梁競徽被野生捕獲，內地網民叫唔出名！落力帶貨北上工作增人氣不見成效？！

梁競徽（原名梁烈唯）近年北上掘金，已甚少喺幕前出現。近日有網友喺小紅書分享自己於元朗商場偶遇「明星」梁競徽，然而近年將工作重心轉移至內地嘅梁競徽似乎人氣不高，唔少內地網友都表示唔認識佢，亦唔知佢叫咩名。

梁競徽北上後曾經擔正做網絡電影男主角，最近又落力直播帶貨，而喺內地工作賺人仔嘅佢亦成功掘金，不但同林峯老婆張馨月合作投資名車店，又喺香港開鐘錶店做老闆，相信北上工作令佢收入增加不少。

曾表示有意安排子女喺內地升學嘅梁競徽都係留港生活，近日就有網友喺元朗一個商場「野生捕獲」梁競徽，並於小紅書晒出合照：「香港真的能偶遇明星！！」該網友表示同閨密行街時，閨密一個箭步衝上嚟激動咁抓著佢話「天哪我看到明星了！」原來係梁競徽！

網友把握機會同梁競徽合照，又感嘆：「港星真的太低調了」合照中梁競徽身穿短袖T裇、鬆身褲，加一頂Cap帽，打扮相當causal。不過合照中梁競徽貌似未瞓醒，眼神迷離。

即睇更多人氣文章：
何超欣上國際舞台演講口窒窒，學霸身份被質疑？麻省理工、清華畢業
3unshine「最醜女團」成員Cindy瘦身大改形象！退團改名仍未能成功翻盤？

近年主力喺內地工作嘅梁競徽不但落力直播推銷貨品，又密密更新抖音，但佢喺內地嘅知名度似乎並未因而有所上升，小紅書有網友留言指唔知佢叫咩名，亦唔知佢有咩作品：「還是眼熟的，雖然叫不出名字也不記得演過甚麼」，甚至有人認錯佢係「跑龍套的群眾演員」，事實上梁競徽出演嘅角色中不乏有戲份重嘅重要人物，更曾奪得「飛躍進步男藝員」。

更有網友直言：「完全不認識，這也叫明星？」有人指出梁競徽主要係參演TVB電視劇，大多數廣東嘅觀眾都認識佢，但北方嘅觀眾對佢就無咩印象。其實喺梁競徽直播帶貨時就曾經有網友留言問過：「很眼熟但他是誰啊？」

梁競徽曾經喺抖音分享入行後嘅心路歷程，坦言當初拍完第一部電影後一度自以為好紅，覺得自己係大明星，仲因為驚被人認出而唔敢坐巴士同地鐵。

相關文章：梁競徽加入直播帶貨行列sell食材，但內地網民卻忘記其姓名？過往經常拍抖音片嘗試增人氣

相關文章：梁競徽自爆拍電影後心態膨脹 一度以為自己好紅 怕人認得唔敢搭車

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

梁競徽直播賣生果，徒手掰蘋果、榨橙汁！網民直言人氣低：咪學人帶貨

24 Oct 2022

梁競徽（原名梁烈唯）北上發展多時，近日加入直播帶貨行列，佢喺抖音分享佢直播嘅片段，為帶貨佢出盡全力，不惜徒手掰開蘋果、又徒手榨橙汁，力證自己帶嘅貨質素好，不過有網友就直指佢人氣低帶貨能力有限！

Photo from 梁競徽微博

梁競徽近年長駐內地

現年43歲嘅梁競徽近年已長駐內地工作，雖然未有令人留下深刻印象嘅作品，但佢其實都做過網絡電影嘅男主角，同林峯老婆張馨月齊齊投資名車店，又喺香港開鐘錶店做老闆，生活越嚟越好，睇嚟喺內地工作賺唔少，難怪佢都話考慮安排囡囡返內地讀書。

Photo from 張馨月微博

Photo from 梁競徽微博

梁競徽加入「直播帶貨」行列

梁競徽同其他北上工作嘅香港藝人一樣，都加入「直播帶貨」嘅行列，佢更會將直播嘅片段放上抖音與觀眾分享，過往佢就sell過龍蝦、牛扒等，十分落力。

Photo from 微博

最近梁競徽染咗金色頭髮，佢同TVB嘅綠葉胡炯龍（現改名為胡譯聰）一齊帶貨，兩人經常喺微博、抖音互動，似乎有唔少合作。梁競微近嚟主力sell生果，直播時胡炯龍都有陪同出鏡。

Photo from 梁競徽抖音

Photo from 梁競徽微博

即睇更多人氣文章：
商場驚現富豪「出巡」周圍逛名店購物卻惹怒售貨員？！被踢爆「紙袋裡面咩都冇！」真實身份疑似曝光
大肚前度去婚禮索取55萬分手費 新郎解釋不果被指責 新娘霸氣出手平息事件

梁競徽直播賣生果，徒手掰蘋果、榨橙汁

梁競徽直播帶貨賣生果，首先佢就大讚蘋果多汁又爽脆，此時旁邊嘅女士就用手摵開個蘋果，力證蘋果超多汁，梁競徽有樣學樣，見佢用力摵蘋果時表情都十分肉緊，相信佢都花咗唔少氣力。

Photo from 梁競徽抖音

Photo from 梁競徽抖音

Photo from 梁競徽抖音

喺另一段抖音片中梁競徽再sell埋橙，應該係同蘋果同一場直播，今次梁競徽學識咗農場老闆娘嘅帶貨技巧，即時徒手榨出橙汁，並親自飲用，佢力讚橙汁勁甜，好似飲緊市面上嘅橙汁飲品咁，為咗帶貨梁競徽絕對係出晒力。

Photo from 梁競徽抖音

Photo from 梁競徽抖音

Photo from 梁競徽抖音

網民直言人氣低無帶貨能力，梁競徽稱帶貨好有意義

雖然唔少網民都表示梁競徽帶嘅貨睇落品質都唔錯，不過都有「潑冷水」嘅網友直言：「騙人的東西」，可能佢曾經買貨中伏，亦有人指梁競徽「香港做得唔好，別上大陸」，甚至有網民表示梁競徽喺內地人氣唔高，根本做唔到「明星帶貨」嘅效果：「這點人氣就先別帶貨直播吧！」

Photo from 梁競徽抖音

Photo from 梁競徽抖音

Photo from 梁競徽抖音

梁競徽曾經拍片表示自己唔係無劇拍先帶貨，而係覺得帶貨好有挑戰性，佢指唔認為帶貨好落魄，反而覺得係好專業，可以搵到唔同嘅好物推薦畀fans好有意義。另外佢又稱屋企人依家都喺香港。

Photo from 梁競徽抖音

Photo from 梁競徽抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）