陳浩民與蔣麗莎驚傳離婚?!女方急開直播力證二人感情依舊!男方曾課金220萬給網紅而激嬲老婆?

陳浩民與蔣麗莎驚傳離婚?!女方急開直播力證二人感情依舊!男方曾課金220萬給網紅而激嬲老婆?

娛樂新聞
By Stephanie on 06 Oct 2022
Digital Content Writer

藝人陳浩民與內地模特兒蔣麗莎於2011年結婚,婚後育有3女1子,生活幸福美滿~近日,有內地傳媒大爆陳浩民同蔣麗莎疑似離婚嘅傳聞,指女方發現陳浩民明明放假,但卻竟然呃佢話要開工,令佢情緒忍唔住爆發,大呻對方經常懶理家事等。不過昨日(5日)蔣麗莎開直播回應傳聞,被網民直指「自編自導自演」?!

日前,陳浩民及蔣麗莎被爆出離婚嘅消息,直到昨日(5日)蔣麗莎開直播解釋。Photo from 蔣麗莎微博

陳浩民與蔣麗莎經常夫妻檔直播帶貨

52歲陳浩民於2011年與比佢細16年嘅內地模特兒蔣麗莎結婚,婚後育有3女1子,經常大晒幸福家庭照~近年,陳浩民將事業重心轉移返內地,仲移居上海生活。而佢哋仲夫妻檔咁一齊直播帶貨,齊齊賺錢,喺內地嘅人氣都算係唔錯㗎!

陳浩民同蔣麗莎於2011年結婚!Photo from 陳浩民微博

二人婚後育有3女1子,而網民都覺得子女們同佢哋嘅樣貌十足十餅印咁~Photo from 蔣麗莎微博

驚傳二人離婚消息?!

不過日前有內地傳媒大爆陳浩民同蔣麗莎嘅婚姻似乎出現暗湧?!有指蔣麗莎早前開直播揚言「要離婚」,仲大呻男方喺國慶假期時呃佢話要返工,但實際上卻係自己「外出瀟灑」。隨後佢再表示對方經常都懶理屋企嘅大小事,仲講到眼濕濕,嬲到話要等假期完咗就辦理離婚手續?!

有傳蔣麗莎喺直播大呻陳浩民唔幫手做家事等,令佢忍唔住情緒爆發,嬲到話要離婚?!Photo from 蔣麗莎微博

據悉,陳浩民對於老婆突然提出「離婚」而感到無奈,並重申自己當日的確係有工作行程;但就話若果女方真係整好咗離婚協議書,只要條件唔係太過分都願意接受。

據悉陳浩民指當日自己的確有工開!Photo from 陳浩民微博

開直播力證:感情好得很!

呢個傳聞隨即引起內地網民熱議,令大家都議論紛紛!直到昨日(5日),蔣麗莎再度開直播,喺髮廊同陳浩民一齊染頭髮,令唔少網民都湧入直播留言詢問二人嘅感情事。而蔣麗莎就正面回應「大家不要誤信謠言,兩個人之間沒矛盾,是別人瞎寫,沒甚麼好澄清,希望生活幸福穩定。」即使有網民留言指陳浩民出名「花心」,但蔣麗莎都立刻反駁「哪兒出名了?我都沒聽說!」用行動力證二人感情冇變!

昨日(5日),蔣麗莎開直播同陳浩民一齊染頭髮Photo from 蔣麗莎抖音

蔣麗莎澄清二人並冇離婚,證明二人感情依然甜蜜~Photo from 蔣麗莎抖音

即睇更多人氣文章:

網民質疑係兩夫婦「炒作」?

唔少網民都對陳浩民同蔣麗莎感情依舊而感到慶幸,但部份網民就質疑係佢哋兩夫婦「自編自導自演」嘅方法,希望藉此炒作令佢哋再次成為討論嘅熱話?!不過有網民就認為二人係被媒體亂寫,指留意到佢哋二人喺國慶假期期間去咗長沙玩。無論點都好,現時二人都已經公開澄清傳聞,呢個傳聞亦自然「不攻自破」喇~

 

部份網民就質疑係佢哋兩夫婦位「炒作」,但都有粉絲為佢哋平反話二人喺假期嘅時候一齊去咗長沙度假?!Photo from 微博

據悉老婆得知後感到不滿Photo from 陳浩民微博

男方曾偷偷課金220萬給直播主

其實夫婦間相處時難免會出現爭吵,過往陳浩民曾被發現偷偷課金俾著名內地網紅孫一寧,送出多份虛擬禮物,當中金額高達200萬人民幣(約港幣220萬),非常豪爽!有傳蔣麗莎並唔知情,其後仲因此而感到不滿。

陳浩民曾被網民發現課金220萬俾內地直播主,仲有傳因此激嬲老婆?!Photo from 微博

 

直播煮麵時鬧交

今年初兩夫婦直播「煮飯仔」時出現爭吵,喺蔣麗莎為4位子女煮麵嘅時候,陳浩民誤以為係自己嘅午餐就開始食,隨即令女方大喊「給孩子煮的!這麼大個人還搶小朋友的東西吃」而陳浩民則表示唔理解女方嘅反應太誇張,認為再煮返就可以。

蔣麗莎曾經喺開直播嘅時候當面鬧陳浩民,令佢非常尷尬!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

孫耀威陳浩民為內地千萬網紅拍片卻慘成「配角」!網民慨嘆:錢的力量!香港藝人北上後待遇超不同?

12 Aug , 2022

廣告
廣告

近年唔少香港藝人都選擇北上發展,當中直播帶貨成為最多人做嘅工作~最近,孫耀威陳浩民就一齊出演內地知名網紅「國岳夫婦」嘅直播,由於「國岳夫婦」本身已經坐擁逾1,300萬粉絲,所以二人竟然喺直播中成為「助手」幫手攞下貨咁!事實上好多藝人北上工作後嘅待遇大不如前?

現時好多香港藝人都會直播帶貨幫手賺外快,但好多時佢哋返到內地工作後待遇大不如前?!Photo from 曾志偉抖音

孫耀威陳浩民長居內地,成為好兄弟!

現時唔單止喺網紅會擔任「直播帶貨」嘅工作,唔少藝人都開始加入帶貨行列,而近年喺內地長居嘅孫耀威及陳浩民都唔例外!佢哋兩個最近因為成日一齊拍片,感情變得超好,被內地網民指覺得佢哋越來越似樣「根本就是兄弟」。

孫耀威同陳浩民變得超老友,仲會帶埋老婆一齊出席聚會~Photo from 蔣麗莎微博

陳浩民本身都有同老婆一齊夫妻檔直播帶貨Photo from 蔣麗莎微博

獲邀為內地千萬網紅拍片

日前,孫耀威及陳浩民呢對兄弟被內地千萬網紅「國岳夫婦」邀請拍攝宣傳影片,只見主角「國岳夫婦」企正喺紅地毯中間大晒恩愛,猶如荷李活大明星一樣;而陳浩民同孫耀威就分別企喺兩人側邊,伴隨住音樂搖擺身體,比起嘉賓更加似伴舞多啲!

陳浩民同孫耀威本身就企喺二人前面為佢哋開路,並隨住音樂跳舞~Photo from 國岳夫婦抖音

其後佢哋就分別企喺夫婦嘅身旁Photo from 國岳夫婦抖音

直播帶貨變助手!

其後二人仲同「國岳夫婦」直播帶貨,不過佢哋好明顯對貨品並唔了解,只能夠喺企喺後排面帶微笑咁望著。不過佢哋都盡量配合「帶貨」節奏,作出介紹時會幫手遞貨品,偶爾出聲叫觀眾買多啲,變身做「國岳夫婦」嘅助手!

其後二人都有份去幫「國岳夫婦」直播帶貨Photo from 國岳夫婦抖音

但佢哋似乎都對產品唔太了解,所以只係靜靜咁企喺後排微笑~Photo from 國岳夫婦抖音

網民認為二人似佈景板!

唔少網民睇完直播後,都認為孫耀威同陳浩民嘅存在感超低「完全成為背景了」、「兩人比較像助手」等留言;部份網民表示不解覺得二人居然肯為錢而成為「配角」,猜測「國岳夫婦」應該俾咗好多錢佢哋宣傳?!

內地網民都慨嘆二人為咗賺錢而甘願成為「佈景板」Photo from 國岳夫婦抖音

批評「國岳夫婦」經常無視明星嘉賓?

但大部分內地網民都係唔滿意「國岳夫婦」對待明星嘉賓嘅態度,覺得佢哋只係顧住sell貨,完全唔理會受邀嘉賓嘅感受。原來呢對夫婦已經唔係第一次邀請明星成為「佈景板」,曾邀請影帝黎耀祥,但完全無理會過影帝,場面超尷尬!

部份網民批評「國岳夫婦」不嬲都鍾意請明星嘉賓,但卻唔理會佢哋?!Photo from 小紅書

黎耀祥都曾經被邀請成為帶貨嘉賓,但都成為佈景板Photo from 國岳夫婦抖音

其實過往亦有香港藝人喺內地淪為「配角」嘅經歷,就連內地網民睇到之後都替佢哋抱打不平,批評當地嘅娛樂圈「古怪現象」!

影帝羅家良與內地網紅一齊帶貨

59歲影帝羅家良(撈家)曾經同內地網紅「廣東夫婦」合體帶貨,其後仲拍攝咗幾段宣傳影片,重現《難兄難弟》「奇哥」一角,超用心準備!其後,佢又再同呢對網紅開直播同網民互動,有網民一度邀請佢現場獻唱,雖然羅家良表情尷尬,但都有求必應演唱《歲月的童話》等經典歌曲。

影帝羅家良曾經同內地網紅夫婦一齊直播帶貨~Photo from 「廣東夫婦」抖音

其後佢哋仲一齊開直播同粉絲互動,期間羅家良被粉絲要求獻唱Photo from 羅家良抖音

不過好多網民都覺得羅家良選擇直播帶貨似乎有啲「自降身價」,因為當日直播觀看人數只係得2萬人,而且帶貨成績亦唔理想!部份網民就猜測羅家良當時係為直播帶貨舖路,增加曝光率~

唔少內地網民都覺得羅嘉良嘅演員地位已經好高,唔需要再帶貨直播Photo from 羅家良抖音

黎耀祥遭內地演員無視?

上年年尾,黎耀祥出演內地青年導演真人騷《開拍吧》擔任嘉賓,其中佢同內地藝人鄭愷負責出演參賽導演易小星嘅短片《誰拿了我的外賣》。但當導演同演員們談論拍攝流程時,導演同鄭愷二人並排咁行,好投入咁傾計,連黎耀祥喺後面講嘢都被無視,非常尷尬!唔少網民睇完後認為佢哋似乎太唔識得尊重前輩「真的很心酸」、「這兩人怎會有黎耀祥紅」、「是內娛資本的怪走向。」

黎耀祥獲邀上內地真人騷《開拍吧》幫手拍攝其中一條短片Photo from 《開拍吧》

喺導演同演員們談及拍攝詳情時,黎耀祥卻被二人無視?!Photo from 《開拍吧》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel