝網民鼓勵!

而陳小姐前日(21日)專程喺微博感謝一眾網民嘅鼓勵,亦感謝安慶婦聯及公司嘅關心,表示自己會繼續努力生活養活女兒~為母則強!

陳小姐喺微博發文感謝廣大網民們嘅支持!Photo from 微博

而佢表示現時只係希望女兒好好長大,即使經濟狀況唔算好,但都會盡力給予佢最好嘅東西!Photo from 欣朦2019微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

59歲患癌媽媽奮力抵抗病魔! 堅持接送養女回家 背後原因超催淚!

11 Dec , 2021

世界上有唔少人都可能受到身體問題困擾,不過佢哋都依然非常努力生活。日前,韓國節目《實話探查隊》就拜訪咗一位患乳癌媽媽,由於佢嘅癌細胞已經擴散至全身,醫生推斷佢病情隨時惡化,並有可能離開,而佢最捨不得嘅就係一對寶貝女兒!

現年59歲嘅崔淑賢患癌症,情況嚴重,一對女兒成為佢嘅動力!Photo from 《실화탐사대》

# 59歲韓國媽媽發現患癌!

相信大家都經常聽人講「身體健康最重要」,雖然呢句話係老生常談,不過卻係唔少城市人忽略咗嘅嘢!最近,韓國節目《實話探查對隊》就去拜訪咗患有乳癌嘅59歲媽媽崔淑賢,佢喺2020年初發現自己患癌症,並證實係乳癌。

崔淑賢2020年發現自己患上癌症。Photo from 《실화탐사대》

其後,崔淑賢經檢查後發現癌細胞已經擴散至肝、肺、骨髓、腦等身體部位,而佢嘅身體亦出現多個腫瘤。突然病情加劇,令醫生們都束手無策,向佢嘅家人表示要做好心理準備。

崔淑賢嘅癌細胞被發現已經蔓延至全身,隨時都可能失去生命!Photo from 《실화탐사대》

# 最大生存動力係一對寶貝女兒!

雖然病情非常嚴重,不過崔淑賢依然繼續堅持接受痛苦嘅治療,努力同癌細胞對抗。背後令佢可以繼續堅持落去嘅最大原因就係一對只有8歲同10歲嘅女兒!由於佢生病嘅緣故,丈夫暫時無力獨立照顧一對女兒,所以女兒們上年5約月就已經被送到當地嘅保育院暫住,週末先會返屋企同佢哋團聚。

一家四口一齊嘅畫面就係崔淑賢堅持落去嘅原因!Photo from 《실화탐사대》

崔淑賢因為身體無力,需要丈夫嘅幫忙先可以站起或者走動。Photo from 《실화탐사대》

# 堅持同丈夫接送女兒回家!

儘管崔淑賢現時出入都需要用輪椅代步,但佢堅持每個週末同丈夫一齊前往保育院接2個女兒回家,爭取每一分一秒同佢哋相處,能夠一家團聚大概就係佢現時生存落去嘅最大動力!而佢喺節目中就哭訴「我最大嘅心願就係撐到睇住佢哋讀中學!」,場面感人!

崔淑賢堅持同丈夫一齊接女兒們回家。Photo from 《실화탐사대》

佢表示最大心願係見到一對女兒讀中學!Photo from 《실화탐사대》

# 原來女兒們並非親生!

其實呢對女兒呢並非崔淑賢親生女兒,而係佢同丈夫分別於2013年以及2016年領養嘅!原本領養女兒嘅時候就承諾會好好陪伴同照顧佢哋,然而卻突如其來發現生病,令佢對2個女兒感到非常愧疚。

崔淑賢同丈夫於2013以及2016年領養女兒。Photo from 《실화탐사대》

生病嘅崔淑賢對女兒感到愧疚!Photo from 《실화탐사대》

# 獲得網民們幫助,得以續命!

近日,由於癌症治療嘅後遺症,崔淑賢嘅身體失去止血功能,所以每一次入院都需要接受輸血。然而,崔淑賢嘅血型本身就比較罕見,所以庫存一直都唔夠,幸好獲得一班有心人嘅幫助,令佢現時得以繼續維持生命,而佢就更加堅強咁話「獲得咁多人嘅輸血幫助,就更加唔可以輕易放棄!」,強大嘅意志力實在非常值得敬佩!

丈夫為崔淑賢網上開post尋找匹配血型嘅人。Photo from 《실화탐사대》

唔少網民見到都前往醫院捐血,幫助崔淑賢!Photo from 《실화탐사대》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel