朱慧敏爆港姐內幕被指唔識飲水思源!反擊真相根本無踩舊公司

朱慧敏爆港姐內幕被指唔識飲水思源!反擊真相根本無踩舊公司

娛樂新聞
By Jennifer on 11 Oct 2022
Digital Editor

前香港小姐亞軍朱慧敏近日以自由身登上ViuTV節目並分享參選港姐嘅往事,期間佢提到「被批踭」,事後網上唔少聲音指佢唔識飲水思源、數前公司係輸唔起等。朱慧敏亦無退縮,指喺節目中根本無講過佢被人批踭,還原真相。

前香港小姐亞軍朱慧敏近日以自由身登上ViuTV節目並分享參選港姐嘅往事Photo from ViuTV

朱慧敏參選香港小姐獲亞軍後入行

朱慧敏係選香港小姐入行,並出演處境劇《愛·回家》嘅女主角,形象入屋。雖然已離巢多年,但2021年佢同心臟科醫生男友陳良貴結婚,獲唔少網友祝福,朱慧敏考獲臨床心理催眠治療師專業牌照,現時會喺Facebook開直播,亦有擔任電台節目主持。

朱慧敏係選香港小姐入行,並出演處境劇《愛·回家》嘅女主角,形象入屋Photo from TVB

2021年朱慧敏同心臟科醫生男友陳良貴結婚Photo from 朱慧敏IG

現身ViuTV節目爆港姐內幕被指輸唔起

現為自由身嘅佢近日就上ViuTV節目《MM730 娛論潮》做嘉賓,並分享當年選美內幕。不過事後網上有唔少留言卻直斥朱慧敏咁講係想數前公司嘅不足之處,暗示選港姐嘅佳麗全部都勾心鬥角,又指佢唔識飲水思源,前公司畀佢主演處境劇佢知名度先有所上升,依家去到友台卻大爆內幕只會令人覺得佢輸唔起咁話!

現為自由身嘅朱慧敏近日就上ViuTV節目《MM730 娛論潮》做嘉賓,並分享當年選美內幕。Photo from TVB

節目片段公開力證朱慧敏為「港姐批踭」作解釋

ViuTV於10月10日喺官方YouTube Channel上傳節目中嘅片段,主持人問朱慧敏有無被人「批過踭」,朱慧敏都承認曾經遇過類似情形:「我有無被人批過呢?我係有被人批過。」但佢之後馬上就解釋返當時發生緊啲咩。

主持人問朱慧敏有無被人「批過踭」Photo from ViuTV

朱慧敏都承認曾經遇過類似情形:「我有無被人批過呢?我係有被人批過。」Photo from ViuTV

朱慧敏:「但係!但係!可能因為大家當時都好新呀!」佢指一話有記者,一眾佳麗就本能反應咁抬高手踭叉腰。朱慧敏稱佳麗都好年輕,有啲就得十幾歲,有啲就啱啱讀完書出嚟,可能太緊張,加上參選時保姆曾教導影相要擺pose,所以有成50個記者出現時,慌亂間會有佳麗唔小心撞到其他人。

朱慧敏:「但係!但係!可能因為大家當時都好新呀!」佢指一話有記者,一眾佳麗就本能反應咁抬高手踭叉腰。Photo from ViuTV

朱慧敏稱有成50個記者出現時,慌亂間會有佳麗唔小心撞到其他人。Photo from ViuTV

其實朱慧敏係為「批踭」作解釋,指出有咁嘅情況出現只係因為佳麗都缺乏經驗,慌張之間先會唔小心批到人,完全無暗示港姐勾心鬥角嘅意思,反而為大家澄清了一番。而ViuTV喺節目播出幾日之後再喺YouTube上傳片段,未知係咪幫朱慧敏作澄清?!

朱慧敏係為「批踭」作解釋,指出有咁嘅情況出現只係因為佳麗都缺乏經驗Photo from 朱慧敏IG

反擊網民批評,朱慧敏呼籲睇咗節目先評論

不過有網民認為根本就係ViuTV想引人眼球先會諗啲咁嘅標題吸引人注意,令觀眾忽略咗朱慧敏講嘅內容,而朱慧敏本人就正面回應網友嘅批評,呼籲對方睇咗個節目先評論事件,指自己已解釋被人批踭根本係純屬意外。

朱慧敏本人就正面回應網友嘅批評,呼籲對方睇咗個節目先評論事件Photo from 朱慧敏IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

朱慧敏嫁醫生老公望出年生BB!求婚收半山豪宅、過百萬股票?經歷2段錯愛終迎來真命天子

18 Oct 2021

2004年香港小姐亞軍朱慧敏於年初與42歲養和心臟科專科名譽顧問醫生陳良貴(Jason)結婚,有指老公十分愛錫佢,更送贈半山豪宅、過百萬藍籌股,而朱慧敏亦公開表示想於下年生BB。佢雖然情路崎嶇,但幸運嘅係佢最終遇上真命天子。

2004年香港小姐亞軍朱慧敏於年初與42歲養和心臟科專科名譽顧問醫生陳良貴(Jason)結婚Photo from 朱慧敏 IG

朱慧敏港姐亞軍出身,《愛回家》首演女主角疑得失珍姐曾勵珍?

現年40歲嘅朱慧敏參選2004年香港小姐選舉,獲得亞軍及「旅遊大使獎」,之後簽約TVB,不過多年嚟佢主要都係飾演配角,無咩發揮。

現年40歲嘅朱慧敏參選2004年香港小姐選舉,獲得亞軍及「旅遊大使獎」Photo from TVB

喺2012年佢終於喺處景劇《愛·回家》擔正做女主角「尹德如」,但有傳朱慧敏得失咗高層曾勵珍(珍姐)而被「飛起」,未有再喺劇中出現,而佢亦喺2016年約滿離巢。

廣告
廣告

2012年終於喺處景劇《愛·回家》擔任女主角「尹德如」,但有傳朱慧敏得失咗高層曾勵珍(珍姐)而被「飛起」Photo from TVB

朱慧敏獲Bob林盛斌介紹與醫生老公結婚

事業失意嘅佢卻覓得真命天子!朱慧敏獲Bob林盛斌介紹結識現任老公陳良貴(Jason)。Bob 2018年做「通波仔」,Jason係佢嘅醫生,Bob當時更喺IG為佢徵女友:「40歲,養x心臟科主診醫生,事業有成、有上進心,絕冇不良嗜好,成熟、穩重、工餘時間熱心公益,我係女人會主動溝佢,而個重點係⋯⋯佢單身。」

朱慧敏獲Bob林盛斌介紹結識現任老公陳良貴(Jason)。

2018年9月Bob做「通波仔」,Jason係佢嘅醫生,Bob當時更喺IG為佢徵女友Photo from Bob IG

兩人相識後墜入愛河,最終朱慧敏同Jason修成正果。喺婚禮當日媒人Bob更身兼「外父」一職拖新娘朱慧敏入場,場面溫馨又感動!唔少網友都為一對新人送上祝福。

婚禮當日媒人Bob更身兼「外父」一職拖新娘朱慧敏入場,場面溫馨又感動!

朱慧敏老公送豪宅、股票,望來年生BB

有指朱慧敏老公十分愛錫佢,唔止送上半山豪宅,更以過百萬嘅藍籌股作聘禮,喺擬結婚通紙書上兩人填報嘅地址亦同樣位於半山司徒拔道。朱慧敏婚後與老公十分甜蜜,大讚老公口才了得嘅佢更以夫婦檔出席公開活動添!

有指朱慧敏老公十分愛錫佢,唔止送上半山豪宅,更以過百萬嘅藍籌股作聘禮Photo from 朱慧敏 IG

朱慧敏婚後與老公十分甜蜜,大讚老公口才了得嘅佢更以夫婦檔出席公開活動添!Photo from 朱慧敏 IG

朱慧敏婚後表示打算同老公過下二人世界先,但指受身邊朋友感染,同老公計劃提早生BB,又開始睇中醫調理身體,希望今年內成功懷孕,出年可以年迎接BB出世!

朱慧敏婚後表示打算同老公過下二人世界先,但指受身邊朋友感染,同老公計劃提早生BBPhoto from 朱慧敏 IG

朱慧敏、梁榮忠見面場景曝光,被指「第三者」形象大插水

朱慧敏結婚獲網友祝福,但入行17年嘅佢曾有兩段戀情令人印象深刻,喺2015年佢啱啱入行就被影到梁榮忠於車中親密互動,由於梁榮忠當時仲同緊女友鍾麗淇拍拖,朱慧敏隨即被貼上「第三者」標籤,令佢形象大受影響。

梁榮忠當時仲同緊女友鍾麗淇拍拖Photo from TVB

梁榮忠同樣因呢件事形象受到嚴重影響。Photo from 香港開電視

與梁榮忠嘅事件發生後佢就低調工作,期間有同一位台灣圈外男士拍拖,佢更自爆對方會寫情信畀自己,見晒家長,男友甚至更求過幾次婚,但最終未能修成正果。

朱慧敏曾同一位台灣圈外男士拍拖,但最終未能修成正果。Photo from 朱慧敏 IG

朱慧敏、EO2前成員彭懷安(Eddie)7年戀情無疾而終

之後最為人熟悉嘅係作同前組合EO2成員嘅彭懷安(Eddie)嘅一段戀情,兩人拍拖7年,一直愛得高調。男方更喺2015年成功求婚,Eddie於朱母墳前答應會好好照顧朱慧敏。

朱慧敏最為人熟悉嘅係作同前組合EO2成員嘅彭懷安(Eddie)嘅一段戀情,兩人拍拖7年,一直愛得高調。Photo from 彭懷安 微博

彭懷安喺2015年成功求婚Photo from 彭懷安 微博

但僅數月後Eddie就被傳媒影到疑似偷食,Eddie之後喺微博公開發文向未婚妻朱慧敏道歉。朱慧敏雖未有即時同Eddie分手,但仍決定押後婚期,又指呢類事件並唔係第一次發生。

Eddie之後喺微博公開發文向未婚妻朱慧敏道歉。Photo from 彭懷安 微博

不過兩人分分合合仍是分手,Eddie喺2019年表示7年情正式玩完,並於2020年3月與圈外女友Ivy註冊結婚。朱慧敏結束7年情後維持單身,但最後覓得真愛,正式步入人生另一階段,當時舊愛Eddie亦有送上祝福。

Eddie於2020年3月與圈外女友Ivy註冊結婚。Photo from 彭懷安 微博

朱慧敏結束7年情後維持單身,但最後覓得真愛,正式步入人生另一階段Photo from Bob IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel