《天龍八部》黃日華、陳浩民、樊少皇合體拍古裝廣告！網民：腫咗又老咗！

娛樂新聞

By Wing Ws on 12 Apr 2023

Digital Content Writer

1997年無線播出劇集《天龍八部》係唔少人嘅經典，近日，手遊《天龍八部2》搵返當年3位主演拍廣告，重演當年角色，不過唔少人直指角色變老，甚至肥咗！

Photo from 天龍八部2手遊微博

由黃日華、陳浩民、樊少皇及李若彤領銜主演嘅無線古裝武俠劇集《天龍八部》於1997年播出，於內地引起熱潮，角色深入民心，劇集距今已有26年，眾人亦各有發展。

Photo from TVB

Photo from 微博

近日，經典網絡遊戲《天龍八部2》手遊搵返當年3位劇集演員黃日華、陳浩民及樊少皇，合體拍攝新一輯廣告，3人再度飾演劇集中角色，廣告中，黃日華飾演嘅喬峰（後改名為蕭峰）打出降龍十八掌，陳浩民飾演嘅段譽使出輕功凌波微步，樊少皇飾演嘅虛竹用逍遙派武功，重演當年氣派！

Photo from 天龍八部2手遊微博

Photo from 樊少皇微博

廣告嘅推出成功引起討論，唔少人直呼廣告落咗重本，就連普通話配音都係當時嘅人，非常用心！不過，亦有網民直指演員老咗：「蕭峰老了」，仲覺得變咗角色個老竇咁：「變蕭遠山（蕭峰父親）了」，但都有人認為：「雖然老了，但是演戲更有味道」，另外，可能係服裝問題，唔少人認為3人睇落臃腫，特別係黃日華：「好像比以前電視劇裏胖了點」、「黃日華咋胖的都不認識了」、「哥仨都吃胖了啊」、「肖鋒（蕭峰）天不怕地不怕，怎麼臉水腫了」。

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

黃日華新舊豪宅大公開！35年前舊宅有酒吧婚後住3層高純白靚屋擁巨廳

25 Oct 2021

60歲黃日華於80年代從無綫藝員訓練班畢業後出道，演活了不少大角嘅佢當時紅遍兩岸三地，更係無綫五虎將之一。近日，TVB重新上載1986年《K-100》探訪其屋企片段，當時佢入行6年已住靚大屋，而佢喺2019年於內地節目曝光嘅新屋更有三層高！

Photo from 黃日華微博

黃日華80年代已買靚屋

近日，TVB在YouTube上載了1986年節目《K-100》到黃日華住宅訪問影片，當時黃日華僅僅出道了6年，已在公司附近置業以方便出入。佢表示，由於日常拍攝面對太多「刺眼」嘅佈景、燈光、戲服，所以佢特意選擇柔和嘅米灰色作為單位主色調。

Photo from TVB

環境開揚，更有酒吧招呼朋友

片段可見，黃日華舊址客廳佈置頗為時尚，牆上掛有八角形鏡，茶几和窗台放置了數棵植物，而打開窗亦可欣賞開揚景色，就如黃日黃所講，「（景色）無高樓大廈阻擋，有山有樹木，比較悅目。」

Photo from TVB

黃日華舊址內更設有酒吧招呼朋友，而酒吧檯下更設有多盞燈營造氣氛，認真別緻。

Photo from TVB

擁大浴缸、高櫃放滿回憶物品

黃日華表示，屋內嘅浴室達到佢小時候希望有一個大浴室嘅願望，片段可見，以粉藍色及米色為主嘅浴室內有一個大浴缸，讓屋主黃日華完成繁忙工作後可以泡熱水澡放鬆一番，佢仲話會舒服到喺浴缸內瞓著！

Photo from TVB

屋內另一個讓黃日華非常滿意嘅家俱就係放置獎章與紀念品嘅高櫃，入面放有好多黃日華讀書時期奪得嘅運動獎章、影迷送嘅禮物及個人海報等等，係個充滿回憶嘅展櫃！

Photo from TVB

新屋再「升呢」，3層高乾淨企理

黃日華於80年代首次置業嘅屋企雖然別緻舒適，但對於現在有家室嘅佢嚟講，空間就唔夠大喇。所以，黃日華於2019年同女兒黃芷晴一同亮相內地真人騷《女兒們的男朋友》時就公開了新家。佢哋一家人嘅大宅高三層，以白色為主色，感覺乾淨又闊落，大客廳設在二樓，可見佈置企理，擺了兩張沙發、茶几、高櫃後仍有充裕活動空間。