再見愛人2|艾威從不做家務,反斥前妻執屋破壞設計!被嘉賓指:找籍口

再見愛人2|艾威從不做家務,反斥前妻執屋破壞設計!被嘉賓指:找籍口

娛樂新聞
By Jennifer on 17 Nov 2022
Digital Editor

內地真人騷《再見愛人2》播出第三集,艾威與佢前妻陳美玲(Lisa)再次公開佢哋夫妻相處嘅矛盾,艾威唔做家務,Lisa一個人做嘢反而被佢話「破壞晒心血」,艾威一番言論遭節目嘉賓斥佢搵籍口。

內地真人騷《再見愛人2》播出第三集,艾威與佢前妻陳美玲(Lisa)再次公開佢哋夫妻相處嘅矛盾Photo from 《再見愛人2》

艾威不滿前妻Lisa打通宵麻將,決意離婚

艾威同Lisa於2020年宣佈結束18年婚姻,雖然未有辦理離婚,但兩人已分居兩年。喺節目中艾威公開佢哋離婚係因為身體唔好嘅Lisa經常不顧健康通宵打麻將,艾威勸說多次不果,18年婚姻終走到盡頭。

艾威同Lisa於2020年宣佈結束18年婚姻,雖然未有辦理離婚,但兩人已分居兩年。Photo from 《再見愛人2》

當時唔少網民同情艾威,認為佢係為妻子身體著想,又指無老公會忍受到老婆日日打通宵麻將。不過新一集播出後有網民就發現艾威夫妻嘅問題並唔係淨係打麻將咁簡單。

當時唔少網民同情艾威,認為佢係為妻子身體著想Photo from 《再見愛人2》

艾威從來唔做家務,理由係屋企由佢設計

3對夫妻一齊傾偈時Lisa透露艾威從來都唔做家務,而艾威就表示都係有原因,Lisa叫佢同大家講佢嘅理由,艾威稱佢哋屋企裝修擺設都係由佢親自設計,全部都係佢嘅心血,直斥屋企「給她(Lisa)破壞了」。

艾威稱佢哋屋企裝修擺設都係由佢親自設計,全部都係佢嘅心血Photo from 《再見愛人2》

艾威直斥屋企「給她(Lisa)破壞了」。Photo from 《再見愛人2》

艾威指Lisa執屋搞到屋企有唔少雜物,令佢唔知點清理,又強調家中一切都係佢所設計,因此亦好重視每個地方點擺設。當節目公開艾威Lisa屋企時錄影室有嘉賓忍唔住話:「這不就是掛飾?這設計了啥呀?」

艾威指Lisa執屋搞到屋企有唔少雜物,令佢唔知點清理Photo from 《再見愛人2》

艾威強調家中一切都係佢所設計Photo from 《再見愛人2》

節目公開艾威Lisa屋企Photo from 《再見愛人2》

錄影室有嘉賓忍唔住話:「這不就是掛飾?這設計了啥呀?」Photo from 《再見愛人2》

艾威續指佢同Lisa曾經為呢件事嗌交Photo from 《再見愛人2》

艾威斥Lisa執屋浪費佢嘅心血

艾威續指佢同Lisa曾經為呢件事嗌交,佢指Lisa好亂,艾威更同Lisa講:「你浪費了我的設計」佢指:「這個家不是這樣清理,你要整理」艾威稱屋企咁多衫同雜物,佢唔知可以點處理,於是放棄咗,決定將家務交由Lisa負責。

艾威指Lisa好亂,更同Lisa講:「你浪費了我的設計」Photo from 《再見愛人2》

但之後艾威又買咗本書畀Lisa,叫佢睇下人哋咩叫整齊、咩叫簡潔,然後話Lisa整理嘅屋企唔係佢想要嘅簡潔。艾威更表示自己試過發脾氣將家中佢唔知係咩嘅嘢拎落地。佢講完之後,另一對夫婦嘅女方聽完艾威嘅理論後直言:「你還有理?!」

艾威又買咗本書畀Lisa,叫佢睇下人哋咩叫整齊、咩叫簡潔,然後話Lisa整理嘅屋企唔係佢想要嘅簡潔。Photo from 《再見愛人2》

艾威更表示自己試過發脾氣Photo from 《再見愛人2》

艾威曾將家中佢唔知係咩嘅嘢拎落地Photo from 《再見愛人2》

另一對夫婦嘅女方聽完艾威嘅理論後直言:「你還有理?!」Photo from 《再見愛人2》

Lisa就表示都有埋怨過丈夫,一啲都幫手處理家務,仲要投訴佢做得唔好,但試過交返畀艾威處理,佢聲稱會慢慢搞,卻擺咗喺度勁耐,最後都係Lisa自己處理返。

Lisa就表示都有埋怨過丈夫,一啲都幫手處理家務,仲要投訴佢做得唔好Photo from 《再見愛人2》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

再見愛人2|艾威不滿老婆通宵打麻將!結束18年婚姻,分居不離婚

2 Nov 2022

內地真人騷《再見愛人2》搵咗幾對已離婚嘅夫妻一齊去旅行,其中香港藝人艾威與佢前妻陳美玲(Lisa)亦有出演節目,艾威表示佢哋離婚嘅原因係因為佢難以接受老婆打通宵麻將,終於結束18年婚姻!

內地真人騷《再見愛人2》搵咗幾對已離婚嘅夫妻一齊去旅行,其中香港藝人艾威與佢前妻陳美玲(Lisa)亦有出演節目Photo from 《再見愛人2》

廣告
廣告

艾威2020年與Lisa結束18年婚姻

現年63歲嘅艾威喺TVB出演過多套劇集,有「綠葉王」之稱。佢同圈外人太太陳美玲(Lisa)喺2002年結婚,兩人婚後並未生育子女,但就養咗愛犬,一家三口樂也融融。

現年63歲嘅艾威喺TVB出演過多套劇集,有「綠葉王」之稱Photo from TVB

不過2020年兩人卻傳出離婚消息,當時曾令網民感震驚。近日艾威就聯同前妻Lisa上內地綜藝節目《再見愛人2》擔任嘉賓。

近日艾威就聯同前妻Lisa上內地綜藝節目《再見愛人2》擔任嘉賓Photo from 《再見愛人2》

艾威上內地綜藝《再見愛人2》談離婚原因

《再見愛人2》搵咗3對已離婚或正面臨情感危機嘅夫妻,一齊坐房車去旅行,節目一共有13集。而艾威夫妻一登場即成為話題,離婚兩年嘅佢首次喺節目公開佢哋離婚嘅真正原因。

艾威夫妻一登場即成為話題,離婚兩年嘅佢首次喺節目公開佢哋離婚嘅真正原因。Photo from 《再見愛人2》

當初艾威曾表示與妻子睇法有唔同,做法都唔一樣,曾想辦法維繫,但無奈事與願違,又指自已花1年時間先走出離婚陰霾。節目中第一集佢就表示佢哋夫妻之間一直解決唔到「打麻將的問題」。

節目中第一集艾威就表示佢哋夫妻之間一直解決唔到「打麻將的問題」。Photo from 《再見愛人2》

艾威前妻Lisa常打通宵麻將

艾威表示佢唔係唔畀Lisa打麻將,而係對方嘅身體狀況唔容許佢捱夜打麻將。艾威指5年前Lisa有應承過打牌打到夜晚11點鐘:「只是她控制不了自己。她一打麻將,電話都不會回的。」

艾威表示佢唔係唔畀Lisa打麻將,而係對方嘅身體狀況唔容許佢捱夜打麻將Photo from 《再見愛人2》

艾威指5年前Lisa有應承過打牌打到夜晚11點鐘:「只是她控制不了自己。」Photo from 《再見愛人2》

艾威直言前妻一坐底打牌就連阿爸姓乜都唔知,經常打到三更半夜、甚至第二朝先返屋企。Lisa每次出門打牌,其實艾威都瞓唔著。於是艾威同老婆商量既然你控制不到打牌時間,咁就唔好再打。艾威表示佢同Lisa討論打麻將嘅情況討論咗幾十次,更直言為此感到絕望:「為甚麼她選擇麻將不選我。」

Lisa每次出門打牌,其實艾威都瞓唔著。Photo from 《再見愛人2》

艾威表示佢同Lisa討論打麻將嘅情況討論咗幾十次,更直言為此感到絕望:「為甚麼她選擇麻將不選我。」Photo from 《再見愛人2》

艾威曾花光積蓄為太太做手術醫病

艾威表示佢「最後通碟」同Lisa講佢再去打麻將就代表佢哋兩個人離婚,但3個月後Lisa若無其事同佢講去打麻將,終成離婚導火線。期間Lisa曾想出言解釋,但就被艾威打斷。Lisa喺訪問時表示佢有向過艾威解釋,但對方根本唔聽。

艾威表示佢「最後通碟」同Lisa講佢再去打麻將就代表佢哋兩個人離婚Photo from 《再見愛人2》

但3個月後Lisa若無其事同佢講去打麻將,終成離婚導火線。Photo from 《再見愛人2》

期間Lisa曾想出言解釋,但被艾威打斷。Photo from 《再見愛人2》

Lisa喺訪問時表示佢有向過艾威解釋,但對方根本唔聽。Photo from 《再見愛人2》

事實上艾威同Lisa嘅愛情故事曾為一段佳話,幾年前Lisa患病,需切除子宮瘤,當時艾威已離巢,佢不惜花光積蓄,為太太先後做3次大手術支付費用,更一度考慮轉投補鞋行業。因此佢擔心老婆身體,唔畀佢打牌都情有可原。

幾年前Lisa患病,艾威不惜花光積蓄,為太太先後做3次大手術支付費用。Photo from 艾威Facebook

網民指出艾威婚姻問題,艾威指分居不離婚有原因

之後Lisa亦忍唔住落淚,佢表示自己都好後悔。第一集播出後,唔少觀眾指好理解艾威嘅決定,但亦有人認為兩人相處都睇到佢哋之間嘅問題,艾威經常打斷Lisa講嘢,根本唔畀空間對方表達意見,所以無法進行有效嘅溝通,亦係令呢段婚姻走到盡頭嘅原因之一。

之後Lisa亦忍唔住落淚,佢表示自己都好後悔。Photo from 《再見愛人2》

雖然兩人因為打麻將有分歧,但Lisa亦坦承仍愛對方。艾威同Lisa分居兩年,但未有辦理離婚,佢坦言係為咗幫對方辦身後事。艾威最後用4個字—「非常失敗」形容自己嘅婚姻。

艾威同Lisa分居兩年,但未有辦理離婚,佢坦言係為咗幫對方辦身後事。Photo from 《再見愛人2》

雖然兩人因為打麻將有分歧,但Lisa亦坦承仍愛對方。Photo from 《再見愛人2》

艾威最後用4個字—「非常失敗」形容自己嘅婚姻。Photo from 《再見愛人2》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel