download HolidaySmart 假期日常 app
鄭嘉穎陳凱琳第三胎性別疑曝光?!鄭嘉穎為老婆兒子拒絕北上掘金

鄭嘉穎陳凱琳第三胎性別疑曝光?!鄭嘉穎為老婆兒子拒絕北上掘金

娛樂新聞
By Jennifer on 01 Dec 2022
Digital Editor

鄭嘉穎同老婆陳凱琳日前拍片宣佈懷上第三胎,影片中陳凱琳已經肚凸凸,鄭嘉穎出席活動時分享再做爸爸嘅心情,佢指自己好開心,更疑似爆出三胎性別!佢表示依家唔會北上工作,希望多啲時間陪老婆、仔仔。

鄭嘉穎同老婆陳凱琳日前拍片宣佈懷上第三胎Photo from 陳凱琳IG

鄭嘉穎陳凱琳日前宣佈懷上第三胎

現年53歲嘅鄭嘉穎同太太陳凱琳於2018年結婚,婚後夫妻感情和睦,2019年陳凱琳誕下大仔鄭承悅(Rafael),2020年陳凱琳宣佈自己再度懷孕。同年誕下次子鄭承亮(Yannick)。

現年53歲嘅鄭嘉穎同太太陳凱琳於2018年結婚Photo from 陳凱琳IG

2019年陳凱琳誕下大仔鄭承悅(Rafael),2020年陳凱琳宣佈自己再度懷孕。同年誕下次子鄭承亮(Yannick)Photo from 陳凱琳IG

最近陳凱琳喺IG公開影片,片中佢同丈夫深情對視,又甜蜜錫錫,佢宣佈「四年抱三」—懷上第三胎嘅消息,表示係世界上最珍貴嘅禮物,已經迫不及待地想見到BB出世,獲唔少網民祝福。

最近陳凱琳喺IG公開影片,片中佢同丈夫深情對視Photo from 陳凱琳IG

陳凱琳宣佈「四年抱三」—懷上第三胎嘅消息Photo from 陳凱琳IG

鄭嘉穎大讚老婆陳凱琳得天獨厚

鄭嘉穎出席活動時都有好多人恭喜佢,佢受訪時亦難掩興奮心情:「多謝大家!」被問到懷第三胎係計劃中定係意外,鄭嘉穎表示佢同太太一向都係順其自然,懷孕係上天恩賜嘅禮物。

鄭嘉穎出席活動時都有好多人恭喜佢,佢受訪時亦難掩興奮心情Photo from 鄭嘉穎IG

被問到懷第三胎係計劃中定係意外,鄭嘉穎表示佢同太太一向都係順其自然Photo from 鄭嘉穎IG

片中陳凱琳已經顯懷,但鄭嘉穎卻保持神秘,唔肯透露太太懷孕幾多個月,僅指:「總之出年就生!」佢指老婆比較得天獨厚,平時中意食甜嘢,但仍身材纖幼,唔睇個肚都唔會知佢係懷孕中。

片中陳凱琳已經顯懷,但鄭嘉穎卻保持神秘,唔肯透露太太懷孕幾多個月Photo from 陳凱琳IG

鄭嘉穎指老婆比較得天獨厚,平時中意食甜嘢,但仍身材纖幼Photo from 陳凱琳IG

鄭嘉穎坦言已知BB性別,拒北上工作離開老婆兒子

鄭嘉穎坦言佢已經得知BB性別:「我梗係知喇!但唔講得呀嘛!」不過後面佢提起仔仔仲未識話想要細佬定妹妹:「佢多個細佬又得,多個妹妹又得!」「只不過到時佢就知喇!有個妹妹佢...佢就瀨嘢喇!乜嘢都要讓妹妹㗎喇!」講到妹妹佢有窒咗一下,唔知係咪唔小心爆出BB性別?!同場嘅陳小寶、陳細潔姊妹亦有接受訪問,陳細潔更直言:「恭喜佢生咗3個仔!」即被陳小寶幫手圓場:「未知嘅!可能啫!」

鄭嘉穎坦言佢已經得知BB性別:「我梗係知喇!但唔講得呀嘛!」Photo from 鄭嘉穎IG

鄭嘉穎提起仔仔仲未識話想要細佬定妹妹Photo from 陳凱琳IG

提到會唔會多啲留喺香港,鄭嘉穎表示自己唔會離開香港,佢指通常傾內地工作一傾就要做4、5個月,佢直言自己畀唔到咁多時間:「唔同階段有唔同重要,依家最重要係同屋企人一齊。」鄭嘉穎表示依家係佢以前好渴望過嘅生活。

提到會唔會多啲留喺香港,鄭嘉穎表示自己唔會離開香港Photo from 鄭嘉穎IG

鄭嘉穎坦言自己畀唔到咁多時間:「唔同階段有唔同重要,依家最重要係同屋企人一齊。」Photo from 陳凱琳IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳凱琳成功轉型做KOL,獲頒年度「品牌最愛」!疫情下收入飆升至千萬!即將做埋節目監製?

20 Apr 2022

2013年港姐冠軍陳凱琳(Grace)婚後甚少出演電視劇,並減少於幕前現身,轉型成為KOL。形象正面嘅佢亦成功獲得廣告商嘅青睞,疫市下收入飆升至8位數!據悉,佢即將參與幕後工作,擔任明珠台節目主持人兼監製,身兼多職,相信將會賺到唔少「奶粉錢」~

陳凱琳成功轉型成為KOL!Photo from 陳凱琳IG

陳凱琳事業愛情兩得意

陳凱琳參加選美比賽後就立刻入行,初出道嘅時候已經備受力捧,有指當時佢尚未卸任就獲安排出演重頭劇《名門暗戰》。2018年,陳凱琳與鄭嘉穎結婚,並先後誕下2名兒子,可以話係事業愛情兩得意~

陳凱琳與鄭嘉穎於2018年結婚!Photo from 陳凱琳IG

二人婚後育有2名兒子,一家四口超幸福~Photo from 陳凱琳IG

近年轉型成為KOL,獲選為「品牌最愛」!

不過,陳凱琳婚後大大減少幕前嘅工作,專心照顧家庭,並成功轉型成為KOL。日前,「2021香港社交媒體風雲榜」就公佈得獎名單,當中陳凱琳獲得「品牌最愛」殊榮。有指,佢現時IG追蹤人數逾71萬,上年獲得32個品牌贊助,品牌贊助嘅post有119個,保守估計營業額已經達千萬!獲獎嘅佢感恩地表示「多謝觀眾繼續看我的資訊和創意短片」,揚言來年會繼續努力~

陳凱琳近年已經轉型成為KOL,深受各種品牌嘅喜愛~Photo from 陳凱琳IG

擁有拍攝團隊

據悉,陳凱琳現時已經擁有自己嘅拍攝團隊,協助佢拍攝及製作短片,十分專業!而鄭嘉穎亦全力支持老婆嘅事業,二人一齊努力賺奶粉錢~而佢亦曾解釋為咗湊小朋友,短期內都唔會參與影視作品嘅拍攝。

陳凱琳經常都會於小紅書上分享自己煮食及日常生活短片!Photo from 陳凱琳小紅書

曾表示為咗湊仔,暫時唔會參與劇集拍攝!Photo from 陳凱琳IG

將會擔任節目監製+主持人

有傳,陳凱琳將會參與節目嘅幕後工作,擔任明珠台全新清談節目《Love Matter》嘅監製兼主持人!佢仲大晒友情牌,首集就邀請到久未露面嘅朱千雪(Tracy),二人將會喺節目中大談結婚之道。現時節目已經密鑼緊鼓地進行拍攝中,相信各位好快就可以收睇到節目喇~

陳凱琳將會成為節目《Love Matter》嘅監製以及主持人!Photo from 陳凱琳IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel