成人教科書｜印度富豪家族5萬呎豪宅曝光！可住逾100人，如奢華宮殿

By Jennifer on 13 Apr 2023

Digital Editor

洪永城主持嘅節目《成人教科書》近日就到訪12歲印度裔男生Shahan屋企，佢家族喺香港居住超過100年，Shahan屋企面積逾成5萬呎，全屋裝修豪華如宮殿，家中隨處可見壁畫、雕像、水晶燈等，金碧輝煌到連洪永城同幾位小朋友都十分驚歎。

Photo from TVB

12歲印度裔男生Shahan家族豪宅公開

香港人對印度人有刻板印象，新一集《成人教科書》洪永城同3位香港小朋友就參觀咗12歲印度裔男生Shahan嘅豪宅，Shahan嚟自印度夏利里拉家族，家族喺香港居住超過100年，唔少家族成員都係喺香港出生長大，包括Shahan、Shahan嘅媽媽同阿姨。

Photo from TVB

Shahan同媽媽、阿姨都有一口流利統正嘅英文，Shahan表示自己喺香港從未受到歧視，認為香港係一個好平等嘅地方。門口玄關位就放咗一啲神像，幾位小朋友同洪永城一入門就忍唔住感歎：「真係好大喎呢度！」

Photo from TVB

豪宅面積超過5萬呎，最高峰曾有逾100人居住

Shahan指豪宅係佢祖父同一班兄弟喺1960年代發跡後興建，Shahan家族嘅豪宅面積超過5萬呎，最高峰曾有逾100人居住！喺大宅唔少地方都有印度壁畫、洋蔥形圓頂嘅縷空拱門，裝修風格與印度泰姬陵相似。

Photo from TVB

Shahan介紹家中嘅活動室，連同主要飯廳，面積已比唔少人嘅屋企更大，佢表示家族會喺度開party、婚禮嘅雞尾酒會，活動室都有唔少擺設，裝修十分有氣派，而活動室只係供家族內部使用，招待賓客則會有另一個廳。

Photo from TVB

水晶燈吊、雕像、燈光噴泉，豪宅大到似博物館！

大宅內仲有其他飯廳，其中一個飯廳有好多珍貴擺設，以及超大型水晶燈，非常豪華。Shahan指呢個飯廳係畀家族第一代嘅成員用餐及舉行家庭會議。至於年輕一代嘅家族成員如Shahan同佢嘅表親則喺另一個廳活動，雖然係畀年輕人使用，但呢間房同樣都擺放咗好多名貴飾品，裝修風格超有氣派。

Photo from TVB

大宅內到處都有豪華嘅水晶吊燈，亦有印度流行嘅圓頂裝修。5萬呎嘅豪宅當然唔少得有螺旋樓梯，樓梯大廳更擺放咗好多雕像，小朋友們表示Shahan屋企真係好似博物館咁！Shahan家中更設有噴泉，當屋企舉行party、大型宴會時就會開燈。

Photo from TVB

凳鑲青銅，裝修超有氣派

Shahan介紹另一個蒙兀兒廳，因為採取咗印度蒙兀兒嘅建築風格，入面有好多拱型裝飾，又有數張圓枱，粗略估計可坐到幾十人，酒吧同座椅都鑲咗青銅，呢個蒙兀兒廳主要係用嚟舉行正式派對同婚禮。Shahan表示當有人嚟參觀佢屋企多數都會驚歎稱「呢度好大」，而佢雖然鍾意見到佢哋感歎嘅表情，但往往唔知點應佢哋，只好回應：「Thank you.」

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB挑戰禁忌｜洪永城帶小朋友提早探討生死，體驗瞓棺材化死人妝被父母鬧爆

4 Apr 2023

「生與死」一直是個虛無縹緲的議題，人生無常，即使如大人般歷練足夠也未必可以有信心能夠對「生死」豁然開朗，更何況一班入世未深的小朋友？由洪永城（Tony）主持於TVB播出的綜藝節目《成人教科書》，教導一班小朋友「成長之路」，而今個星期的課題是「生死」，小朋友們又要「瞓棺材」又要「化死人妝」，更要參與「生前派對」，為他們提早經歷人生課題。

Photo from 《成人教科書》

為小朋友提早經歷人生課題受爭議

《成人教科書》就「男女」、「生死」、「你我」及「美醜」四大對立主題為23位小朋友提早去探討人生，播出至今都受到不少家長爭議，第一集的「斷捨離」中將一位10歲的小朋友心愛的物件全部丟棄，令小朋友失控爆喊，因而令家長指責覺得對小朋友過份殘忍。而最近一集更講到「生死」，節目中更加安排小朋友填死亡證、求神問卜、接受生死教育、體驗野外求生外等等。其中一位11歲的小朋友陳穎朗更加自動請纓要求體驗遺體化妝，結果被父親更強烈反對。

「每一個人最後都要經歷一次」

雖然被爸爸強烈反對，但穎朗仍然堅持，最後爸爸只好尊重穎朗的決定被迫接受，而穎朗雖然「人仔細細」但就「道理多多」，對於「死人化妝」就有另類感受並表示「我覺得同平時瞓覺差唔多，純粹唔會醒咁解」、「遺體化妝唔係好恐怖嘅事啫，每一個人最後都要經歷一次，但係（到時）經歷咗又唔知係點，所以我就想（趁依家有機會）親身體驗一吓。」對於父母的反應穎朗就認為「其實我試咗又唔代表我會死，我唔試又唔代表我唔使死，我覺得係一個好好嘅體驗，唔係每個人都有得試。」聽罷都不禁令人懷疑穎朗到底是否只有十歲。

Photo from 《成人教科書》

而身為主持人的洪永城更表示其實拍攝時的過程毫不簡單，光是尋找遺體化妝師已經困難重重：「好多業內化妝師都覺得幫小朋友化呢啲妝唔吉利，所以都一一拒絕咗我哋。」而體驗完遺體化妝之後的穎朗更加同時體驗百日宴的王子式化妝，對於兩大妝容，穎朗更加是樂於接受：「兩個意義都差唔多啫，都係想靚啲」。

Photo from 《成人教科書》

經歷生死之後舉辦「生前派對」

其實節目組所挑選的小朋友中每位背後都是有經歷的，例如參加「生前派對」的11歲朱梓童，原來她小時候曾患病經歷過重大手術，對於跟她經歷過生死的家人，令她的「生前派對」更加別具意義，而生前派對的意義在於，讓主角在籌辦派對過程中，可以回顧人生最重要的時刻，選擇在自己仍在世時，將親朋好友聚在一起一一答謝，令大家再無遺憾。

Photo from 《成人教科書》

而11歲的梓童在台上答謝父母時就為自己經常控制不了臭脾氣，一再跟父母道歉跟道謝，而父母上台致謝時，亦坦言多謝梓童活出屬於自己的生命，在她年幼幾歲時就要面對重大的手術，沒想過從小喜歡Iron Man的她會以這種方式去鍛鍊自己成為Iron Man，更多謝她完成一個又一個的考驗，令全場都非常感動落淚。其實這類的體驗的而且確相當難為可貴，能夠令一班小朋友提早珍惜身邊的一切，又難怪一班參加者的父母願意讓子女們參加節目。