伍富橋遊泰國晒富貴老婆Shirley豪宅！孭20萬Hermès搭廉航，宵夜飲茅台

By Jennifer on 16 Feb 2023

Digital Editor

伍富橋（Alvin）迎娶富家千金梁兆楹（Shirley）後晉身做億萬駙馬。日前佢哋情人節去泰國清邁遊行仲拍埋vlog，Shirley孭住價值$20萬嘅Hermès，不過佢哋選擇搭廉航，到埗後更大晒Shirley家族於當地嘅物業！

Photo from 伍富橋IG

伍富橋與富貴老婆Shirley婚後不時去旅行

伍富橋同Shirley結婚後經常都會晒恩愛，夫妻一齊去旅行、食好東西。早前佢哋就飛咗去歐洲度蜜月，大喼細喼應該有好多戰利品！結婚半年伍富橋同老婆已經去咗曼谷、倫敦、瑞士、荷蘭、東京。雖然啱啱歐遊完，但情人節佢哋再次出遊，今次去泰國清邁度假。

Photo from Shirley IG

Photo from 伍富橋IG

Shirley相思灣5,000呎豪宅曝光！

為咗呢個情人節泰國之旅，伍富橋更拍埋vlog放上社交網站分享，情人節佢為老婆Shirley準備咗一紮花，不過Shirley掛住玩手機，十分敷衍，隨便抱住紮花打卡「交差」，睇嚟兩人平時嘅相處模式都係咁打情罵俏，伍富橋「家庭地位」喺老婆之下！

Photo from 伍富橋IG

vlog更公開咗佢哋嘅家，婚後伍富橋進駐女方相思灣5,000呎豪宅，可見佢哋家中以裝修以木系傢私為主，客廳有大型水晶燈，空間十分闊落，喺樓梯上仲擺咗Shirley最愛嘅人氣熊figure 「BE@RBRICK」。

Photo from 伍富橋IG

Shirley孭20萬Hermès去泰國，家族身家過億出行搭廉航

之後夫妻就出發去機場，伍富橋同Shirley推住紅色嘅喼，Shirley更孭住紅色嘅Hermès Kelly袋，十分搶眼！Kelly作為Hermès熱門袋款一向都十分受歡迎，Shirley所孭嘅紅色Kelly，估計價值高達$20萬！

Photo from 伍富橋IG

雖然Shirley孭住$20萬Hermès包包，但佢同伍富橋卻係搭廉航出遊，十分貼地，睇嚟平價嘅機票對Shirley嚟講都十分吸引。到埗後伍富橋夫婦都有去下超市購物，之後再回當地嘅住所。

Photo from 伍富橋IG

Shirley泰國豪宅公開，獨自開餐飲茅台

伍富橋同Shirley並未入住酒店，而係去到一所2層別墅，不過呢間住宅並非Airbnb，因為入面有擺到Shirley同家人嘅合照，應該係Shirley家族位於當地嘅物業。Shirley家底豐厚，家族身家過億，喺清邁有物業都好正常。Shirley亦影咗豪宅內部，一樓設有2個客廳2個飯廳，裝修風格以白色為主，相當有氣派。Shirley襯伍富橋外出跑步時獨自開餐，餐具係Le Creuset，佢仲自己一個飲茅台，非常豪氣！

Photo from Shirley IG

Photo from 伍富橋IG

Photo from Shirley IG

伍富橋婚後幸福肥，發福不少

之後佢哋又四出搵食，Shirley影咗老公伍富橋食泰國船麵，見枱上已經疊咗好多個碗，相信佢哋夫妻都食咗唔少。向來有健身、做運動習慣嘅伍富橋都發福不少，睇嚟婚後生活十分幸福，成日去旅行食好東西真係難免會增磅！

Photo from Shirley IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

伍富橋做億萬駙馬獲3個外傭服侍，富貴老婆花過萬元購物唔敢有意見？！

24 Aug 2022

伍富橋（Alvin）與富家千金梁兆楹（Shirley）結婚後進駐女方相思灣5,000呎豪宅，晉升「億萬駙馬」行列。近日伍富橋妻子購物後拍咗開箱片，片中有3位外傭姐姐同埋伍富橋，睇嚟佢婚後生活好滋潤！

Photo from 娛樂新聞台

伍富橋同富家千金梁兆楹結婚

現年28歲號伍富橋其實已經入行7年，不過佢星途平平，推出嘅歌曲唔多，亦未有喺樂壇獲得驚人嘅成績。不過事業唔算發展得好好嘅佢，愛情方面卻十分得意。伍富橋2022年公開戀情，一個月嘅白色情人節佢就宣佈求婚成功，升呢做人夫！

Photo from 娛樂新聞台

伍富橋同女友梁兆楹（Shirley）拍拖半年就成功求婚，全因遇上「對的人」！伍富橋透露佢喺公開戀情後就不停向女友求婚：「唔知點解一見到佢就好想同佢結婚！」終於打動到女友答應佢。佢哋嘅戀情受到外界關注，因為Shirley家底豐厚，父親做生意、坐擁2間麻雀館，一家居住於相思灣逾5,000呎獨立屋，家族身家過億！

Photo from 伍富橋IG