香港小姐2022|許子萱奪亞軍難掩失望心情,忍唔住黑面?!大熱梁超怡屈居季軍!賽後受訪卻遭徐麟好友團亂入?

香港小姐2022|許子萱奪亞軍難掩失望心情,忍唔住黑面?!大熱梁超怡屈居季軍!賽後受訪卻遭徐麟好友團亂入?

娛樂新聞
By Stephanie on 26 Sep 2022
Digital Content Writer

大台《香港小姐競選2022》昨晚(25日)已經完滿結束,三甲人選出爐!亞軍係由4號許子萱(Cecca)及季軍14號梁超怡(Joey)奪得,二人同樣都係雙料得主~不過喺賽後受訪時就發生咗超尷尬嘅小插曲,當主持人訪問緊獲獎嘅港姐,但「女版曾比特」1號徐麟嘅朋友團卻唔小心「亂入」?!

香港小姐2022嘅三甲人選已經出爐!Photo from 《2022香港小姐競選決賽》

亞軍許子萱宣佈獲獎時黑面?!

今屆香港小姐嘅三甲已經誕生,冠軍係有林俊賢嘅女兒林鈺洧(Denice)獲得,而大熱之一嘅許子萱(Cecca)則獲得亞軍。不過唔少網民都發現當宣佈亞軍得主時,Cecca喺得知自己未能奪冠後,神情變得黯淡,笑容極尷尬;當上屆亞軍梁凱晴為佢加冕時,許子萱仲好似黑晒面咁,展現最真實嘅一面!

當許子萱知道自己獲得亞軍時,笑容頓時變得有啲牽強?!Photo from 2022香港小姐競選決賽

港姐亞軍許子萱喺獲得加冕時似乎難掩失望心情?!Photo from 2022香港小姐競選決賽

同時獲得「國際親善小姐」及「生態保育大使」

不過許子萱喺賽後受訪話自己好高興能夠認識一大班嘅佳麗,仲謙虛表示尚有好多進步空間。而口才了得嘅佢喺泳裝答問環節中成功突圍而出,選擇咗3位評審做「最想一齊被困於升降機」嘅對象,同時佢喺比賽中亦獲得「國際親善小姐」以及「生態保育大使」。

許子萱榮獲「國際親善大使」及「生態保育大使」。」Photo from 2022香港小姐競選決賽

Cecca喺泳裝答問環節中,大讚3位評審,被曾志偉講笑咁話「好識擦鞋」Photo from 2022香港小姐競選決賽

賽前被傳出與另一位佳麗鬧不和?

其實許子萱喺決賽前,就被瘋傳與另一位佳麗張光怡(Chloe)喺排舞期間吵架,二人仲互相unfollow大家嘅IG帳號!有指最後仲要高層出面先令佢哋嘅關係緩和,而二人其後喺受訪時合體澄清「我哋係有交流嘅!」

許子萱賽前曾被傳出與另一位學霸佳麗張光怡(Chloe)排舞時吵架,鬧出不和傳聞?!Photo from 許子萱IG

Cecca同Chloe(右二)都有為不和傳聞作出澄清!Photo from 娛樂新聞台

許子萱學歷高,曾推出個人自傳!

現年25歲嘅許子萱(Cecca)係一位名副其實嘅學霸,畢業於美國密西根大學(University of Michigan)金融及戰策管理系,曾於華爾街任職投行分析師,仲喺22歲嘅時候推出自傳《一個華爾街女孩的面考實錄》!現時同時獲著名學府劍橋及牛津大學錄取就讀MBA碩士課程,但相信現時獲獎嘅佢將會選擇延遲修讀課程喇~

Cecca喺22歲時已經推出咗自己嘅自傳!Photo from Amazon

許子萱本身喺美國密西根大學(University of Michigan)畢業,其後仲獲得劍橋以及牛津大學錄取就讀MBA碩士課程Photo from 許子萱IG

即睇更多人氣文章:

港姐季軍+「最上鏡小姐」梁超怡Joey

而季軍得主梁超怡(Joey)亦同時榮獲「最上鏡小姐」獎項,憑甜美笑容獲得唔少網民嘅讚賞;但喺賽後受訪時卻意外出現極尷尬嘅場面?!

14號梁超怡(Joey)榮獲香港小姐2022季軍!Photo from 《2022香港小姐競選決賽》

同時佢亦獲得「最上鏡小姐」~Photo from 2022香港小姐競選決賽

賽後受訪時,出現尷尬場面!

事後4位得獎佳麗都獲邀上台接受主持人陸浩明嘅訪問,而佳麗們嘅親朋好友就企喺後面表示支持。而陸浩明就以為Joey身後嘅就係佢嘅朋友,點知對方卻回應「我們是1號徐麟的朋友」,令網民都非常好奇「連徐麟都唔喺台上,點解佢哋會出現咗喺後面?」,其後陸浩明迅速以一句「OKOK!明白晒,好多朋友都有嚟支持!」化解尷尬嘅局面~

但喺Joey接受訪問時卻意外出現尷尬場面!Photo from 2022香港小姐競選決賽

喺4位得獎佳麗上台受訪時,1號佳麗徐麟嘅朋友卻竟然上咗台?!Photo from 2022香港小姐競選決賽

徐麟喺參加香港小姐初選時以爆炸頭現身,被網民稱為「女版曾比特」Photo from 2022香港小姐競選決賽

童星出身 曾扮演梁朝偉女兒

其實梁超怡一直都係冠軍大熱人選,雖然佢身材嬌小只得160cm,但憑均稱身材、精緻五官成功獲得大家嘅關注,可惜最終大熱倒灶獲得季軍。26歲嘅佢其實係童星出身,5歲嘅時候就已經出演經典電影《無間道》飾演梁朝偉同蕭亞軒嘅女兒,其後佢就跟隨家人移居美國芝加哥。

Joey喺5歲嘅時候曾以電影童星出道,出演《無間道》Photo from 《無間道》

飾演梁朝偉及蕭亞軒嘅囡囡Photo from 《無間道》

過往曾參加選美比賽

本身就外表出眾嘅梁超怡過往就已經有參加選美比賽嘅經驗,2017年參加《世界華商形象大使競選(芝加哥賽區)》榮獲亞軍,再喺2019年參加《芝加哥親善小姐競選》但最終落選。據悉,有網民大爆佢身上至少有7個紋身,仲被爆鍾意夜蒲;但其實佢曾經解釋其中一個喺手臂上嘅紋身係為咗紀念兒時離世嘅好朋友,仲話若果公司要求都會盡量配合將紋身覆蓋。

而佢過往都曾經喺美國芝加哥參加選美比賽。Photo from 梁超怡IG

廣告
廣告

有指佢身上嘅紋身超多,不過佢就話願意為咗工作遮蓋紋身。Photo from 梁超怡IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

香港小姐2022|林鈺洧奪冠軍被指談吐失禮,狂寸爸爸林俊賢!過往曾上ViuTV談情史

26 Sep,2022

《2022香港小姐競選》完滿結束,星二代林鈺洧奪得冠軍,大熱許子萱、梁超怡分別獲亞季軍。不過賽後有唔少網友就指冠軍林鈺洧言談欠得體,寸爸爸林俊賢更被指失禮!佢曾經上過ViuTV節目,更大方分享情史!

《2022香港小姐競選》完滿結束,星二代林鈺洧奪得冠軍Photo from 《2022香港小姐競選》

林俊賢女兒林鈺洧奪港姐冠軍

林俊賢女兒林鈺洧奪得港姐冠軍,賽後佢接受訪問時就隔空同爸爸林俊賢對話,不過就被指談吐不夠得體!其實喺宣佈佢奪冠一刻,佢都十分難以置信,既無驚喜,亦無感動,面容呆滯,叻哥仲稱:「你唔信你攞冠軍呀?係你呀!」

喺宣佈林鈺洧奪冠一刻,佢都十分難以置信Photo from 《2022香港小姐競選》

上屆冠軍為林鈺洧加冕後,佢繞場一周並與亞軍許子萱、季軍梁超怡合影。作為冠亞季軍,佢哋得獎後獲安排按受訪問,其中攞到冠軍嘅林鈺洧被問到有無嘢想同爸爸講,林鈺洧嘅回應掀起熱議。

上屆冠軍為林鈺洧加冕後,佢繞場一周Photo from 《2022香港小姐競選》

攞到冠軍嘅林鈺洧被問到有無嘢想同爸爸講,林鈺洧嘅回應掀起熱議。Photo from 《2022香港小姐競選》

林俊賢唔支持參選,林鈺洧贏港姐即寸爆爸爸

林鈺洧係林俊賢與第一任前妻所生之女,不過由於父母離婚,林鈺洧從小就跟媽媽生活,與親生父親林俊賢無乜聯絡,近年兩人先相認。林鈺洧透露爸爸林俊賢並唔支持佢參選香港小姐,更叫佢「唔好玩啦!」然而佢最後成功奪冠,為此佢更「寸」爸爸:「你睇下!依家我攞冠軍喇!多謝!」

林鈺洧從小就跟媽媽生活,與親生父親林俊賢無乜聯絡,近年兩人先相認。Photo from 林俊賢微博

林鈺洧透露爸爸林俊賢並唔支持佢參選香港小姐,更叫佢「唔好玩啦!」然而佢最後成功奪冠,為此佢更「寸」爸爸:「你睇下!依家我攞冠軍喇!多謝!」Photo from 《2022香港小姐競選》

有網民表示林鈺洧嘅談吐唔夠大方,指佢作為港姐冠軍:「講嘢又粗魯表情又奇怪,勁冇儀態」、「談吐完全唔似冠軍」、「冠軍好唔得大體」

有網民表示林鈺洧嘅談吐唔夠大方Photo from HolidaySmart

「談吐完全唔似冠軍」Photo from HolidaySmart

網民:「冠軍好唔得大體」Photo from HolidaySmart

網民對林鈺洧表現唔滿意!Photo from HolidaySmart

《對號入座》林鈺洧大方分享情史

林鈺洧參選港姐之前曾改藝名為林卓錡,2016年做出道模特兒,仲上過ViuTV《對號入座》、《鬼同妳上位》,又出演過電視劇《太平紋身店》、《詭探前傳》。喺節目《對號入座》中林鈺洧大方分享情史!

林鈺洧參選港姐之前曾改藝名為林卓錡,出演過ViuTV電視劇《詭探前傳》Photo from 《詭探前傳》

佢自爆曾有5個伴侶!仲試過同一名雙魚座伴侶一齊,對方十分不持久,僅堅持到0秒或3秒。之後林鈺洧又稱同過一名天蠍座伴侶,大讚對方靚仔又高大,夠持久不特止仲識得好多唔同招式,佢直言同天蠍座男仔發生親密關係,需要有好好嘅體力,因為對方會將女伴翻來覆去,林鈺洧分享經驗稱:「好暈,流晒汗!」

林鈺洧試過同一名雙魚座伴侶一齊,對方十分不持久,僅堅持到0秒或3秒。Photo from 林鈺洧IG

林鈺洧又稱同過一名天蠍座伴侶,大讚對方靚仔又高大,夠持久不特止仲識得好多唔同招式Photo from 《對號入座》

現年26歲嘅林鈺洧身材超火辣,佢亦不吝嗇喺IG大晒fit爆身材,不過當選港姐冠軍後相信佢嘅言談會內斂返唔少,因為之前師姐馮盈盈曾經都講過好多出位言論而被狠批。

現年26歲嘅林鈺洧身材超火辣,佢亦不吝嗇喺IG大晒fit爆身材Photo from 林鈺洧IG

林鈺洧IG仲晒過素顏相!Photo from 林鈺洧IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel