淺草美食2023｜京都抹茶名店「八十八良葉舎」淺草開店！必試招牌抹茶拿鐵

Digital Editor

日本京都嘅抹茶全國聞名，不過即使喺東京都一樣可以品嚐到京都抹茶名物！「八十八良葉舎」嘅2號店「八十八淺草」已進駐東京淺草，推薦必試招牌飲品「抹茶拿鐵」，以及淺草店限定嘅「淺草布丁」。

京都抹茶名店「八十八良葉舎」進駐淺草開設2號店

一講到京都都會聯想起抹茶，當地到處都係抹茶甜品店，簡直係抹茶控嘅天堂！其中一間日本茶名店「八十八良葉舎」最近就喺東京淺草開設2號店「八十八淺草」，大家去淺草觀光時都可以品嚐到嚟自京都嘅抹茶甜品啦！

「八十八淺草」選址鄰近隅田公園，翻新改造當地一間建築已有70年歷史嘅無釘木造民家，保留返古色古香嘅民宅外觀，充滿舊日京都和式風味。店內亦有「立食區」，買完甜品、飲品可以喺店內享用。

店內3款拿鐵：「抹茶拿鐵」、「日式紅茶拿鐵」、「焙茶拿鐵」都相當受歡迎，其中「抹茶拿鐵」人氣最高，另外用上深度烘焙嘅茶葉製成嘅「焙茶拿鐵」亦十分有特色，仲可以加雪糕同白玉，飲起嚟更有層次！

「抹茶拿鐵」除咗可以加抹茶雪糕、白玉之外，仲可選擇加「泡沫抹茶」以及夾住抹茶奶油嘅竹炭餅乾，口感超豐富～

另一款推薦嘅抹茶甜品就係淺草店限定嘅「淺草布丁」，抹茶布丁上面舖住厚厚一層抹茶醬，加上煙韌嘅白玉同埋抹茶粉，啖啖都係濃郁嘅抹茶香氣，抹茶控必試！

店內仲有2款甜品好適合做手信，第一款係抹茶Terrine，Terrine雖然喺法國通常都係鹹食，做成甜食亦另有一番風味，可以配搭雪糕、水果，不過留意需要冷藏保存，可保存一個禮拜。

仲有一款係半烤抹茶、焙茶，加熱後會有濃濃嘅茶香，可以常溫保存一星期，加上獨立包裝，啱曬做手信派畀親朋好友～

八十八淺草
地址：東京都台東區花川戸2-14-3
營業時間：(星期一至五）11:00～17:00；（星期六至日）10:00～17:00
交通：東京Metro銀座線淺草站落車，7號出口步行5分鐘

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

20 Dec 2022

東京淺草又有新景點！今年7月才剛開幕的「淺草橫町」，位於東京樂天地淺草大樓內，以祭典及美食主題，被當地人喻為最新的美食殿堂，最吸引是場內提供和服及浴衣租借服務，更可身穿和服到附近的景點打卡，一年365日都可以感受到日本祭典氣氛！

日本最近才開關，剛好錯過日本最盛大和熱鬧的夏日祭典，想隨時隨地感受日本祭典氣氛，並不是難事！位於東京樂天地淺草大樓內的「淺草橫町」於今年7月才開幕，淺草橫町以別具日本風情的夏日祭典及美食為主題，場內不時更會舉行表演節目，包保大家玩得盡興！

Photo from PRTIMES

甫進位於4樓的「淺草橫町」四週五光大十色的燈箱擺設、燈籠已經令人目不暇給，令個角落都非常「IGable」；另外迷你風鈴、撈金魚裝飾、面具等等，還原祭典現場的遊戲攤位；淺草橫町不定時會進行祭典表演，週末限定表演更有日本傳統舞蹈演出，營造熱鬧的夏日祭典氣氛！

Photo from PressLogic

Photo from PRTIMES

淺草橫町一共有7間餐廳進駐，分別有串燒店、居酒屋、內臟料理、韓國料理、壽司居酒屋、豬肉串料理、鰻魚料理等，選擇相當豐富，總有一間啱你心水，其中專食雞肉料理的「ユラユラ」對食材相當講究，記者推介福岡雞皮串燒，非常惹味！

Photo from PRTIMES

有得食當然有得玩，淺草橫町有一間和服及浴衣租借店，這是日本著名的和服品牌之一，日本各地都可以見到其蹤影，價錢由¥3,300起，即可以租到華麗鮮艷的靚和服！身穿和服的大家除了可任意在淺草橫町內打卡，更可以順道到附近的人氣景點打卡，比如淺草寺、雷門寺打卡！

Photo from PRTIMES

淺草橫町
地址︰東京都台東區淺草2-6-7 4樓
營業時間：
餐廳：星期一至日 12:00～23:00
和服租借：星期一至日 10:00～17:00

圖片來源：PRTIMES

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel