Tyson Yoshi無份去叱咤記招！投票無頭像疑被冷待，只因無出廣東歌？！
日前《叱咤樂壇流行榜頒獎典禮》記者會上MIRROR成員成為全場焦點，有人發現近年人氣強勁嘅Tyson Yoshi（程浚彥）竟然缺席，原來佢根本唔知有記者會，仲表示無人通知佢，令fans大為不滿！
Photo from Tyson Yoshi IG
Tyson Yoshi近年人氣急升
本地獨立音樂人Tyson Yoshi於2021年《拉闊音樂會風火雷電》上表演引起關注，知名度持續上升，已成為近年香港炙手可熱嘅男歌手。佢亦有同唔少歌手如Serrini、林家謙等人合作。
Photo from Tyson Yoshi IG
Tyson Yoshi無份出席叱咤記招，投票網站無頭像
臨近年尾，近日《叱咤樂壇流行榜頒獎典禮》舉辦記者會，男團MIRROR大部分成員都有出席，另外方皓玟、陳蕾、Serrini、陳柏宇、衛蘭、林家謙、MC張天賦、許廷鏗、欣宜等都有出席。
Photo from 商台
Photo from 商台
而環球同TVB都無咩旗下歌手出席記者會，不過有網民發現作為香港歌手嘅Tyson Yoshi亦都無出席有關記者會。有fans喺Telegram Group中討論叱咤樂壇頒獎禮投票網站「我最喜愛的男歌手」中Tyson Yoshi雖然有份角逐呢個獎項，卻未有顯示其本人頭像，但以叱咤樂壇頒獎禮嘅預設頭像代替。不過現時網站已加返TY嘅頭像
Photo from Tyson Yoshi IG
因為今年無廣東歌，Tyson Yoshi不獲邀請？
唔少fans都戥偶像唔抵，而Tyson Yoshi亦現身Telegram Group回應，佢直指唔覺得叱咤方面有幾中意佢，有fans問佢係咪無畀相商台，Tyson Yoshi就指：「完全冇人搵我！」仲話連叱咤頒獎禮喺昂坪開記招都唔知。
Photo from Tyson Yoshi IG
Tyson Yoshi爆料稱無份出席叱咤記者會佢都有問過主辦方原因，對方表示因為佢無廣東歌。翻睇Tyson Yoshi今年推出咗3首歌曲，其中《If I Die Tonight》、《Self-Made (Something Pt.2)》都係英文歌，但《i don't smoke & i don't drink》有廣東話歌詞，未知係咪因為全曲歌詞都以英文為主而未被叱咤列入「廣東歌」之列。
Photo from KKbox
Photo from KKbox
Tyson Yoshi向來敢言
Tyson Yoshi表示上年推出《That Guy》，派歌時計埋入2022年，所以佢今年亦有入競逐「我最喜愛的男歌手」。Tyson Yoshi坦言唔係好get到頒獎禮歌曲啲計法但佢稱：「Move onnnn」，睇嚟佢都視獎項如浮雲！
Photo from Tyson Yoshi YouTube
Tyson Yoshi向來敢言，曾力斥設計師喺電視節目《家居‧築則》公開佢屋企，日前出席活動時亦不忿被冤狂「耍大牌」唔做訪問而鬧爆活動方。
Photo from Tyson Yoshi IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Tyson Yoshi不滿女友外貌被批 Man爆開直播護愛人：我鍾意就得！
28 Mar 2022
歌手Tyson Yoshi（程浚彥）和女友Christy交往4年恩愛非常，女方最近被網民指外貌一般，更形容佢係「靚版馬蹄露」，Christy都在社交網大方答謝，被外界大讚EQ高，而Tyson日前就在IG開直播發言護愛人，直言：「佢外表如何，我鍾意就得！」
Photo from IG@c.705
Tyson Yoshi女友外貌被網民評論
現年27歲Tyson Yoshi在3年前為女友寫出《Christy》一曲大受歡迎，雖然Tyson外表走壞男孩風格，但其實佢非常專一，兩人拍拖4年至今非常甜蜜，而女方都受到品牌青睞，不時有廣告邀約。但近日有網民在討論區發文，直言Christy顏值低，更上載其他網民話佢似「靚版馬蹄露」嘅留言截圖，圖中可見，Christy都親自大方回應「多謝」，帖文引來熱議。
Photo from 《Christy》歌曲封面
Photo from IG@c.705
對此，有網民同意樓主睇法，但亦有唔少網民不解為何要刻意討論Christy嘅外貌，亦稱讚Christy嘅回應EQ高，而帖文樓主則解釋，對方「出得嚟接job接廣告做KOL，就預左有機會被人批評。」
Photo from IG@c.705
Tyson Yoshi開直播護女友
至於Tyson Yoshi，當佢獲悉女友被公開批評後相當生氣，更在IG開直播評論事件，當中佢連環爆粗，仲要不斷飲水降火，對於女友外貌被批，佢直言：「咁點呀，我鍾意呀！出名就要被人『鬧』？」佢又指自己能夠理解「人紅是非多」道理，但作為一個男朋友就要發聲，「你試吓行行吓街、拖拖吓手，突然有個幪面人話你外表差、之後有一大班唔知喺邊條巷走出來嘅人，叫你企喺度，辯論你個樣好唔好睇... 睬你都傻啦，現實生活可以直接走！」
Photo from IG@tysonyoshi
Tyson續指，網民在討論區可以討論好多嘢，但如果被評頭品足嘅人心態唔夠強、企得唔夠硬，做傻事「走咗」點算，佢認為網民匿名並非代表唔使負責任，又言韓國已發生過許多網絡欺凌嘅不幸事件。Tyson更Man爆坦言：「佢外表如何，我鍾意就得！我當然要企出來，保護身邊人都做唔到，點做男人！」
Photo from IG@tysonyoshi
希望網民可以設身處地考慮別人感受
Tyson認為音樂和外貌不是一門競技運動，質疑網民為何要強烈批判，亦希望大家可以轉為討論真正有用嘅事，並將負能量變為正能量。佢亦表示，好彩女友夠堅強，「若果佢唔開心，走咗去，咁點呀？」、「呢個已經唔係我女朋友一個人嘅事，大家設身處地諗吓！」
Photo from IG@tysonyoshi
網民大讚：真男人！
Tyson開直播後，再po出一首歌曲作品，歌詞包括：「有禍等我背」、「在你的世界下了一場大雨，在模糊的視線，也必須撐下去。」真係非常支持和保護女友，所以粉絲都留言支持Tyson護花，同時大讚佢係「真男人」。
Photo from IG@tysonyoshi
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
