【阿姨我不想努力了】貓頭鷹獲救助後不願離開!屋主最終報警求助

【阿姨我不想努力了】貓頭鷹獲救助後不願離開!屋主最終報警求助

時事熱話
By Jennifer on 29 Nov 2022
Digital Editor

內地一民宅近日有貓頭鷹逗留,本來屋主以為貓頭鷹係喺度降落休息下,所以提供食物畀佢,點知貓頭鷹食完之後竟然唔肯,多次飛返嚟「求收養」,令屋主大為無奈,最終要報警求助。網民笑言係「阿姨我不想努力了」動物版。

內地一民宅近日有貓頭鷹逗留Photo from 微博

近日南京市有一戶人家中院落發現貓頭鷹嘅蹤影,屋主胡女士估計貓頭鷹只係太攰先喺佢屋企降落休息下,胡女士一時好心,畀咗一啲食物貓頭鷹,打算幫佢補充體力,以便繼續飛行。

胡女士一時好心,畀咗一啲食物貓頭鷹,打算幫佢補充體力,以便繼續飛行。Photo from 微博

點知貓頭鷹食完之後卻遲遲唔離開,於是胡女士就帶貓頭鷹到空曠地方「放生」。放生後第二日胡女士竟然喺家中再次發現呢隻貓頭鷹,胡女士再養咗啲嘢食,又帶佢去「放生」。

點知貓頭鷹食完之後卻遲遲唔離開,於是胡女士就帶貓頭鷹到空曠地方「放生」Photo from 微博

未料貓頭鷹竟然再次出現喺胡女士家中,貓頭鷹次次放生都「回歸」,令胡女士十分無奈,佢亦知道貓頭鷹屬於國家二級保護動物,雖然可愛胡女士亦唔敢亂養,但無奈點放生貓頭鷹都會飛返嚟,最終胡女士選擇報警求助。

貓頭鷹屬於國家二級保護動物,唔可以亂養Photo from 劇照

胡女士亦擔心貓頭鷹身體出現問題先會多次飛往人類居住嘅地方,而警方接報後到胡女士屋企了解情況後就帶走咗貓頭鷹。經檢查後發現貓頭鷹身上無明顯外傷,相信佢的確係因為飢餓先會飛到人類家中討要食物。

警方接報後到胡女士屋企了解情況後就帶走咗貓頭鷹。Photo from 微博

警方隨後將貓頭鷹送至金牛湖野生動物園作進一步檢查,等動物園確認佢物體無大礙就會放生,等佢回歸大自然。

警方隨後將貓頭鷹送至金牛湖野生動物園作進一步檢查Photo from 微博

不過有網友笑言可能放生後貓頭鷹會再次飛返胡女士屋企求收養,因為太好食好住,根本唔捨得離開,亦有人指事件根本係貓頭鷹版嘅「阿姨我不想努力了」。

有人指事件根本係貓頭鷹版嘅「阿姨我不想努力了」。Photo from 劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

50歲女董事長下嫁25歲打工仔引熱議!婆媳合照如姊妹!網友:阿姨我不想努力了

14 Nov 2022

內地一間婚慶公司喺網上分享咗一啲婚禮影片,片中新娘同新郎相差25年,但兩人喺婚禮上互動甜蜜,被問到會唔會同老婆白頭到老,新郎更高喊「我願意」。片段引起網民熱議。

內地一間婚慶公司喺網上分享咗一啲婚禮影片,片中新娘同新郎相差25年Photo from 微博

近日內地網上流傳部分婚禮現場影片,片段好快就獲得幾十萬讚好同評論,喺網上掀起話題。原來片中嘅新娘50歲,係嚟自山西嘅一名董事長,佢為愛遠嫁唐山。

片中嘅新娘50歲,係嚟自山西嘅一名董事長,佢為愛遠嫁唐山。Photo from 微博

呢位女董事長嘅結婚對象係一名25歲嘅年輕人,仲係公司嘅一名打工仔,新郎新娘無論係年齡、人生閱歷、收入、社會地位都有住唔細嘅差距。

女董事長嘅結婚對象係一名25歲嘅年輕人,仲係公司嘅一名打工仔Photo from 微博

據知兩人最初以姊弟相稱,點知相處之下卻產生情愫,發展出一段忘年戀!新娘指老公為人熱情真誠、憨厚老實,無懼世俗目光決意下嫁。

新娘指老公為人熱情真誠、憨厚老實,無懼世俗目光決意下嫁。Photo from 微博

微博Photo from 微博

喺婚禮上,兩人互動甜蜜,彼此眼神中都充滿愛意,新郎表示老婆好識照顧人,被問到願唔願意同新娘共赴白頭,新郎拎住支mic大嗌:「我願意!」

被問到願唔願意同新娘共赴白頭,新郎拎住支mic大嗌:「我願意!」Photo from 微博

新郎嘅父母都表示非常滿意新抱,指新娘好有本事,感歎自己個仔娶到佢係一件光宗耀祖嘅事。婚禮期間,奶奶亦早早出門迎接新抱,據知佢年齡比新娘仲細2歲,但兩人關係好好,不時深情相擁,婆媳合照好似姊妹咁!

新郎嘅父母都表示非常滿意新抱,指新娘有本事Photo from 微博

婚禮期間,奶奶亦早早出門迎接新抱,據知佢年齡比新娘仲細2歲,但兩人關係好好,不時深情相擁,婆媳合照好似姊妹咁!Photo from 微博

有網民即表示:「阿姨我不想努力了」、「不想再奮鬥」,亦有女網友指以後路過幼稚園都唔敢太大聲,怕阻住未來老公學習。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel