張寶兒為炎明熹、姚焯菲設計造型,慘被內地網民嫌棄品味差

張寶兒為炎明熹、姚焯菲設計造型,慘被內地網民嫌棄品味差

娛樂新聞
By Jennifer on 06 Oct 2022
Digital Editor

張寶兒近年開始參與造型設計,對象包括「佛祖」Kirsten利愛安同埋《聲夢傳奇》一眾學員。近日佢喺小紅書大晒炎明熹姚焯菲等人嘅造型照,豈料卻被內地網民一面倒負評,更叫佢「放棄Styling」!

張寶兒近年開始參與造型設計Photo from 張寶兒IG

張寶兒「踩過界」為《聲夢》學員、利愛安設計造型

對fashion好有興趣嘅張寶兒初次參與藝人嘅造型設計應該係第一季《聲夢傳奇》,一班學員出席商場show,張寶兒有份安排服裝造型,更興奮同佢哋合照留念,不過網民就唔太欣賞張寶兒有份配搭嘅造型,更直言「好娘」!

一班聲夢學員出席商場show,張寶兒有份安排服裝造型,更興奮同佢哋合照留念Photo from 張寶兒IG

不過張寶兒之後仲未放棄,佢又為「佛祖」Kirsten利愛安重新設計新look,其中更幫Kirsten一頭曲髮拉直,成功改變形象,張寶兒同Kirsten一齊接受娛樂新聞台訪問,張寶兒分享咗好多佢對Kirsten新造型嘅想法。

張寶兒同Kirsten一齊接受娛樂新聞台訪問,張寶兒分享咗好多佢對Kirsten新造型嘅想法Photo from TVB

其後《聲夢傳奇》開演唱會,張寶兒再次挑戰幫15位學員設計高達50個舞台造型,佢老公袁偉豪都有陪伴喺後台幫手,更留言為老婆打氣:「唔係容易,加油寶寶❤️」不過批評聲音依然唔少,炎明熹(Gigi)、姚焯菲(Chantel)嘅fans都大為不滿,更喺張寶兒IG留言。

其後《聲夢傳奇》開演唱會,張寶兒再次挑戰幫15位學員設計高達50個舞台造型Photo from 張寶兒IG

袁偉豪都有陪伴喺後台幫手,更留言為老婆打氣:「唔係容易,加油寶寶」Photo from 張寶兒IG

張寶兒再晒《聲夢》學員國慶晚會look,炎明熹、姚焯菲被指老咗十歲

雖然不備認可,但張寶兒對fashion係有一份執著,佢近日於小紅書分享佢有份參與嘅造型設計,對象依然係《聲夢傳奇》嘅學員,睇返啲造型,應該係國慶文藝晚會當日,一眾女學員都以晚禮服造型現身,而男生們就著上西裝。

張寶兒近日於小紅書分享佢有份參與嘅造型設計,對象依然係《聲夢傳奇》嘅學員Photo from 張寶兒小紅書

Gigi罕有著晚裝Photo from 張寶兒小紅書

張寶兒為Chantel設計造型Photo from 張寶兒小紅書

一眾女學員都以晚禮服造型現身Photo from 張寶兒小紅書

男生們就著上西裝Photo from TVB

但內地網友都同樣唔識欣賞張寶兒設計嘅造型,負評頗多:「Gigi老咗20歲」、「放過佢哋啦!」、「全部人老咗十歲」,不過都有人力讚:「造型換下星味都出晒嚟」

內地網友都同樣唔識欣賞張寶兒設計嘅造型Photo from 張寶兒小紅書

網友:「Gigi老咗20歲」Photo from 張寶兒小紅書

網友直言:「放過佢哋啦!」Photo from 張寶兒小紅書

都有人力讚:「造型換下星味都出晒嚟」Photo from 張寶兒小紅書

當日晚會聲夢出場Photo from TVB

張寶兒回應:十分感恩

對於網友嘅留言,張寶兒亦有喺小紅書post下回應:「藝人在出show那一刻能夠帶來驚艷感,已經是很成功的事情。」佢指覺得藝人要尊重場合所以造型上都比較隆重,佢更「謙虛」表示國慶晚會可以畀到觀眾驚艷感,有賴制作方面嘅配合:「不然單靠造型,還是不容易創造這個感覺。」

對於網友嘅留言,張寶兒亦有喺小紅書post下回應Photo from 張寶兒IG

張寶兒指覺得藝人要尊重場合所以造型上都比較隆重Photo from 張寶兒小紅書

張寶兒表示國慶晚會可以畀到觀眾驚艷感,有賴制作方面嘅配合Photo from 張寶兒IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張寶兒擔任聲夢造型師 品味被網民質疑 IG澄清:節目同決賽都冇幫忙!

22 Jul 2021

TVB節目《聲夢傳奇》決賽已經舉辦完畢,節目暫時吿一段落!近日,唔少網民都非常熱烈咁討論比賽嘅賽果,認為比賽嘅制度唔夠公平。另一方面,學員們比賽時穿著嘅衣服亦都成為咗網民討論嘅話題之一,而當日張寶兒竟然就係佢哋嘅造型師?!

張寶兒IGPhoto from 張寶兒IG

《聲夢傳奇》嘅總決賽已經結束,由炎明熹(Gigi)勇奪3個獎項成為咗大贏家,引起網民熱議。而決賽當日最後5強嘅服裝造型亦都成為網民嘅熱話,只得14歲嘅「國民初戀」姚焯菲(Chantel)當日身穿嘅連衣裙就被網民話太過成熟,令佢睇落好矮,完全唔適合佢!

《聲夢傳奇》 Photo from 《聲夢傳奇》

HolidaySmartFBPhoto from HolidaySmartFB

據悉,《聲夢傳奇》嘅造型團隊包括有形象總監 Janae Chan、時裝設計師何國鉦(Dorian),而張寶兒亦有份幫手一齊擔任學員們嘅幕後造型師㗎!本身就對時裝非常咁興趣嘅佢,就喺IG分享自己嘅心情,「首次嘗試,但看見他們喜歡這些styles,和能在造型中更自在發揮,也是一種快樂」,寓工作於娛樂,非常享受呢份工作啊~

張寶兒IGPhoto from 張寶兒IG

張寶兒IGPhoto from 張寶兒IG

張寶兒初次擔任服裝造型師,仲好興奮咁上載咗同學員們喺商演後台嘅合照。然而,有部份網民就似乎唔係咁欣賞佢嘅服裝品味喇,認為佢一班學員睇落太「老土」。不過亦都有部份網民覺得當日Gigi嘅造型有令人眼前一亮嘅感覺,唔知大家又點睇呢?!

張寶兒IGPhoto from 張寶兒IG

張寶兒IGPhoto from 張寶兒IG

由於《聲夢傳奇》決賽嘅服裝造型嘅反應都比較負面,唔少網民都將矛頭指向張寶兒!而佢就喺IG story上傳咗超長嘅一段文字澄清,表示自己只係負責學員們嘅商場演出造型,並冇參與節目同決賽。佢仲表示自己並冇太多相關經驗,但都好感恩可以獲得呢次機會。

張寶兒IGPhoto from 張寶兒IG

張寶兒IGPhoto from 張寶兒IG

正如張寶兒所講,兩年前嘅佢並唔了解穿搭技巧,係後來靠興趣同努力先有開始有改變!回顧返張寶兒部份以前嘅照片,當時嘅佢穿著比較簡單,亦都冇咩星味。

張寶兒IGPhoto from 張寶兒IG

張寶兒IGPhoto from 張寶兒IG

後來,張寶兒就因為主持《姊妹淘》而有更多機會接觸有關時裝嘅資訊,仲因此令佢對衣著配搭有興趣。再睇返佢嘅近照,佢嘅服裝品味的確有進步,同以前相比的確有變好~

張寶兒IGPhoto from 張寶兒IG

張寶兒IGPhoto from 張寶兒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel