港男不忿地盤工人日薪最高$2600!直言「學歷低,又淨係識擒高擒低」

港男不忿地盤工人日薪最高$2600!直言「學歷低,又淨係識擒高擒低」

時事熱話
By Jennifer on 02 Dec 2022
Digital Editor

疫情影響之下,各行各業都大受影響,更有不少人選擇轉行,寧願體力勞動投身地盤行業,而根據香港建造業總工會公布本年度薪酬調整方案,十二個建造業工種已於上月起加薪,日薪最高更加達到$2600,近日有港男「睇唔過眼」就於香港討論區發文指「 其實香港既建造業係嚴重 overpaid, 根本班地盤佬最多值七、八千一個月」,導致網民引起熱烈討論。

有港男「睇唔過眼」地盤工人日薪最高達$2600Photo from 《愛·回家 》劇照

其實本港的建造業近年一直處於青黃不接的時間,地盤的實際工作又吃力不討好,經歷了疫情三年的凍薪後,香港建造業總工會近日終於公布本年度薪酬調整方案,上升幅度由百分之三至百分之十二點五不等。不過近日就有位港男對加薪幅度有異議,於討論區出文埋怨「班地盤佬書又讀得少,英文又唔識(有時連中文表達都唔太OK) ,degree又無,EQ,IQ又低。日日淨係擒高擒低,擔擔抬抬又幾皮野一個月,都痴X線。」

香港建造業總工會近日終於公布本年度薪酬調整方案,上升幅度由百分之三至百分之十二點五不等。Photo from 《激戰》劇照

近日就有位港男對建造業加薪幅度有異議Photo from 《激戰》劇照

有不少網民就不同意樓主的意見,認為地盤工人用命搵食,絕對係「有血有汗」。又稱社會上有不少辛苦的工作無人願意做,自然就要出高薪聘請,樓主如果不滿意可以「做埋一份」。

不少網民就不同意樓主的意見Photo from 香港討論區

網民認為地盤工人用命搵食Photo from 香港討論區

網民稱社會上有不少辛苦的工作無人願意做,自然就要出高薪聘請Photo from 香港討論區

網友指樓主如果不滿意可以「做埋一份」Photo from 香港討論區

建造業門檻低人工高

其實相比起其他行業,一般人的而且確要花上數年時間由入行至有資歷方可達到一定的薪水,但香港的建造業議會為推動業界,提供不少的課程,令學員由讀書實習開始已經可以賺取數千元的訓練津貼,最短的金屬模板及混凝土班僅為36日,最長的建造工地測量班則為135日,行內人工高逾1,000元一日的鋼筋紮鐵班課程亦不用100日,吸引不少有經濟壓力的人士投身。

相比起其他行業,一般人的而且確要花上數年時間由入行至有資歷方可達到一定的薪水Photo from 《做工的人》劇照

香港的建造業議會為推動業界,提供不少的課程,令學員由讀書實習開始已經可以賺取數千元的訓練津貼Photo from 《做工的人》劇照

地盤工作的風險

縱使薪水吸引,但無可否認近年本港的建造業工業意外經常發生,工人們每天所面對的不但是人為的疏忽、機械損壞的工業意外、身體的勞損、甚至是工時不穩定所導致的家庭收支不平衡,一旦沒有工作,就會手停口停,通通都是令到地盤工人的薪水每年加幅的原因之一,壓力承受之大,並非一般人可接受。網友認為職業從來無分貴賤,對每個行業都一視同仁,也是對自己的一種尊重。

近年本港的建造業工業意外經常發生Photo from 《激戰》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男自問樣子不錯、似郭富城?呻只有男性埋身拎電話,搵唔到女朋友

8 Jul 2022

近日有一名港男喺香港討論區發文指佢人近中年,但仍然搵唔到另一半感到好煩惱。佢表示自己雖然條件非常普通,但自問有幾分似郭富城,可惜由細到大都難搵女朋友,於是開post同網民訴苦。

廣告
廣告

近日有一名港男喺討論區發文指佢人近中年,但仍然搵唔到另一半感到好煩惱Photo from 《男兒王》劇照

30幾歲港男呻搵唔到女朋友

雖然網上有金句:「你的樣子如何,你的日子也必如何」,但外型唔係一切,好多人結交朋友時都會考慮其他因素,即使生得靚仔都唔代表會好易搵到女朋友。

好多人結交朋友時都會考慮其他因素,即使生得靚仔都唔代表會好易搵到女朋友。Photo from 微博

喺香港討論區有網友開post「不知不覺間人生已到3字頭,但呢刻好絕望......」,樓主表示自己已經30有多,但現時仲係單身,令佢覺得人生無咩希望。

樓主表示自己已經30有多,但現時仲係單身,令佢覺得人生無咩希望。Photo from 《愛情無全順》劇照

無車無樓但外型ok?

樓主坦言自己條件一般,本身收入唔高,早前更失業到依家都未搵到嘢做,屬於「4無人士」:無車、無樓、無工作、無女朋友。言談之間都感受到樓主好灰。

樓主坦言自己條件一般,本身收入唔高,早前更失業到依家都未搵到嘢做Photo from 《男人唔可以窮》劇照

佢指自己自小異性緣就好差,長期都無女朋友,不過樓主稱:「自問樣子都ok,戴上口罩有幾分似郭富城」,睇嚟佢對自己嘅外型都頗為自信,可惜未獲其他女性欣賞,樓主有喺郭富城後寫上「(高度)」,相信係講緊高度同郭富城差唔多。

樓主稱:「自問樣子都ok,戴上口罩有幾分似郭富城」Photo from 微博

只有男性埋身拎電話

樓主指之前出去玩佢都有試過畀人抄牌,問佢拎電話,但對象全部都係男士,樓主表示自己唔受異性歡迎,30幾歲人無拍過拖,但就廣受同性愛戴:「有冇人慘得過我,比我更絕望?」

樓主指之前出去玩佢都有試過畀人抄牌,問佢拎電話,但對象全部都係男士Photo from 《我家浴缸的二三事》劇照

樓主表示自己唔受異性歡迎,30幾歲人無拍過拖,但就廣受同性愛戴Photo from 《巧克力》劇照

網友建議參加興趣班

有網民安慰樓主,指好多人到40歲先有初戀,樓主回覆:「無錢⋯⋯真係會搵到初戀?」網友表示拍拖呢家嘢豐儉由人,唔一定要有錢先拍到拖。亦有人指起碼樓主個樣算唔差,好多人無錢又無樣:「你仲想點呀?」

有網民安慰樓主,指好多人到40歲先有初戀,樓主回覆:「無錢⋯⋯真係會搵到初戀?」Photo from 《愛情無全順》劇照

有人指起碼樓主個樣算唔差,好多人無錢又無樣:「你仲想點呀?」Photo from 《飆速宅男》劇照

有網友就認為樓主應該先搵份工作養活自己,而樓主則稱自己喺女仔面前好怕羞,唔識點同佢哋相處,有人建議佢可以搵啲輔導或者興趣班,擴闊自己嘅生活圈子,先有機會識到女朋友!

樓主則稱自己喺女仔面前好怕羞,唔識點同佢哋相處Photo from 《大宅男》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel