補習天王林溢欣豪宅環境曝光 曾獲8千萬年薪邀過檔 自爆考公開試壓力超大
35歲補習天王林溢欣（YY Lam）從事教育界多年深受學生歡迎，在遵理學校任教10年，高峰期開設130班仍全數爆滿，2015年獲現代教育登報以8500萬年薪挖角，引起一時轟動，當時他拒絕過檔，直言：「八千萬，於我無別」，霸氣十足，前年更逆市自立門戶創立凝皓教育，是補習界的傳奇人物。近日他在YouTube頻道「試當真」新節目亮相，公開自己的九龍塘豪宅環境，親解當年8500萬年薪一事，並剖白自己讀書時期考公開試的經歷。
Photo from 試當真 YouTube
YY Lam自爆租住豪宅 環境闊落舒適
香港中學文憑試（DSE）筆試下星期（4月21日）正式開考，YouTube頻道「試當真」趁機推出真人騷節目，紀錄校草兼DSE考生滕毅康（阿康）的考試經過，主持許賢邀得YY Lam擔任阿康的私補導師，令許多學生羨慕不已。節目中許賢拜訪了YY Lam位於九龍塘的豪宅，可見屋內環境闊落，客廳放有一張圓桌及大梳化，掛著水晶吊燈，裝修簡約明亮，給人乾淨舒適的感覺。YY Lam透露自己與父母同住，表示該豪宅只是租住，坦言怕麻煩，更自爆每兩年便會租一次屋，他直言：「千奇唔好以為我買得起，我只係租。」
Photo from 試當真 YouTube
Photo from 試當真 YouTube
自白考公開試心態 親解當年8500萬年薪傳聞
YY Lam過去一直不願公開自己的豪宅真面目，因為怕人覺得炫富，許賢問到他為何這次會破例公開住所？YY Lam指以前一家人住在400多呎單位，現時搬到豪宅生活，他認為自身經歷相當正面，希望藉此鼓勵學生用功讀書，坦言:「原來有一日你讀書讀得叻，都可以改變自己生活」其後YY Lam更剖白自己當時考公開試的心態，他自言讀書時期壓力頗大，因為他的姐姐成績未如理想，家人將希望全寄托在他身上，表示：「你係林家希望」，所以自己非讀書不可。最尾YY Lam更親自回應當年現代教育登以8500萬年薪力邀過檔的傳聞，YY Lam解釋：「8500萬當然唔係真，只係數字吸引」
Photo from 試當真 YouTube
Photo from 試當真 YouTube
逆市自立門戶 豪花150萬豪送勞力士予員工
YY Lam於遵理學校及英皇教育任教中文科10年，與遵理合約期滿後，2021年尾他決定自立門戶，逆市創立凝皓教育，跳出舒適圈，不再只負責講課，兼任老闆處理公司所事務。去年他在FB分享公司飯局照片，表示豪花150萬購入9隻勞力士手錶及9隻金飯碗，贈予18位與他共事了10年的同事，據指他買下的勞力士錶為EXPLORER款式腕錶，官方售價$55700，二手市場炒價達至$74000，不少人都大讚YY Lam是難得一見的好老闆，指他出闊綽，與同事有福同享，大方行為就如曾送贈勞力士錶給特技演員的奇洛李維斯。
Photo from YY Lam IG
Photo from YY Lam IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港爸住半山豪宅出$40時薪請補習老師！列9大要求：唔貪錢/24小時WhatsApp問功課
23 Nov 2021
Photo from TVB
港爸為就讀國際學校中五子女聘請IB全科補習老師
依家競爭咁大，為咗唔好「輸在起跑線上」，好多家長都會安排仔女補習，務求喺學業方面有好嘅成績。近日喺Facebook嘅「補習老師/家長/托兒配對」群組有網友發文，掀起熱議。
Photo from TVB
呢位港爸為就讀國際學校中五嘅仔女徵IB全科補習老師，時間為逢星期一至五4:00pm～6:00pm，一日兩個鐘。
Photo from 上流寄生族
住半山豪宅僅付$40時薪被狠批
另一個引起關注嘅係工作地區係「半山區獨立屋」，相信呢位就讀國際學校嘅中五生家境相當殷實，照計薪資應該都唔錯，但實際上待遇就唔係好優厚。
Photo from TVB
港爸畀嘅時薪為$40，更列明如果表現好同守時，可以喺半山區獨立屋食埋飯先走，並可獲贈$5獎勵。
Photo from 上流寄生族
唔少網友認為$40時薪比市面上嘅價錢更低：「補IB，最起碼$400～$600/小時」，而且「食埋飯先走」同「$5獎勵」亦一啲都唔吸引：「5年前我同小學生補都要收人70元粒鐘啦！冇錢就唔好請人補，自己同佢補飽佢！」
Photo from Facebook
Photo from Facebook
列9大要求：唔貪錢、24小時WhatsApp問功課等
呢位港爸更列出9大要求：有教學熱誠、唔貪錢、大學畢業、全英教學、守時、提供練習、24小時WhatsApp問功課，並指現職教師優先，大學未畢業免問。
Photo from Facebook
$40時薪仲要包埋24小時WhatsApp問功課，令網民認為「40蚊而家食個餐都唔夠畀」，而且港男似乎十分著重補習老師要達到「唔貪錢」呢個要求，因為佢喺貼文一開始就強調：「只接受有教學熱誠的導師，只顧學費多少的拜金主義者免問」
Photo from TVB
Photo from Facebook
現時相關貼文已被刪除，但有網民就搵到疑似港爸帳號喺部分補習廣告貼文下留言問可唔可以「免費試堂」，有網友直言：「佢同乞衣有咩分別」
Photo from Facebook
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
九肚山中產日薪$800請萬能姨姨 6小時清潔補習+教琴 網民：識教琴仲使幫你執屋咩！
16 Aug 2021
唔少中產家庭都會聘請家務助理，職務一般包括清潔及整理居家環境等。不過，最近網上流傳一則招聘告示，顯示一中產家庭誠徵一名「萬能姨姨」，6小時工作除咗包括家居清潔外，更要幫7歲兒子補習和教琴，但日薪都只得800港元。網民對此都大呼離譜，又直斥其應徵者條件離地。
Photo from 奇怪的保姆
最近，一則招聘告示截圖於連登討論區流傳，顯示一個居住九肚山家庭想聘請一名「萬能EE（姨姨）」。告示先表明工作地點實用面積約一千呎，每周逢星期六或日工作，工時由早上8時至下午2時，6小時工作日薪800港元。
Photo from 連登討論區 截圖
至於職責，招聘上除了要求4小時家居清潔（範圍包：2個浴室、廚房、拖地、換床單、燙衫、抹窗等）、仲包1小時幫僱主嘅7歲兒子補習、睇功課以及1小時教佢鋼琴或小提琴。
Photo from 金宵大廈
Photo from 連登討論區 截圖
而應徵者條件，僱主則要求有大學程度、鋼琴或小提琴8級或以上、已打至少一針疫苗、自攜乾淨衣服入屋更換、性格爽快積極、有交帶等。
Photo from 不能說的秘密
Photo from 連登討論區 截圖
對此，好多網民都對僱主有唔少批評：「6個鐘， 剩係做清潔請鐘點都要依個數， 係無知定真係刻薄？」、「鋼琴+補習都算仲想慳埋鐘點，有錢住嗰區（九肚山）但係就無錢請人」。
Photo from 愛回家之開心速遞
Photo from 連登評論
Photo from 連登評論
除此，亦有唔少網民直指僱主出價太低、要求無理，「請個鐘點4小時好似都要$6xx-7xx，仲要補習教琴小提琴，仲要星期六日應該全家喺曬到，收一千都好似有啲少」、「鐘點都百二一個鐘」、「要個大學畢業嘅去洗廁所+識樂器+幫?仔補習，800蚊1粒鐘就合理」。
Photo from 連登評論
Photo from 連登評論
Photo from 連登評論
另有網民對招聘告示反感，直言：「無X嘢呀？識教琴補習仲使幫你洗廁所？」，狠批僱主自以為有錢卻非常寒酸。
Photo from 愛回家之開心速遞
Photo from 連登評論
Photo from 連登評論
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
