超能使者|劉穎鏇泳衣look掀熱議!19歲入行,網民:選港姐嗰時仲正!

超能使者|劉穎鏇泳衣look掀熱議!19歲入行,網民:選港姐嗰時仲正!

電視電影 娛樂新聞
By Jennifer on 22 Nov 2022
Digital Editor

TVB劇集《超能使者》有視帝陳展鵬同視后唐詩詠主演,不過飾演「Open姐」嘅劉穎鏇卻搶晒fo!全因佢以泳衣look上陣,大晒fit爆身材!因為唔識擺pose,更要參考深田恭子本寫真惡補!

TVB劇集《超能使者》有視帝陳展鵬同視后唐詩詠主演,不過飾演「Open姐」嘅劉穎鏇卻搶晒foPhoto from TVB

《超能使者》於2020年開拍,不過近日先播出,兩位女主演王君馨同唐詩詠都前後離巢,呢套劇或成佢哋喺TVB最後之作。

兩位女主演王君馨同唐詩詠都前後離巢Photo from TVB

《超能使者》以異能英雄為主題,幾位主角喺一次意外後獲得超能力,其中男主角陳展鵬飾演嘅「鍾孝年(骨精年)」可以控制時間(停頓或倒流);女主角唐詩詠飾演嘅「Q姨」則係治療;陳山聰飾演嘅「高勇」可以刀槍不入。

男主角陳展鵬飾演嘅「鍾孝年(骨精年)」可以控制時間(停頓或倒流)Photo from TVB

女主角唐詩詠飾演嘅「Q姨」則係治療Photo from TVB

主角們擁有超能力,劇集亦加入唔少CG場面,不過都唔及劉穎鏇搶鏡,新播出一集中劉穎鏇飾演嘅「Open姐」以代言人身份拍攝廣告,佢更著上泳衣,盡顯健康性感一面。

新播出一集中劉穎鏇飾演嘅「Open姐」以代言人身份拍攝廣告Photo from TVB

劉穎鏇更著上泳衣,盡顯健康性感一面。Photo from TVB

唔少網友大讚劉穎鏇身材好,現年25歲嘅劉穎鏇身高有176cm,高中時期劉穎鏇參過好多女子籃球賽,仲曾經代表球隊出戰加州比賽。佢19歲時參選香港小姐並奪得亞軍及「最上鏡小姐」,同屆冠軍係馮盈盈。

現年25歲嘅劉穎鏇身高有176cmPhoto from TVB

劉穎鏇19歲時參選香港小姐奪得亞軍Photo from TVB

仲攞埋「最上鏡小姐」Photo from TVB

劉穎鏇喺拍攝時被《超能使者》監製指完全無擺pose天份,要參考深田恭子嘅寫真!有網友稱劉穎鏇選港姐時身型已好fit,依家無咗baby fat更有女人味。

劉穎鏇喺拍攝時被《超能使者》監製指完全無擺pose天份Photo from TVB

有網友稱劉穎鏇選港姐時身型已好fitPhoto from TVB

問答環節同C君對話考急才!Photo from TVB

《超能使者》作為台慶劇雖然係2020年拍攝,但Final Boss嘅真身掀起網民熱議,有人認為可能係女主角唐詩詠黑化咗,亦有人指係劉佩玥!

有人認為Final Boss可能係女主角唐詩詠黑化Photo from TVB

定係劉佩玥?Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

超能使者|陳展鵬服裝打扮被指「亞視味濃」?!角色們擁有超能力,劇中CG特效多!離巢王君馨再次被無視?

31 Oct 2022

台慶劇《超能使者》將於今晚(31日)首播!今次亦係大台罕有地以「超能力」為主題所創作嘅奇幻劇,並由陳展鵬唐詩詠陳山聰劉穎鏇主演,令唔少觀眾都期待萬分~不過亦有網民擔心劇中角色都有唔同嘅超能力,認為應該好容易有bug?!

台慶劇《超能使者》開播!Photo from TVB

廣告
廣告

大台罕有創作奇幻喜劇 觀眾直呼期待!

大台奇幻喜劇《超能使者》開播在即!劇中講述陳展鵬、唐詩詠、陳山聰等人因為一場意外而獲得超能力,原本處境落魄嘅佢哋亦因此變成「街頭英雄」拯救市民。

《超能使者》講述主角們因意外獲得超能力,而搖身一變成為「市民英雄」嘅故事Photo from TVB

陳山聰所飾演嘅角色勁到能夠阻擋住迎面而來嘅車!Photo from TVB

劇中超多CG特效!

日前,劇集嘅人物介紹及預告影片釋出,由於劇情有唔少同超能力相關嘅情節,所以片段中亦可以見到大量後製CG特效、刺激動作場面等,令網民們更期待播出~近日有份出演嘅演員們都有份出席宣傳活動,雖然唐詩詠現時已經離巢,但都依然有份獲邀出席宣傳;但同樣離巢嘅王君馨嘅待遇就完全唔同喇!

《超能使者》預告片中見到大量嘅後製CG特效!Photo from TVB

一班《超能使者》嘅演員們都出席宣傳活動Photo from 娛樂新聞台

即睇更多人氣文章:

王君馨再次被忽略?

王君馨喺劇中飾演戲份頗重嘅反派角色「韋瑞琦」,喺拍攝期間仲不慎受傷導致韌帶撕裂。然而,王君馨現時唔單止冇份出席宣傳活動,劇集海報亦只係企喺側邊;介紹角色嘅影片中都完全冇影!有傳王君馨選擇離巢係因為覺得喺劇中不受重視,曾向高層反映不果,令佢決定離開工作14年嘅無綫。

王君馨喺拍攝《超能使者》時不慎受傷!Photo from 王君馨IG

傳王君馨因為不滿喺劇中不受重視,因而決定離巢Photo from 王君馨IG

陳展鵬服裝被指「亞視味濃」?!

而喺劇中飾演「鍾孝年(骨精年)」嘅陳展鵬係一位按摩師,本身同妻子(劉佩玥飾)感情恩愛卻最終離婚收場,並偶然遇上歡喜冤家「喬若嵐」(唐詩詠飾)。不過「骨精年」本身比較重視錢財及幽默,但喺遇到正義嘅「喬若嵐」後產生變化;而陳展鵬喺劇中嘅服裝造型亦相對比較貼地,但就被網民指「亞視味更濃」!

飾演「鍾孝年」嘅陳展鵬同妻子(劉佩玥飾)離異後,偶遇唐詩詠並成為歡喜冤家。Photo from TVB

「骨精年」本身係一名按摩師及臨時演員Photo from TVB

陳展鵬喺劇中嘅服裝造型比較貼地,令唔少網民都覺得「亞視味返晒嚟」?!Photo from TVB

「停止時間」能力超搞笑!唐詩詠角色似「緋紅女俠」?

當中陳展鵬意外獲得嘅超能力係「時間停止」;而唐詩詠所擁有嘅就係「治療」嘅能力,喺施展能力時雙眼仲會發出紅光,同MARVEL嘅「緋紅女俠」有啲相似。

「骨精年」陳展鵬喺劇中擁有令「時間停止」嘅能力!Photo from TVB

劇中陳展鵬同唐詩詠將會有感情線Photo from TVB

唐詩詠所飾演嘅「喬若嵐」係擁有「治癒」嘅超能力,施展能力時雙眼有紅光!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel