日本聖誕點燈2022|九州長崎3層旋轉木馬!聖誕村+雨傘大街+心型煙花匯演

日本聖誕點燈2022|九州長崎3層旋轉木馬!聖誕村+雨傘大街+心型煙花匯演

旅遊攻略 旅遊新聞 日韓旅遊
By Jennifer on 28 Oct 2022
Digital Editor

聖誕節日本唔少地方都有點燈嘅儀式,九州長崎縣豪斯登堡開業30週年,聖誕節會有一連串嘅慶祝活動,其中高15米嘅3層旋轉木馬更係今年嘅重頭戲!仲有聖誕村、聖誕樹、雨傘大街、噴泉表演、心型煙花匯演等,勁有聖誕氣氛!

聖誕節日本唔少地方都有點燈嘅儀式,九州長崎縣豪斯登堡開業30週年,聖誕節會有一連串嘅慶祝活動Photo from 豪斯登堡

九州豪斯登堡聖誕點燈點燈

位於九州長崎縣嘅豪斯登堡於1992年開園,園內到處都係仿荷蘭景觀、歐洲建築等,因此聖誕節經常都會佈置得超有過節氣氛,疫情緩和加上日本開關,豪斯登堡今年都為即將來臨嘅聖誕節安排咗唔少慶祝活動!

位於九州長崎縣嘅豪斯登堡於1992年開園,園內到處都係仿荷蘭景觀、歐洲建築等Photo from 豪斯登堡

首先園內嘅「聖誕村」將會有多棵12米高嘅聖誕樹,到處都會有聖誕裝飾,以及聖誕老人亦會出現,另外當然唔少得聖誕市集,到時會有好多不同攤檔出售各種聖誕飾物,其中包括正宗嘅歐洲木製飾品同埋聖誕特色小食,即使喺日本都感受到歐洲嗰種濃烈嘅聖誕氣氛。

園內嘅「聖誕村」將會有多棵12米高嘅聖誕樹Photo from 豪斯登堡

到處都會有聖誕裝飾,以及聖誕老人亦會出現Photo from 豪斯登堡

聖誕市集Photo from 豪斯登堡

聖誕特色小食Photo from 豪斯登堡

擁1300萬個燈泡嘅燈飾王國

入夜後園內就有點燈儀式,1300萬個燈泡都會亮起,場面極夢幻!包括85米高嘅噴泉表演、3D投影、燈光音樂show等,十分熱鬧。園內更有一條以紅色、綠色兩大聖誕主題色為主嘅雨傘大街,打卡一流~

入夜後園內就有點燈儀式,1300萬個燈泡都會亮起,場面極夢幻!Photo from 豪斯登堡

好浪漫~Photo from 豪斯登堡

85米高嘅噴泉表演Photo from 豪斯登堡

3D投影Photo from 豪斯登堡

燈光音樂showPhoto from 豪斯登堡

園內更有一條以紅色、綠色兩大聖誕主題色為主嘅雨傘大街Photo from 豪斯登堡

三層旋轉木馬、聖誕心形煙花匯演

今年重頭戲就係有成15米高嘅三層旋轉木馬,亦係日本第一座3層旋轉木馬,喺最高嗰層可以睇到園內風景以及欣賞華麗嘅聖誕燈飾!

15米高嘅三層旋轉木馬Photo from 豪斯登堡

另外喺特定日子(​​12月17日、​​12月23日、​​12月24日、​​12月25日)園內仲會有聖誕煙花匯演,最特別嘅係煙花係心形,場面浪漫,好適合同戀人一齊去~

聖誕煙花匯演,最特別嘅係煙花係心形Photo from 豪斯登堡

豪斯登堡
地址:〒859-3292 長崎県佐世保市ハウステンボス町1-1
日期:2022年11月5日~12月25日
詳情:官網
門票:按此購買

豪斯登堡Photo from 豪斯登堡

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東京旅遊2022|坐貞子的士遊市區!AR技術親身體驗貞子爬出螢幕

19 Oct 2022

就到萬聖節,各地都有唔少節目慶祝。日本東京即將會有限定50架「貞子的士」出現,乘客可以體驗到貞子爬出螢幕嘅恐懼感!中意睇恐怖片,或者係貞子fans就一定唔可以錯過!

日本東京即將會有限定50架「貞子的士」出現Photo from 《貞子DX》

貞子系列新電影《貞子DX》

「貞子」係日本經典恐怖片《午夜凶鈴》中登場嘅角色,之後更衍生各種作品,到今時今日,貞子已經成為恐怖界嘅代表人物。繼1998年上映嘅首部作品《午夜凶鈴》後,貞子嘅相關電影更陸續推出。

繼1998年上映嘅首部作品《午夜凶鈴》後,貞子嘅相關電影更陸續推出。Photo from 《貞子DX》

近日貞子系列新電影《貞子DX》將於10月28日於日本上映,為配合宣傳,電影方同的士平台S.RIDE合作,喺東京推出50架限定「貞子的士」。

為配合宣傳,電影方同的士平台S.RIDE合作,喺東京推出50架限定「貞子的士」。Photo from 《貞子DX》

東京推出50架限定「貞子的士」

「貞子的士」外型同普通的士差唔多,但車窗貼上貞子貼紙,夜晚見到可能會嚇一跳!「貞子的士」更會播放電影特別片段,最「得人驚」嘅係乘客可以透過的士平台S.RIDE嘅手機App嘅AR技術,親身體驗貞子從螢幕中爬出嚟嘅感覺!

「貞子的士」外型同普通的士差唔多,但車窗貼上貞子貼紙Photo from 《貞子DX》

「貞子的士」更會播放電影特別片段Photo from 《貞子DX》

乘客可以透過的士平台S.RIDE嘅手機App嘅AR技術,親身體驗貞子從螢幕中爬出嚟嘅感覺!Photo from 《貞子DX》

乘客可以喺手機App指定乘搭「貞子的士」,「貞子的士」會喺東京都內23區、武蔵野、三鷹地區範圍內行駛,大家如果喺呢段時間去日本東京嘅話,可以call返架貞子的士坐,適逢萬聖節,坐貞子的士應該會更加有feel~

乘客可以喺手機App指定乘搭「貞子的士」Photo from 《貞子DX》

適逢萬聖節,坐貞子的士應該會更加有feel~Photo from 《貞子DX》

「貞子的士」
地點:東京都內23區、武蔵野、三鷹地區
時間:10月24日~11月6日

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel