
麥明詩轉行後被指fit爆身型不再,晒舊照大方回應獲網友力撐
「十優港姐」麥明詩轉行後發展個人事業,仍不時更新IG,有時仲會大派福利。近日佢公開一張舊照,以及IG留言截圖,有網民直言佢身型「豐滿」咗好多,麥明詩亦喺新post對留言作出回應,獲眾多網友力撐!
Photo from 麥明詩IG
麥明詩轉行後愛情、事業兩得意
麥明詩約滿後離巢,雖然已甚少喺幕前出現,但麥明詩曝光率一啲都唔低,更接到唔少廣告。近日麥明詩更聯同幾位合伙人一同創立「Project Melo」,為年輕人提供平台同唔同企業嘅CEO互動、合作。
Photo from 麥明詩IG
踏入30歲嘅麥明詩轉行後發展個人事業,又成為創辦人之一,佢又自爆已有男朋友,愛情、事業同樣得意。
Photo from 麥明詩IG
麥明詩近照被網友指身型走樣
不過麥明詩都無忘記網友對佢嘅支持,平時都經常喺社交網站分享佢嘅日常生活,有時仲會post下泳衣照「派福利」,最近麥明詩又喺IG公開著上運動裝嘅相片,大晒纖腰,pose亦十分自信。
Photo from 麥明詩IG
Photo from 麥明詩IG
同fit爆照片一同公開嘅仲有網民留言嘅截圖,圖中唔少人指麥明詩身型比以前「豐滿」,直言佢有「拜拜肉」,更建議佢要減肥。翻睇麥明詩IG,相信留言係嚟自10月底佢以創辦人身份亮相嘅一個post。
Photo from 麥明詩IG
Photo from 麥明詩IG
Photo from 麥明詩IG
晒舊照大方回應,網民力撐麥明詩
對於網民指佢身型走樣嘅言論,麥明詩表示:「一年前嘅我,的確好瘦。係,今日嘅我,多咗肥肉,有肚腩」,睇嚟佢公開嘅應該係一年前嘅舊照,麥明詩大方承認自己依家身型無以前咁fit,但佢坦言:「依家唔使上電視,咪降低咗身型目標囉!」但佢笑言如果有廣告需要,自己同樣都可以好快達到目標。
Photo from 麥明詩IG
Photo from 麥明詩IG
ViuTV藝人Shirley(沈殷怡)就力撐:「我覺得點都好睇!」唔少網友都表示麥明詩依家嘅身型好健康,有人更認為依家有啲肉更好睇,亦唔認同咁嘅身型就係「脹」。
Photo from 麥明詩IG
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
麥明詩晒港姐舊照被指「現在滿身銅臭味」!大方回應獲力撐夠真誠
7 Oct 2022
Photo from 麥明詩Facebook
麥明詩不再續約,參選港姐唔後悔
港姐冠軍麥明詩轉行做商業顧問後已甚少再喺幕前出現,2022年佢同TVB嘅合約完結後正約宣佈不再續約,雖然唔再喺電視圈工作,但麥明詩獲大讚越嚟越靚,甚至比喺TVB嗰陣仲正。
Photo from 麥明詩Facebook
麥明詩唔再續約,但身為港姐冠軍嘅佢仍然好留意每一屆嘅香港小姐,之前就曾經重返TVB擔任嘉賓,今屆港姐佢亦有收睇直播,更影底電視畫面,表示:「No regrets」,佢之前講過參選港姐改變咗佢人生,到依家佢都唔後悔!
Photo from 麥明詩Facebook
Photo from 麥明詩IG
晒7年前選香港小姐清純舊照,麥明詩大方回應mean爆留言
當年選港姐麥明詩係大熱「10優狀元」更係令人印象深刻,選港姐到依家已過去7年,近日麥明詩喺社交網站公開佢喺2015年參選港姐時嘅舊照,麥明詩表示是時候開展人生新一章,迎接新挑戰。
Photo from 麥明詩Facebook
當年23歲嘅麥明詩同依家形象有唔少嘅分別,十分清純,好多網友都讚佢有內涵又靚:「美貌與智慧並重」,不過亦有網友指佢攞到冠軍只係因為當年對手太弱,麥明詩回覆指:「哈哈我好彩」,另一位網友就直言:「以前顛倒眾生,現在滿身銅臭味」,麥明詩就大方承認:「無辦法,人越大,越多責任要負,不工作何來有錢?」
Photo from 麥明詩Facebook
Photo from 麥明詩Facebook
Photo from 麥明詩Facebook
麥明詩力撐港姐冠軍林鈺洧,自爆有男朋友
麥明詩嘅回應獲網友力撐夠真,嗰位網友之後仲以「人生導師」口吻教育麥明詩,唔少網友都話睇到搲晒頭!即使已淡出娛樂圈,麥明詩仍然備受網友關注,今屆港姐冠軍林鈺洧因為過往曾公開自己嘅私人事而掀熱議,作為師姐,麥明詩大讚佢誠實,更表示女性要勇敢做自己,港姐要有所轉變。
Photo from 麥明詩Facebook
Photo from 麥明詩Facebook
自從同林作於2016年分手後麥明詩就一直單身,近日佢自爆有男友,又直言離開娛樂圈之後輕鬆好多,同男朋友一齊都唔驚會被人影到。
Photo from 麥明詩Facebook
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)