王嘉爾Jackson衝出國際,內地fans一問題竟令佢面露尷尬表情?!

王嘉爾Jackson衝出國際,內地fans一問題竟令佢面露尷尬表情?!

娛樂新聞
By Jennifer on 24 Jan 2023
Digital Editor

王嘉爾(Jackson)所在嘅韓國男團GOT7雖然未有同經理人公司續約,但佢個人發展相當唔錯,最近更去外國開巡迴演唱會,近日網上瘋傳Jackson同fans嘅對話,Jackson竟被問住,更抬頭望天,似乎十分無奈?!

王嘉爾(Jackson)所在嘅韓國男團GOT7雖然未有同經理人公司續約,但佢個人發展相當唔錯Photo from 王嘉爾微博

王嘉爾回國後積極開拓海外發展

王嘉爾(Jackson)本來係以韓國男團GOT7出道,作為外國成員,Jackson喺韓國都出演過唔少綜藝節目,搞笑形象相當受歡迎。喺韓國演藝圈發展期間,Jackson都有於內地開展個人事業,更成立「Team Wang」個人工作室。

Jackson都有於內地開展個人事業,更成立「Team Wang」個人工作室。Photo from 王嘉爾微博

不過由於團體未有同原經理人公司續約,Jackson亦回國發展,但近年佢積極參與海外活動,不但擔任曼聯同利物浦泰國熱身賽嘅賽前表演嘉賓、又登上英雄聯盟全球總決賽做表演嘉賓。Jackson更再度受邀出席美國Coachella Festival上台表演。

王嘉爾擔任曼聯同利物浦泰國熱身賽嘅賽前表演嘉賓Photo from 王嘉爾微博

Jackson有份做英雄聯盟全球總決賽表演嘉賓Photo from 王嘉爾微博

Jackson衝出亞洲到歐美開巡迴演唱會

喺東南亞擁有超高人氣嘅Jackson日前更衝出亞洲,到英國開騷,唔少內地fans大讚Jackson喺國際都有極高知名度,絕對係內地藝人之光!

喺東南亞擁有超高人氣嘅Jackson日前更衝出亞洲,到英國開騷Photo from 王嘉爾微博

唔少內地fans大讚Jackson喺國際都有極高知名度Photo from 王嘉爾微博

而身處外國有好多工作行程嘅Jackson除咗獲大批外國fans支持外,亦有唔少中國粉絲現身力撐!一向親民嘅Jackson喺行程期間亦不忘同fans傾偈交流,十分友善。

身處外國有好多工作行程嘅Jackson除咗獲大批外國fans支持外,亦有唔少中國粉絲現身力撐!Photo from 王嘉爾微博

內地fans問Jackson幾時返中國

近日喺抖音、微博就瘋傳fans拍攝嘅Jackson短片,片中Jackson與fans以普通話溝通,相信係身在外地嘅中國fans,fans問Jackson:「甚麼時候回去?」Jackson即反問:「回去哪裡啊?」粉絲指:「回中國啊!你要待在這裡一輩子呀?」Jackson聞言即抬頭望天,又忍唔住舔唇,狀甚無奈。

fans問Jackson:「甚麼時候回去?」Jackson即反問:「回去哪裡啊?」Photo from 微博

Jackson聞言即抬頭望天Photo from 微博

Jackson狀甚無奈Photo from 微博

Jackson曾被粉絲問到勁尷尬

早前Jackson因為8年粉絲網站突然宣佈關閉而掀起網民熱議,當時亦有內地粉絲喺接機時向Jackson稱:「王嘉爾,現在很多人都垮了,希望你不要垮!」Jackson則以粉絲信遮面,然後點頭回應對方,不發一言嘅佢被指表情尷尬。

早前Jackson因為8年粉絲網站突然宣佈關閉而掀起網民熱議Photo from 王嘉爾IG

Jackson以粉絲信遮面,然後點頭回應對方Photo from 微博

有網民認為Jackson喺外國工作不斷,可能暫時都未能回國。但亦有人指雖然Jackson未能回應粉絲嘅關心,不過佢同fans嘅對話都無咩距離感,大讚佢一啲明星架子都無!

Jackson喺外國工作不斷,可能暫時都未能回國Photo from 王嘉爾微博

內地網民大讚王嘉爾無明星架子!Photo from 王嘉爾IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

王嘉爾泰國開騷晒肌大派福利,任觀眾出手!網民:把自己當成商品

28 Nov 2022

廣告
廣告

王嘉爾(Jackson)近年喺外國發展成績唔錯,佢於泰國擁有超高人氣。最近王嘉爾嘅泰國演唱會片段曝光,氣氛十分熱烈,Jackson更赤膊大晒fit爆身材,佢大方任觀眾同佢近距離接觸,網友紛紛指「好羨慕」!

王嘉爾(Jackson)近年喺外國發展成績唔錯Photo from 王嘉爾微博

王嘉爾近年積極進軍海外市場

現年28歲嘅王嘉爾(Jackson)原本係韓國男團GOT7成員,隊中有泰國人BamBam,GOT7喺東南亞,尤其係泰國嘅人氣非常高。雖然團隊未有同經理人公司成功續約,幾位隊員作個人發展,但Jackson喺泰國都仲有好多fans支持。

Jackson泰國都有好多fans支持。Photo from 王嘉爾IG

之前主力喺內地工作嘅王嘉爾近嚟積極參與海外活動,更擔任英雄聯盟(League of Legends)全球總決賽嘅表演嘉賓,發展相當唔錯,雖然衝出亞洲,但佢都未有忘記泰國嘅fans。

之前主力喺內地工作嘅王嘉爾近嚟積極參與海外活動Photo from 王嘉爾微博

世界巡迴演唱會曼谷站王嘉爾騷肌任掂

王嘉爾日前召開世界巡迴演唱會,11月25~27日喺曼谷連開三場,有演唱會片段於網上曝光,現場氣氛非常熱烈,連王嘉爾本人都非常High,從曝光嘅片段嚟睇,Jackson手上拎住酒樽,又除咗上衣,大晒一身肌肉。

王嘉爾日前召開世界巡迴演唱會,11月25~27日喺曼谷連開三場Photo from 王嘉爾IG

有演唱會片段於網上曝光,現場氣氛非常熱烈,連王嘉爾本人都非常HighPhoto from 微博

從曝光嘅片段嚟睇,Jackson手上拎住酒樽,又除咗上衣,大晒一身肌肉。Photo from 微博

Jackson一向都勤力健身,更有向韓國健身達人金鐘國請教,佢亦不吝嗇晒肌肉,喺佢嘅社交網站經常都會有晒肌照,而演唱會Jackson就更大方,佢赤膊走近觀眾,任前排fans伸手接觸佢上身!

Jackson一向都勤力健身Photo from 王嘉爾微博

Jackson亦不吝嗇晒肌肉Photo from 王嘉爾微博

演唱會Jackson就更大方,佢赤膊走近觀眾,任前排fans伸手接觸佢上身!Photo from 微博

超近距離!Photo from 微博

狂派粉絲福利,網民指王嘉爾「比牛郎會撩」

王嘉爾被咁多fans觸碰都面不改容,更high爆張開雙臂,狀甚享受。演唱會嘅互動環節王嘉爾亦攬實女fans,fans service超強!其實王嘉爾一向都好錫泰國fans,7月佢飛泰國出席見面會,當時大批fans冒雨守候偶像,令Jackson非常感動,更不惜推開扶起佢嘅工作人員,入鄉隨俗向粉絲行跪拜禮。

王嘉爾被咁多fans觸碰都面不改容,更high爆張開雙臂Photo from 微博

狀甚享受Photo from 微博

演唱會嘅互動環節王嘉爾亦攬實女fansPhoto from 微博

王嘉爾fans service超強!Photo from 微博

7月王嘉爾飛泰國出席見面會,入鄉隨俗向粉絲行跪拜禮Photo from 微博

而呢次演唱會片後曝光後,有唔少網民表示非常羨幕泰國fans,亦有人大讚Jackson十分敬業,真心回饋fans。更有人直言王嘉爾好識撩fans:「牛郎都沒有他會撩」

呢次演唱會片後曝光後,有唔少網民表示非常羨幕泰國fansPhoto from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel