鍾培生被爆即將結婚?疑現任女友身份曝光!前緋聞對象陳若思否認拍過拖

鍾培生被爆即將結婚?疑現任女友身份曝光!前緋聞對象陳若思否認拍過拖

娛樂新聞
By Jennifer on 17 Oct 2022
Digital Editor

「百億富三代」鍾培生有唔少緋聞女友,其中佢同TVB《港女野人》嘅女主持陳若思傳出緋聞,不過女方就否認兩人曾經拍拖,更大爆鍾培生現正籌備婚禮中!唔通鍾培生真係迎娶女朋友?!

「百億富三代」鍾培生有唔少緋聞女友Photo from 鍾培生IG

鍾培生同TVB女星陳若思傳緋聞

近日有報道指出鍾培生同TVB女星陳若思曾經有過一段情。陳若思曾任職模特兒,並參加2020年《香港小姐競選》,入選最後10強,雖然最終落選,但簽約TVB成旗下藝人,佢主要係做主持人,主持過兒童節目《Think Big 天地》、《Hands Up》等,現為《港女野人》嘅主持之一。

陳若思曾任職模特兒,並參加2020年《香港小姐競選》,入選最後10強Photo from 陳若思IG

陳若思主持過兒童節目《Think Big 天地》、《Hands Up》等,現為《港女野人》嘅主持之一。Photo from TVB

陳若思澄清兩人僅上司下屬關係

對於同鍾培生嘅緋聞,陳若思表示佢入行之前係電競公司工作,所以同鍾培生認識,而電競公司男生較多,佢又多次同鍾培生同場出現先會造成誤會。陳若思加入過鍾培生旗下嘅電競隊伍,但佢澄清兩人只係上司下屬嘅關係。

陳若思表示佢入行之前係電競公司工作,所以同鍾培生認識Photo from 陳若思IG

陳若思澄清同鍾培生只係上司下屬嘅關係。Photo from 鍾培生YouTube

不過陳若思坦言鍾培生經常口花花追女仔,佢指對方應該唔係認真追求。陳若思又稱佢同鍾培生私底下有一大班人去食飯咁,但從未試過去酒店等地方,佢指兩人已多年未見面。最後陳若思仲大爆鍾培生籌備緊婚禮!

陳若思指兩人已多年未見面,仲大爆鍾培生籌備緊婚禮!Photo from 陳若思IG

鍾培生分享擇偶條件

鍾培生雖然有過唔少緋聞,但佢嘅戀愛史一向係迷,佢就曾經喺個人YouTube Channel分享擇偶條件,坦言搵女朋友一定要有樣有身材,佢又指自己中意25歲至35歲嘅女士,仲表明想「2022年結婚」!唔通佢真係有望做新郎哥?!

鍾培生曾經喺個人YouTube Channel分享擇偶條件Photo from 鍾培生YouTube

鍾培生曾表明想「2022年結婚」Photo from 鍾培生YouTube

鍾培生疑與日本女生拍拖?!

鍾培生就大方承認佢中意日本女性,早喺2022年4月時佢就飛咗去日本,更於當地逗留足足4個月,佢除咗會拍攝多個vlog分享佢喺日本嘅奢華生活外,有指鍾培生喺日本仲有一位日本女生「Momona」陪伴,兩人疑似係戀人關係。

2022年4月時鍾培生就飛咗去日本,更於當地逗留足足4個Photo from 鍾培生IG

鍾培生拍攝多個vlog分享佢喺日本嘅奢華生活Photo from 鍾培生YouTube

有指鍾培生喺日本仲有一位日本女生「Momona」陪伴,兩人疑似係戀人關係。Photo from Momona IG

「Momona」曾於外國留學,IG亦有follow鍾培生,有指鍾培生喺東京期間出入銀座等地都有Momona陪伴,而Momona五官標緻,又十分有氣質,相信都相當符合鍾培生嘅擇偶條件!唔信鍾培生嘅結婚對象係咪就係佢呢?!

「Momona」曾於外國留學,IG亦有follow鍾培生Photo from Momona IG

有指鍾培生喺東京期間出入銀座等地都有Momona陪伴Photo from 鍾培生IG

Momona五官標緻,又十分有氣質,相信都相當符合鍾培生嘅擇偶條件Photo from Momona IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

鍾培生突宣佈聘請「書僮」!薪金、學歷無限制,身處國外都做得

23 Aug 2022

「百億富三代」鍾培生飛咗過日本4個月,最近終於回港!佢似乎有新搞作,喺Facebook發文聘請「書僮」,更列明3大條件,吸引唔少網民留言。而鍾培生亦有回覆網友,呼籲有意者盡快DM佢!

「百億富三代」鍾培生飛咗過日本4個月,最近終於回港Photo from 鍾培生IG

鍾培生飛日本4個月終回港

鍾培生於4月同公司同事一齊飛去東京,期間仲拍咗非常多YouTube影片,身為「百億富三代」,鍾培生遊東京住嘅係總統套房,又豪花20萬掃貨買衫、100萬買江戶時代文物送畀媽媽做生日禮物。

鍾培生遊東京住嘅係總統套房Photo from 鍾培生YouTube

鍾培生豪花20萬掃貨買衫Photo from 鍾培生YouTube

其實鍾培生此行除咗喺東京觀光,仲去咗一轉大阪,當然亦有到訪港人最愛嘅環球影城。鍾培生去日本拍咗成19個vlog,片量超高!喺日本逗留4個月,鍾培生最新vlog就透露佢終於返香港,喺最新嘅隔離vlog中佢更抱怨香港嘅檢疫程序好麻煩 。

其實鍾培生此行除咗喺東京觀光,仲去咗一轉大阪Photo from 鍾培生YouTube

鍾培生去日本拍咗成19個vlog,片量超高!Photo from 鍾培生YouTube

鍾培生最新vlog就透露佢終於返香港Photo from 鍾培生YouTube

最新嘅隔離vlog中鍾培生抱怨香港嘅檢疫程序好麻煩 。Photo from 鍾培生YouTube

招聘書僮,鍾培生列3大要求

雖然唔知佢有咩新搞作,不過近日佢就喺Facebook發文招聘人才「誠請一位書童(書僮)」,不過佢未有列明詳細嘅招聘細節,只簡單咁寫上3大要求:1.中英文睇嘢快;2.好肯接受新事物、新邏輯;3.對世界同歷史有興趣。

近日鍾培生喺Facebook發文招聘人才「誠請一位書童(書僮)」Photo from 鍾培生IG

鍾培生未有寫明學歷、年齡、薪金等,但都吸引咗唔少網民留言,有網友問佢面試會唔會問中意邊個迪士尼公主,鍾培生就回覆指唔係搵女朋友;有大學生留言鍾培生亦表示可以參加面試,有網友就稱唔喺香港,鍾培生回覆:「無所謂,講到電話就得。」睇嚟「遠距離伴讀」都無問題!

鍾培生未有寫明學歷、年齡、薪金等,但都吸引咗唔少網民留言Photo from 鍾培生IG

有網友問佢面試會唔會問中意邊個迪士尼公主,鍾培生就回覆指唔係搵女朋友Photo from 鍾培生Facebook

有網友就稱唔喺香港,鍾培生回覆:「無所謂,講到電話就得。」睇嚟「遠距離伴讀」都無問題!Photo from 鍾培生Facebook

「書僮」工作職責公開

雖然鍾培生只列出3大要求,但佢亦表示即使英文唔算好,識睇就ok,呼籲有意者聯絡佢。有網友更指可以唔收錢,鍾培生則稱:「唔關錢嘅問題」

雖然鍾培生只列出3大要求,但佢亦表示即使英文唔算好,識睇就okPhoto from 鍾培生IG

據悉鍾培生係想請一位對世界同歷史都有興趣嘅人士,盡快閱讀中文或英文嘅資料後,再轉述畀佢聽,所以工作地點同時間都不限,即使電話溝通都無問題,鍾培生比較著重能否順利同書僮溝通。睇返鍾培生YouTube片,佢同公司員工關係唔錯,相處都幾好,相信書僮都會吸引好多人應徵。

據悉鍾培生係想請一位對世界同歷史都有興趣嘅人士,盡快閱讀中英文嘅資料後,再轉述畀佢聽Photo from 鍾培生IG

睇返鍾培生YouTube片,佢同公司員工關係唔錯Photo from 鍾培生YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel