甘比大女劉秀樺與何超欣出席活動,有沈月同場!上流社會名媛雲集

甘比大女劉秀樺與何超欣出席活動,有沈月同場!上流社會名媛雲集

娛樂新聞
By Jennifer on 05 Dec 2022
Digital Editor

甘比(陳凱韻)近日與愛女劉秀樺一同出席活動,席上仲有已故賭王四房千金何超欣、邱淑貞大女「最美星二代」沈月,活動雲集上流社會名人。劉秀樺與媽媽、黎姿、何超欣合照,14歲嘅秀樺亭亭玉立,成為外界焦點。

甘比(陳凱韻)近日與愛女劉秀樺一同出席活動Photo from 劉秀樺IG

大劉甘比14歲大女劉秀樺

甘比為富商劉鑾雄(大劉)於2008年誕下一女並取名為劉秀樺,有指大劉為愛女買下價值$7400萬嘅珍稀藍鑽「Star of Josephine」,藍鑽呼應秀樺英文名「Josephine」,十分有意義。

甘比為富商劉鑾雄(大劉)於2008年誕下一女並取名為劉秀樺,有指大劉為愛女買下價值$7400萬嘅珍稀藍鑽「Star of Josephine」Photo from 甘比IG

而近年秀樺年紀漸長,備受外界關注。近日14歲嘅秀樺就同媽媽一齊出席尖沙咀活動,同場邀請好多知名人士,包括劉嘉玲、鄭秀文、馮德倫等。

劉嘉玲Photo from K11 MUSEA

鄭秀文Photo from K11 MUSEA

何超欣、沈月、劉秀樺同場出席活動

香港唔少上流社會名媛、富二代亦獲邀出席活動,嫁咗畀商人馬廷強嘅黎姿、已故賭王四房千金何超欣、邱淑貞大女「最美星二代」沈月都有份出席活動。其中甘比同黎姿份屬好友,佢哋更同秀樺、超欣影合照。甘比母女與黎姿一齊坐、對面仲有甄子丹夫婦。

甘比同黎姿份屬好友,佢哋更同秀樺、超欣影合照Photo from 黎姿IG

甘比母女與黎姿一齊坐、對面仲有甄子丹夫婦。Photo from 黎姿IG

甚少公開出席活動嘅秀樺一現身即成焦點,佢喺IG亦公開同媽媽甘比嘅自拍。同其他人相比,秀樺打扮相對低調,而賭王千金何超欣同沈月都以抹胸禮服裙現身。

同其他人相比,秀樺打扮相對低調Photo from K11 MUSEA

沈月以抹胸禮服裙現身Photo from K11 MUSEA

劉秀樺打扮低調,沈月、何超欣以抹胸禮服裙現身

甘比母女同何超欣一齊影活動合照,雖然兩人唔算係同齡人,畢竟超欣今年剛從北京清華大學研究生畢業,但公開嘅合照嚟睇秀樺同超欣感情不錯,兩人雖然都係名門千金,但平日都比較低調,今次結伴出席活動,成為話題。

甘比母女同何超欣一齊影活動合照Photo from 黎姿IG

秀樺雖然係名門千金,但平日都比較低調Photo from 劉秀樺IG

秀樺亭亭玉立Photo from 劉秀樺IG

而另一位「最美星二代」沈月一向都出席唔少名牌活動,佢亦有喺IG公開好多合照,即使單人出席活動亦應對自如,好有經驗!

另一位「最美星二代」沈月一向都出席唔少名牌活動,佢亦有喺IG公開好多合照Photo from 沈月IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

沈月坦承成功全靠媽媽邱淑貞協助?!曾獲邀參加巴黎名媛舞會,超強人脈認證!激罕公開素顏

6 Apr 2022

廣告
廣告

被譽為「最美星二代」嘅邱淑貞大女兒沈月(Ayla)近日成為唔少時裝品牌嘅新寵兒,佢過去受訪時就公開感謝媽媽,認為能夠成功有賴媽媽幫助;而佢嘅人脈亦十分廣泛,以往仲獲邀參加「巴黎名媛舞會」,認識唔少國際名人!早前,適逢兒童節佢就上載兒時照片,網民們都覺得佢小時候就氣質非凡,仲比較似媽媽~

沈月對於被稱為「最美星二代」而感到感恩,人脈廣泛嘅佢亦嚇到唔少網民!Photo from 沈月微博

# 沈月坦承人氣急升全靠媽媽邱淑貞?!

現年20歲嘅沈月憑氣質外表,成功獲得唔少時裝品牌嘅青睞,經常獲邀拍攝畫報及廣告,前途無可限量!最近,沈月接受時裝雜誌採訪時表示對外界稱呼佢為「最美星二代」而感到榮幸,仲專登公開多謝媽媽,大讚媽媽係佢心目中嘅女神及榜樣,母女關係非常好;而佢亦受父母影響下,自小就對時尚有興趣!

沈月認為現時成功有賴媽媽邱淑貞幫忙,視媽媽為榜樣!Photo from 沈月微博

受家人影響,沈月本身就非常關注服裝潮流!Photo from 沈月微博

# 2019年獲邀參加巴黎名媛舞會!

正所謂「識人好過識字」,入得娛樂圈人脈固然重要,作為星二代嘅沈月自然亦比較容易拓展交友圈子!2019年,佢就獲邀出席一年一度嘅巴黎名媛舞會(Le Bal des Débutantes),據悉參加者都經過嚴格嘅挑選,雲集世界各地嘅千金小姐,當年被邀請嘅華人名媛只係得3位,可見沈月嘅國際地位都十分高!

2019年沈月獲邀出席巴黎名媛舞會!Photo from 沈月微博

仲因此而同西西里公主變成朋友~Photo from 沈月微博

當時邱淑貞同妹妹沈日亦有到場!Photo from 沈月微博

# 人脈超廣令網民驚訝!

沈月早前仲上載同韓國男團Super Junior成員希澈嘅自拍照,令唔少網民感到震驚!而佢仲寫上「上一次見面已經係14歲」,睇嚟二人交情匪淺~

沈月同Super Junior成員希澈都係好朋友!Photo from 沈月微博

二人關係非常好,仲交換羽絨著~Photo from 沈月微博

# 曾被網民爆料「大牌」?

人紅自然是非多!有網民曾爆料指偶遇邱淑貞一家到自己工作嘅日本料理餐廳食飯,當時沈月懷疑對方偷拍自己,所以投訴佢並要求打開電話相簿證明,令部份網民覺得好似有啲「大牌」!但爆料嘅網民亦大讚沈月真人靚過上鏡,似乎諒解星二代因長期受大眾觸目而壓力倍增。

曾經有網民大爆沈月因為懷疑被偷拍,要求對方打開手機相簿!Photo from 沈月微博

爆料者當時都指沈月真人更加靚!Photo from 沈月微博

# 公開童年照被指似邱淑貞!

日前,沈月上載可愛嘅童年照片,仲標上係當時嘅佢只係得6歲。只見佢身穿粉紅色波點衫,年紀輕輕就已經同媽媽一樣外貌清秀,有網民就覺得佢細個更加似邱淑貞!

沈月公開6歲時嘅照片,唔少網民都大讚佢細嗰就氣質非凡~Photo from 沈月IG

# 罕有公開素顏!

為咗上鏡沈月大多都以濃妝示人,甚少公開自己嘅素顏。但佢曾為時裝雜誌拍攝短片,分享美容心得及日常妝容;素顏嘅佢皮膚白晳,同化妝後嘅氣場截然不同!部份網民反而認為平常嘅妝容令佢太成熟,認為淡妝更加適合佢~

沈月早前為時裝雜誌拍攝短片,將素顏公開!Photo from 沈月IG

網民大讚沈月皮膚本身就好好~Photo from 沈月IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel