CP訓練營｜3人行上演兩女爭一男！Gillian著比堅尼表現進取嚇走Kyle

娛樂新聞

By Jennifer on 10 Nov 2022

Digital Editor

TVB節目《CP訓練營》因為雲集一班俊男美女而掀起熱議，最近李爾晨（Kyle）、伍倩彤（Gillian）、葉靖儀（Michelle）嘅「三角關係」係一大看點。佢哋3人更一齊浸浴，期間Gillian表現進取，更嚇走咗Kyle，場面尷尬！

Photo from 《CP訓練營》

《CP訓練營》Kyle、Gillian、Michelle三角關係

J2台嘅綜藝節目《CP訓練營》有8位參加者，其中Kyle、Gillian、Michelle更十分有火花！3人都係靚仔靚女，即使係三角關係都賞心悅目，日前導師賴慰玲更因為3人演技出色，安排佢哋一齊「鴛鴦戲水」。

Photo from 《CP訓練營》

Kyle身高達185cm，加上6舊腹肌，喺浸浴前佢不忘落力操肌，務求大晒fit爆身材，曾兩度參選港姐嘅Michelle則以黑色泳衣現身，而Gillian就相當「進取」，著上湖水綠比堅尼，大晒事業線。

Photo from 《CP訓練營》

Gillian表現進取嚇走Kyle

3人都拎住香檳，喺按摩浴缸內傾偈，期間Gillian一入水即開口問：「你哋對我有咩感覺？」Kyle表現卻十分害羞，「紅都面晒」不特止，更被Gillian問到口啞啞，狀甚無措，似乎唔知點回應好。

Photo from 《CP訓練營》

呢個時候Gillian問題更加進擊，佢直接問Kyle：「我會好奇你對Michelle嘅感覺。」Kyle已忍唔住表示：「呢個場面真係非常尷尬！」佢最後竟然自行離開，留低兩個女生喺浴池，情況相當尷尬！

Photo from 《CP訓練營》

Gillian鍾情大叔，曾自爆情史

其實Gillian一向言行大膽，作為「第四代邦民女」嘅Gillian曾經上過ViuTV節目《戀講嘢》，佢仲分享同年長佢好多叔叔男友談戀愛嘅經歷，Gillian自認偏愛大叔，以往男友更有老花。Gillian更大爆佢同叔叔男友初初交往時要「一日三次」！十分誇張。

Photo from ViuTV

《CP訓練營》中Kyle明顯唔係Gillian以往鍾愛嘅男生類型，不過喺節目中佢卻對Kyle表現感興趣，而Kyle亦坦承會在意Gillian同其他男生嘅互動，唔知Kyle、Gillian、Michelle之間嘅發展會係點呢？！

Photo from 《CP訓練營》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

戀愛Staycation｜女嘉賓被指「溝仔」技巧高超！雀仔食兩家茶禮

28 Jul 2022

ViuTV戀愛真人騷《戀愛Staycation》第一次約會，Kylie同嘉宏、雀仔同Henry傑仔都分別開始dating，不過有睇咗約會過程嘅觀眾就直言兩位女嘉賓都「手段高超」，好識得點樣令男生對佢哋有好感。

Photo from 戀愛Staycation

雀仔同約會傑仔半日轉場見Henry

雀仔同時獲傑仔同Henry選擇，而佢就決定同傑仔約會，傑仔首先帶佢去整陶瓷，傑仔更表示自己之所以會揀一齊做陶瓷手工藝，正正係因為整陶瓷唔係一次就能完成，咁佢哋就可以再約會多幾次。

Photo from 戀愛Staycation

整陶瓷期間，傑仔同雀仔都有唔少肢體接觸，整完陶瓷之後傑仔再帶雀仔去拳館，因為傑仔本身係一名拳擊教練，去到拳擊場後佢都表示好似返咗去自己屋企咁！之後兩人又一齊煮咖啡，不過飲完咖啡後雀仔就離開去見Henry，雀仔坦言自己本身係想5點走，結果都係遲咗啲。

Photo from 戀愛Staycation

雀仔早有準備，即時換鞋換耳環

雀仔赴第二次約會時更特登換咗對耳環，同波鞋。當節目組問佢有無同傑仔有「來電」嘅感覺，雀仔好婉轉咁表示：「都開心嘅，我都鍾意整啲手工藝。」3位主持都指感覺到雀仔對傑仔唔係好有feel。之後雀仔同Henry一齊煮飯、行海傍，另一邊傑仔本來book好嘅晚餐就只能自己一個食飯。

Photo from 戀愛Staycation

唔少網友都指「雀仔明顯好識玩」：「食哂兩家茶禮，又識中途換耳環，好有經驗」，不過亦有人認為雀仔同Henry約會期間，Henry就係咁提傑仔，雀仔就一直整頭髮話「好緊張」、「好尷尬」。

Photo from ViuTV

Photo from LIHKG

Kylie爆喊被指太綠茶

另一方面獲封「翻版袁嘉敏」嘅鄭杞瑤（Kylie）因為豐滿身材而成為焦點，佢於節目中亦不吝嗇大騷身材，不過參加者一齊唱歌，Henry以結他伴奏時，Kylie曾插嘴要求轉歌，事後Henry突然怒氣沖沖咁離開，場面尷尬。Kylie見狀忍唔住喺眾人面前爆喊，自責都係自己講錯嘢，令唔少網友指佢「太綠茶」！

Photo from 戀愛Staycation

網民指扮驚貓，Kylie愛與男生接觸？

嘉宏安排去貓cafe與Kylie約會，點知Kylie係怕貓嘅，所以一上到貓cafe Kylie就顯得十分緊張，仲要捉住嘉宏大嗌「好驚」，有網民直言Kylie怕貓嘅表現好唔自然：「真係驚貓唔係咁嘅」，又有網友指Kylie前一晚著到好「清涼」咁挨住傑仔，但第二日就話怕貓係咁捉住另一個男仔：「呢啲女仔應該就係女仔會好唔鍾意，但男人會好受嗰啲」