劉亦菲被指真人與照片不符,顏值下降掀熱議?!網民質疑仙氣樣貌靠P圖?細數3大明顯對比照

劉亦菲被指真人與照片不符,顏值下降掀熱議?!網民質疑仙氣樣貌靠P圖?細數3大明顯對比照

娛樂新聞
By Stephanie on 03 Oct 2022
Digital Content Writer

34歲內地女演員劉亦菲過往憑清秀樣貌,被內地網民稱為「神仙姐姐」~不過近年劉亦菲嘅狀態似乎「飄忽不定」,早前出席公開晚會時被網民發現現場圖片同佢喺微博上載嘅照片,差別極大,被質疑平時係靠P圖?!

劉亦菲今年8月出席公開活動時嘅照片再度引起內地網民熱議,網民都認為劉亦菲經常P圖?!Photo from 劉亦菲微博

劉亦菲進軍荷李活電影圈

劉亦菲曾出演無數經典劇集及電影,當中佢喺2006年與黃曉明合作拍攝《神雕俠侶》,飾演「小龍女」一角令佢人氣飆升!其後,佢喺2007年出演電影《功夫之王》,與成龍、李連杰等大前輩合作,首度進軍荷李活影圈!

2006年,劉亦菲同黃曉明合作出演《神雕俠侶》,而佢當時憑「小龍女」一角而成名!Photo from 《神雕俠侶》

劉亦菲成功衝出國際,進軍荷李活電影圈~Photo from 劉亦菲微博

憑清純氣質獲內地網民封為「神仙姐姐」

劉亦菲一直以來喺內地嘅人氣都非常高,仲因為清秀嘅外貌而獲網民大讚「神仙姐姐」;不過近年佢嘅狀態卻似乎大不如前?!而佢嘅P圖嫌疑近日再度掀起熱議,今年8月佢喺出席「微博電影之夜」時就身穿國際品牌Elie Saab嘅香檳金低胸晚裝,而佢亦有於微博上載當日嘅造型照,盡顯高貴大方嘅氣質~

劉亦菲今年參加「微博電影之夜」嘅時候身穿高貴嘅香檳金晚裝Photo from 劉亦菲微博

佢喺微博上載嘅造型照片,睇落高貴典雅~Photo from 劉亦菲微博

現場零P圖照與造型照好大分別?!

其後,有網民就上載咗喺現場拍攝嘅照片,但就發現劉亦菲現場睇同照片中好大分別!從照片中所見,劉亦菲臉部浮腫,而且佢嘅肩膀亦好似有「A字膊」嘅問題,令唔少內地網民都忍唔住話幻想破滅「姐姐怎麼這麼腫?!」、「脖子以下的地方都出事了」等,仲開始懷疑佢微博嘅照片係P過圖!

不過從現場嘅影片所見,劉亦菲明顯同上載嘅照片有出入!Photo from 微博

由於佢戴上咗頸箍,令佢遠睇好似冇頸咁!Photo from 微博

劉亦菲粉絲認為圖片係假嘅?

不過有支持劉亦菲嘅粉絲就認為現場照疑似被「後製」過,認為係典禮現場燈光太光,而且仲話睇佈景板就知道照片並非真實嘅,力撐劉亦菲「神仙姐姐」嘅地位;內地網民都對此議論紛紛。

支持劉亦菲嘅粉絲主張有人專登將劉亦菲嘅身材比例P圖,搞到佢睇落身型好似唔同晒咁?!Photo from 微博

近日上載素顏照,證明狀態大勇?!

不過,近日劉亦菲就上載自己素顏踩單車嘅自拍照,雖然佢當時戴住口罩,但睇得出佢嘅皮膚狀態非常好,白到反光!隨即令網民大讚佢狀態回復返「神仙姐姐回來了!」;但亦有部份網民質疑係咪靠美圖app幫手?!

劉亦菲上星期上載素顏踩單車嘅照片,令網民大讚狀態大勇!Photo from 劉亦菲微博

即睇更多人氣文章:

劉亦菲近年經常被網民指「靠P圖」?!

其實劉亦菲近年來嘅狀態都「飄浮不定」,曾因為身型突然發福而引起網民熱議。2009年佢喺出席品牌公開活動時,身穿黑色西裝套裝現身;不過根據現場網民所拍攝嘅照片,只見劉亦菲身型纖瘦但面型則圓潤,側面睇仲好似出現雙下巴。其實藝人身型發福乃正常嘅事,不過由於佢喺微博上載嘅照片同真人有啲唔同,令網民都懷疑佢係靠P圖維持「完美狀態」!

有網民曾經偶遇劉亦菲出席商場公開活動,但佢所公開嘅照片所見劉亦菲面型似乎圓潤咗Photo from 微博

但網民發現佢上載嘅照片就成功「維持美貌」Photo from 劉亦菲微博

2020年「微博之夜」明顯身型發福

喺2020年嘅「微博之夜」,劉亦菲嘅身型明顯再發福咗!當日身穿淺藍色露肩晚裝嘅佢同楊冪企埋一齊嘅畫面,但就被網民指佢身材走樣,同本身就瘦少嘅楊冪形成鮮明嘅對比。然而同樣地,佢自己上載嘅照片又同現場所提供嘅照片有所出入!

上年嘅「微博之夜」劉亦菲身穿淺藍色一字膊晚裝,當時被網民覺得身型明顯發福Photo from 微博

但造型照又似乎同現場嘅照片唔同?!Photo from 微博

網民揭宣傳照都有P圖?

作為內地一線女星嘅劉亦菲過往都經常獲邀為唔同服裝品牌拍攝宣傳照,只見佢身穿長版黑色西裝,並展現自己修長嘅美腿~然而,後來官方就釋出幕後拍攝嘅花絮影片。網民就發現劉亦菲喺零P圖嘅狀況下,整體睇落比較矮,而且小腿亦明顯比較短及粗;令網民都忍唔住留言「又是P圖的」、「看起來很比例很不好」等,但都有網民為佢平反覺得只係角度問題。

劉亦菲過往都經常為唔少服裝品牌拍攝宣傳照。Photo from 微博

而官方釋出嘅幕後影片卻被網民發現劉亦菲嘅雙腿並冇宣傳照中咁長?!Photo from 微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地最新受限藝人名單瘋傳!將限制7位外國國籍明星?李連杰/劉亦菲榜上有名

31 Aug , 2021

內地最近對於娛樂圈及網絡嘅監察、管理越嚟越嚴,繼趙薇之後,微博流傳新一批受限嘅藝人名單,有唔少都非常著名。另外內地唔少遊戲為咗可以過到審批而「被和諧」,改咗啲敏感字眼。

內地最近對於娛樂圈及網絡嘅監察、管理越嚟越嚴,繼趙薇之後,微博流傳新一批受限嘅藝人名單Photo from 趙薇微博

#未滿18歲嘅周末每日只可玩1小時遊戲

內地最近出台新政策,未滿18歲嘅未成年人周末只可玩1個鐘遊戲。除咗唔畀未成年人沉迷打機外,近日有內地網友發現有手機遊戲將敏感字眼「和諧」,但就顯得十分奇怪。

內地最近出台新政策,未滿18歲嘅未成年人周末只可玩1個鐘遊戲Photo from TVB

呢款「被和諧」嘅遊戲名為《時空戀結》,遊戲設定玩家係嚟自現代嘅少女,一次穿越返去古代,同唔同嘅男主角培養好感,發展劇情。

遊戲名為《時空戀結》,遊戲設定玩家係嚟自現代嘅少女,一次穿越返去古代,同唔同嘅男主角培養好感,發展劇情。Photo from 《時空戀結》

#敏感字眼要「和諧」

不過其中一個身份為皇子嘅男角色「蕭遠」嘅對白就非常奇怪,佢表示自己曾患上痔瘡,比較經典嘅騎呢台詞分別有:「十二歲的時候,我住的小山村,爆發了一場痔瘡」、「那段時間得了痔瘡,渾身不舒服」、「得了痔瘡的人只能靜靜等死」、「犧牲自己和孩子,也一定要讓皇子痔瘡好起來。」、「人心比痔瘡更可怕」。

「12歲的時候,我住的小山村,爆發了一場痔瘡」Photo from 《時空戀結》

身份為皇子嘅男角色「蕭遠」嘅對白就非常奇怪,台詞不斷提及「痔瘡」Photo from 微博

佢嘅台詞不斷提及「痔瘡」,明顯語句不通,有內地網友就發現遊戲商應該係以「痔瘡」代替「疫情」,微博有稱自己有參與遊戲研發嘅網友就指會咁改係因為審核過唔到,實在令人哭笑不得。

微博有稱自己有參與遊戲研發嘅網友就指會咁改係因為審核過唔到Photo from 微博

#微博流傳外國國籍藝人封殺名單

除咗加強對網絡遊戲管理外,官方更大力打擊「劣跡藝人」,趙薇就疑似被封禁,令內地影視圈人心惶惶。近日微博流傳一份7人名單,指係國家廣電總局下令限制外國國籍明星,包括著名演員、歌手。

除咗加強對網絡遊戲管理外,官方更大力打擊「劣跡藝人」,趙薇就疑似被封禁Photo from 趙薇微博

有指官方將推「限籍令」,限制擁有外國國籍嘅藝人喺中國「大肆圈錢」,其中包括擁新加坡籍嘅李連杰、美國國籍嘅劉亦菲、美國國籍潘瑋柏、美國國籍王力宏、英國國籍張鐵林、加拿大籍嘅趙又廷、加拿大籍嘅謝霆鋒。

有指官方將推「限籍令」,限制擁有外國國籍嘅藝人喺中國出演節目「大肆圈錢」Photo from 微博

美國國籍潘瑋柏Photo from 潘瑋柏微博

美國國籍王力宏Photo from 王力宏微博

加拿大籍嘅謝霆鋒Photo from 鋒味微博

佢哋都係內地影視界少有名氣嘅藝人,劉亦菲一直獲封「神仙姐姐」,出演迪士尼電影《花木蘭》更被視為「為中國爭光」;李連杰更對中國武打電影有極大貢獻;張鐵林以飾演《環珠格格》嘅乾隆皇帝而為人熟悉,謝霆鋒、王力宏等亦喺內地娛樂圈十分有名。

劉亦菲一直獲封「神仙姐姐」Photo from 劉亦菲微博

劉亦菲出演迪士尼電影《花木蘭》Photo from 劉亦菲微博

李連杰對中國武打電影有極大貢獻Photo from 李連杰微博

張鐵林以飾演《環珠格格》嘅乾隆皇帝而為人熟悉Photo from 《環珠格格》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel