豬肉威威近況曝光!神隱3個月後回歸素人生活,依然悉心打理髮型

豬肉威威近況曝光!神隱3個月後回歸素人生活,依然悉心打理髮型

娛樂新聞
By Jennifer on 06 Dec 2022
Digital Editor

荃灣豬肉威威(劉宋威)今年因為一張相爆紅,之後更極速開生日會、拍廣告,人氣一時無兩!不過喺佢除咗口罩之後,聲勢不復當時。更有人指威威已重返豬肉檔工作,並唔再接受訪問,一心回歸平淡生活!近日有網友公開與威威嘅合照,神隱3個月嘅威威再一次出現網民眼前!

荃灣豬肉威威(劉宋威)今年因為一張相爆紅,之後更極速開生日會、拍廣告,人氣一時無兩!Photo from 劉宋威Facebook

荃灣豬肉檔威威爆紅

今年5月網上有人晒出與威威(劉宋威)嘅合照,並大讚佢靚仔!戴咗口罩嘅威威眼睛有神,加上悉心打理嘅髮型成功迷倒唔少師奶,成為網上熱話。更有唔少人慕名前往荃灣豬肉檔一睹威威嘅風采!之後威威一路爆紅,仲極速出道,有埋經理人、開設各種社交帳號、拍廣告、上節目做訪問等,絕對係嗰期嘅紅人。

今年5月網上有人晒出與威威(劉宋威)嘅合照,並大讚佢靚仔Photo from Facebook群組「荃灣人」

威威一路爆紅,仲極速出道,有埋經理人、開設各種社交帳號、拍廣告、上節目做訪問Photo from 劉宋威YouTube

走紅後威威被爆「黑歷史」

不過威威走紅後卻被爆佢過往嘅「黑歷史」,指佢疑似做過古惑仔、傳銷等,令威威形象一落千丈,雖然威威曾聲淚俱下澄清傳聞更反駁指有紋身唔一定唔係好人,但負面新聞仍然不停。

威威走紅後卻被爆佢過往嘅「黑歷史」,指佢疑似做過古惑仔、傳銷等,令威威形象一落千丈Photo from 劉宋威Facebook

有網友大爆被威威拖糧,又暗示曾於生日會「受聘」扮粉絲,另一方面有人揭當初公開同威威合照嘅網民疑似係威威公司嘅員工,質疑威威爆紅係經過精心計劃。

有網友大爆被威威拖糧,又暗示曾於生日會「受聘」扮粉絲Photo from Facebook群組「荃灣鮮肉威威應援團」

有人揭當初公開同威威合照嘅網民疑似係威威公司嘅員工,質疑威威爆紅係經過精心計劃。Photo from Facebook群組「荃灣鮮肉威威應援團」

「除罩」廣告出街後威威人氣急跌

威威憑一張口罩合照走紅,但佢拍攝嘅「除罩」廣告登場後,人氣卻不升反跌,威威社交網站自8月15日後亦無再更新,連威威最大嘅粉絲專頁「荃灣鮮肉威威應援團」都同樣喺8月15日更新完後就無晒消息,之後威威就似乎回歸爆紅前嘅普通人生活,更拒絕接受訪問。

威威憑一張口罩合照走紅,但佢拍攝嘅「除罩」廣告登場後,人氣卻不升反跌Photo from Life Nutrition @YouTube

威威社交網站自8月15日後亦無再更新Photo from 劉宋威IG

威威就似乎回歸爆紅前嘅普通人生活,更拒絕接受訪問。Photo from Facebook群組「除罩威威留餸區 2.0」

威威神隱3個月近照曝光

事隔超過3個月,威威近日再度於網上出現,有網友喺IG公開同威威嘅合照,「神隱」咗3個月嘅威威瘦咗唔少,不過唔使再喺幕前工作嘅佢亦無之前咁仔細打理儀容,雖然無剃鬚但明顯睇出仲有gel頭,威威曾表示:「由細到大都中意自己set頭」,爆紅後都唔例外,依家回歸平淡佢都不忘悉心打理髮型。

威威近日再度於網上出現,有網友喺IG公開同威威嘅合照Photo from IG gary_tang_kit

威威曾表示:「由細到大都中意自己set頭」Photo from TVB

有網民喺合照下留言指會支持威威,睇嚟威威即使「退出」幕前都仍有支持者。威威之前曾將代表粉絲嘅(威威豬)紋喺右邊手臂,冧爆表示:「代表威威豬對我嘅支持!」即使唔再拍廣告威威豬對威威嘅支持相信威威都收到晒!

威威之前曾將代表粉絲嘅(威威豬)紋喺右邊手臂Photo from 劉宋威YouTube

威威冧爆表示:「代表威威豬對我嘅支持!」Photo from 劉宋威YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

荃灣威威被網民大爆拖糧,暗示曾於生日會「受聘」扮粉絲?傳經理人已離職,一心重投豬肉檔懷抱!

26 Sep 2022

荃灣威威(劉宋威)自今年5月突然爆紅後,成功憑「俊俏」外型吸引大批女粉絲。然而「人氣如浮雲」,有指佢拍攝廣告後人氣急跌;而佢嘅IG帳號對上一次更新已經係8月15日,而佢近日都甚少喺幕前露面,令大家猜測佢係咪已經決定「隱退」?近日竟然有人留言向佢「追數」,指尚未收到出席生日會嘅薪水?!

日前,有網民喺威威IG留言指今年6月出席生日會嘅人工尚未收到?!Photo from 劉宋威IG

廣告
廣告

荃灣威威成功爆紅,投身娛樂圈

荃灣威威(劉宋威)爆紅後,曾爆出唔少「黑歷史」,但依然無阻佢踏入娛樂圈嘅心,成功獲得廣告商嘅青睞。其後,佢仲嘗試利用紋身冧「威威豬」(粉絲名稱),喺右手臂上紋咗可愛嘅小豬圖案答謝粉絲「代表威威豬對我嘅支持,你哋嘅留言同讚好我都收到晒!」

荃灣威威曾將「威威豬」紋於手臂,展現對粉絲嘅感謝之情!Photo from 「威威 劉宋威Samuel」YouTube

然而,喺上載完紋身片段後,威威就再冇更新過佢嘅社交媒體帳號!Photo from 劉宋威IG

突然「人間蒸發」,最後更新日期為8月15日!

隨住威威嘅「除罩」廣告登場後,人氣卻竟然不升反跌,仲有傳威威因此決定「隱退」?而佢嘅IG帳號及YouTube頻道嘅最後更新日期都係8月15日,而佢最大嘅粉絲專頁「荃灣鮮肉威威應援團」都同樣喺8月15日更新完後就冇晒消息?!

有指威威早前罕有「除罩」拍廣告呢後,人氣竟然開始下跌?Photo from Life Nutrition @YouTube

而威威嘅IG、YouTube以及粉絲專頁最後一次出post都係8月15日!Photo from 劉宋威IG

網民留言追討6月生日會薪水?!

近日,有網民喺威威嘅IG帳號下留言「上次你哋藝人生日會戈度公關公司仲未出糧。再問又吾覆,你哋公司可否正視一下,我哋真係有身水身汗去左會埸,實行左通告兩小時的工作,但現在追討無門」,疑似係想追討返威威辦生日會時嘅薪水,仲似乎暗示今年6月嘅威威盛大生日會粉絲人數似乎係「做枚」?!該網民強調威威嘅公司公關已讀不回,令佢投訴無門。

有網民近日喺威威嘅IG下留言,追討6月生日會嘅薪水?!Photo from 劉宋威IG

仲疑似暗示咗威威6月舉辦嘅生日會粉絲係「做枚」?!Photo from 劉宋威IG

即睇更多人氣文章:

網民建議報《東張西望》!

唔少網民都建議佢同《東張西望》講述事件,可能先有機會接觸到相關公司負責人;但部份網民都覺得佢嘅薪水似乎已經「凍過水」,仲有疑似有份出席生日會嘅網民留言「之前係威威生日會扮過fans,當時話有500蚊報酬,唔該快d磅水」,不停催促威威幫手!

「苦主」表示多次嘗試聯絡威威公司,但都被已讀不回!Photo from 劉宋威IG

有網民都疑似遇到同樣嘅情況?!Photo from 劉宋威IG

回顧生日會盛大情況!

翻睇返今年6月威威喺荃新天地舉辦生日會,當時過百名粉絲手持燈牌、海報等現身支持,完全同明星辦見面會嘅氣氛差唔多~喺活動中,威威親民咁同粉絲玩遊戲,切生日蛋糕等,最後同粉絲影大合照時,威威仲忍唔住感動落下男兒淚!

今年6月威威喺荃新天地舉辦生日會,過百粉絲到場為佢慶生~Photo from 荃灣鮮肉威威應援團FB

喺最後大合照嘅時候,威威忍唔住激動爆喊!Photo from 荃灣鮮肉威威應援團FB

有指經理人已經離職

有傳媒嘗試聯絡威威生日會嘅公關公司,但對方則表示對消息感到驚訝,強調佢哋只係負責「枱面嘢」,並唔清楚粉絲嗰邊嘅情況。據悉,威威嘅經理人「文哥」已經確定離職,睇怕網民可能真係要花啲時間先搵到負責人喇!

據悉威威嘅經理人已經離咗職!Photo from 「威威 劉宋威Samuel」YouTube

威威默默於豬肉檔工作,拒絕接受傳媒訪問!

近日,有網民指威威似乎一心決定回歸老本行,專心喺豬肉檔工作,發現佢努力工作嘅身影。早前曾有傳媒專門去店舖拜訪佢,不過佢就似乎想低調行事,默默開工拒絕接受訪問,一反常態!而佢嘅同事都好有愛地幫佢護航,指有任何事情就搵返威威嘅公司詢問。

近日有網民指見到威威喺豬肉檔默默工作,非常勤奮!Photo from 「除罩威威留餸區 2.0」FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel