download HolidaySmart 假期日常 app
中年好聲音|周吉佩為追夢放棄穩定收入終冠,網民瘋狂留言嘲造馬戥李佳唔抵

中年好聲音|周吉佩為追夢放棄穩定收入終冠,網民瘋狂留言嘲造馬戥李佳唔抵

娛樂新聞
By Pat on 24 Apr 2023
Digital Editor

TVB播出接近半年的《中年好聲音》日前終於舉行總決賽,總決賽由最後六強進行大對決,六強包括吳大強、龍婷、李佳、羅啟豪、顏志恒及周吉佩,最後由37歲的周吉佩(吉吉)奪得總冠軍、亞軍為李佳、季軍為羅啟豪,歷時半年的比賽終於都完滿結束。但原來網民認為比賽結果不公平,認為周吉佩只是贏年青跟有後台撐腰,替大熱的亞軍李佳不值。

《中年好聲音》截圖 Photo from 《中年好聲音》截圖

周吉佩奪得總冠軍Photo from 《中年好聲音》截圖

周吉佩對奪得總冠軍心情激動Photo from 《中年好聲音》截圖

從小對音樂熱誠

周吉佩中學開始已經參加歌唱比賽,對音樂一直有濃厚的興趣,到2005年跟朋友組成樂隊Space擔任主音及結他手,其後參加有線電視線動真音樂全港歌唱大賽取得亞軍,與有線電視旗下公司驕陽星藝館簽約成為歌手並於2008年推出個人EP 「Getting Start」,可惜其後唱片公司結業令他的音樂夢碎,之後一直於傳媒機構工作,到2015年將樂隊Space改名為sp'ACE加入Neway Star星娛樂公司,2019更於旺角麥花臣球場舉辦sp'ACE《Our Gravity》香港演唱會,到2020年sp'ACE樂隊正式解散。

327237646_438263385100772_3425309410673274271_n

15年前仲推出過EP!Photo from katchau86@IG

吉吉的fans們「吉S粉」Photo from katchau86@IG

李佳出身音樂世家

至於亞軍的李佳出生於上海,父母以唱京劇為主,從小就被訓練得良好的音樂天份,十幾歲時開始參加歌唱比賽,由於歌藝出眾更在上海當過一段時間的歌手,後來定居英國跟丈夫結婚,但因為渴望可以再踏舞台,於是16年11月丈夫支持下舉家移民回港。第二年更參加了3個歌唱比賽,結果奪得兩個總冠軍及一個亞軍,更獲業界歌唱導師的肯定,推薦成為歌唱導師,從此以教唱歌為生。

李佳出身音樂世家Photo from seesawsin@IG

更經常有公開表演!Photo from mirandalee1978@IG

網民反應一面倒指TVB造馬

對於周吉佩奪得冠軍,有網民們就於公布賽果的專頁上瘋狂留言指認為TVB造馬,又指周吉佩唱歌走音忘記歌詞為何可以奪冠,更指對賽果非常失望,又認為李佳唱得比任何人都好,有網民直言「最無觀眾緣,最差的攞冠軍,浪費了我半年時間,真心嬲,太不公平」、「造馬一直係cctvb嘅強項,敢認第三,第二第一都冇人敢認」、「第一季就做馬到咁,唔會再睇第二季,李佳會差過隻吉?」但亦有持平的網民認為,「獎項應該頒比最需要嘅人,李佳早已經有事業,而龍婷一早已經揚名,英國豪玩票性質,周吉佩奮鬥多年,係最需要」、「周吉平時表現認真麻麻,不過無可否認今晚佢表現係超乎平時水準嘅,班評判畀分標準除咗基于參賽者嘅歌藝同埋當時表演是否特出之外,仲要考慮埋佢形像可以去到幾遠」。

seesawsin@FacebookPhoto from seesawsin@Facebook

seesawsin@FacebookPhoto from seesawsin@Facebook

seesawsin@FacebookPhoto from seesawsin@Facebook

seesawsin@FacebookPhoto from seesawsin@Facebook

seesawsin@FacebookPhoto from seesawsin@Facebook

seesawsin@FacebookPhoto from seesawsin@Facebook

seesawsin@FacebookPhoto from seesawsin@Facebook

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

中年好聲音|屯門娜娜首集即被淘汰!肥媽狠批唱歌唔認真?!

Nov 28, 2022

TVB節目《中年好聲音》首播,「屯門娜娜」(董幸兒)亦有出場,雖然有大批fans包括Happy伯山長水遠入電視城力撐,但一盞燈都無被即時淘汰!評判之一嘅肥媽更狠批屯門娜娜掛住擺pose。

TVB節目《中年好聲音》首播,「屯門娜娜」(董幸兒)亦有出場Photo from TVB

《中年好聲音》首播將淘汰50位參賽者

選秀節目《中年好聲音》選出100名入圍參賽者進行比賽,其中最受矚目嘅就係「屯門娜娜」董幸兒,錄製淘汰賽嗰時娜娜獲好多fans到場力撐,當中更包括「頭號擁躉」Happy伯!

有「屯門娜娜」之稱嘅董幸兒,錄製淘汰賽嗰時娜娜獲好多fans到場力撐Photo from TVB

淘汰賽賽制係從100人中選出50人進入下一回合,參賽者背對評判唱歌,每一位評判亮燈,參賽者腳下旋轉舞台會轉動,得到3盞燈或以上嘅參賽者會面向評判,得到4、5盞燈嘅參賽者將直接晉級;得到3盞燈嘅會留等候區再被挑選晉級;只得1、2盞燈,甚至無燈嘅參賽者則即時淘汰!《中年好聲音》最終勝出者可以主唱TVB劇集曲。

每一位評判亮燈,參賽者腳下旋轉舞台會轉動Photo from TVB

只得1、2盞燈,甚至無燈嘅參賽者則即時淘汰!Photo from TVB

屯門娜娜半鹹淡廣東話唱《風的季節》忘詞

節目介紹屯門娜娜時指佢今年36歲,職業係娛樂直播。著上綠色格仔衫嘅娜娜選擇唱《風的季節》參賽,娜娜勇於挑戰廣東歌,用半鹹淡廣東話獻唱,有咬字不清嘅情況,而包括Happy伯在內嘅一眾娜娜fans就十分熱情咗揮手支持偶像,Happy伯亦聽到點晒頭,狀甚陶醉。

娜娜選擇唱《風的季節》參賽,娜娜勇於挑戰廣東歌,用半鹹淡廣東話獻唱Photo from TVB

包括Happy伯在內嘅一眾娜娜fans就十分熱情咗揮手支持偶像Photo from TVB

評判表情真摯Photo from TVB

雖然有fans撐場,但娜娜卻唔記得歌詞,後面有調整返但佢亦顯得十分懊惱,忍唔住用手打自己個頭,最終佢一盞燈都無被即時淘汰。而評判之一嘅肥媽更直言佢唔係認真唱歌?!

雖然有fans撐場,但娜娜卻唔記得歌詞,後面有調整返但佢亦顯得十分懊惱,忍唔住用手打自己個頭Photo from TVB

最終屯門娜娜一盞燈都無被即時淘汰Photo from TVB

肥媽狠批娜娜唱歌唔認真,掛住擺pose

肥媽亦著咗綠色衫同娜娜「襯到絕」,更有網友笑言係「母女裝」,不過喺娜娜忘詞時肥媽已經聽到皺晒眉,應該對娜娜表現非常不滿意,佢表示娜娜「太多嘢諗」,指未開口唱歌娜娜已背住評判大擺pose:「你喺後面,未見到你個樣就已經....你淨係記得擺pose!」

喺娜娜忘詞時肥媽已經聽到皺晒眉Photo from TVB

肥媽似乎對娜娜表現非常不滿意Photo from TVB

肥媽表示娜娜「太多嘢諗」Photo from TVB

肥媽指未開口唱歌娜娜已背住評判大擺posePhoto from TVB

肥媽直言:「你淨係記得擺pose!」Photo from TVB

娜娜最終遺憾淘汰,唔少網友都認同唔應該畀佢入圍,但亦有部分網友希望娜娜可以「復活」繼續參賽。其實娜娜喺錄影當時都獲一位忠實fans送上利是,就算入唔到圍亦有利是收,娜娜點都係有收穫嘅。

有部分網友希望娜娜可以「復活」繼續參賽Photo from TVB

廣告
廣告

娜娜喺錄影當時都獲一位忠實fans送上利是Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《中年好聲音》入圍名單出爐!至少9位都「有背景」!屯門娜娜/李玟姐姐李思林

4 Nov 2022

無綫近年似乎非常熱愛舉辦選秀節目,近日為咗鼓勵唔同年齡層嘅觀眾追夢,大台正預備拍攝《中年好聲音》引起熱議。經過重重嘅面試關卡,節目組成功選出100位參賽者入圍,而早前公開咗其中38位參賽者嘅身份,其中有好多位參賽者本身已經高人氣,部份人嘅屋企人都係名人嚟㗎!

《中年好聲音》已經選出100位入圍參賽者,當中有38人出席咗記者會。Photo from 東張+

大台全新選秀節目《中年好聲音》招募參賽者,反應熱烈,逾3千人報名參加大戰歌喉。近日,節目組成功從中選出100位參賽者進行比賽;其中有38位參賽者喺昨日(3日)出席記者會,首次同大眾見面!而比賽評審肥媽(Maria Cordero)、車婉婉、資深音樂製作人伍仲衡、唱片監製張佳添等人都一齊出席,人脈超廣嘅肥媽仲搞笑咁話「哇!一嚟到咁多識嘅人嘅」,可見參賽者都「份量十足」!

《中年好聲音》嘅評審有:肥媽、車婉婉、資深音樂製作人伍仲衡、唱片監製張佳添Photo from 東張+

「屯門娜娜」

當中喺面試期間已經人氣極高嘅「屯門娜娜」(董幸兒)亦成功入圍!佢表示收到入圍通知嘅電話時非常興奮,冇諗過自己最終真係能夠入圍;仲話將來可能會喺表演時加入舞蹈,務求展現最好嘅一面~

人氣極高嘅「屯門娜娜」成功獲得參賽資格!Photo from 東張+

佢坦承冇諗過可以成功入圍,感到非常高興!Photo from TVB

李思林(李玟姐姐)

歌手李玟(Coco)嘅二家姐李思林(Nancy)都入圍,佢曾經喺1992年參加香港小姐競選!佢喺接受訪問時表示心情緊張,直言自己好少參加類似比賽「對上一次喺評判面前表演已經係30幾年前。」揚言過往自己並冇參加歌唱比賽係因為怕有壓力,但宜家佢已經下定決心要踏出第一步喇~

李玟嘅二家姐李思林成功入圍!Photo from 東張+

渴望突破自己而決定參賽!Photo from TVB

不過Nancy表示其實妹妹李玟尚未知道佢參加比賽,但佢亦深信家人會全力支持佢。佢坦承「我本身推薦我大家姐參加,但佢話唔好啦壓力好大㗎,有個咁出名嘅啊妹(李玟)」,令Nancy決定想展現另一面俾觀眾睇「俾個機會我展示下俾大家睇!」

Nancy表示大家姐因為擔心妹妹李玟人氣太高,驚太大壓力而唔敢參加比賽!Photo from 李玟微博

即睇更多人氣文章:

陳早怡(陳欣健女兒)

陳早怡坦承自己喺最後一刻先通知爸爸陳欣健參賽嘅消息,而佢謙虛表示自己唱歌並唔叻,當初亦只係同2位朋友參加嘗試下,點知卻竟然成功入圍,令佢都感到喜出望外!過往佢只係試過參加多倫多嘅社區歌唱比賽,比賽經驗唔多。

陳早怡(陳欣健女兒)指好遲先通知爸爸參賽嘅消息Photo from 東張+

陳早怡曾經參加過多倫多唐人街嘅社區唱歌比賽。Photo from TVB

曹敏寶(曹敏莉妹妹)

剛成為人母嘅曹敏寶獲姐姐曹敏莉極力支持參賽,其實佢同大部分參賽者一樣感到十分緊張「其實呢件事好熱血嘅,到宜家中年呢個階段可能要放棄好多嘢先可以參賽」,認為今次將會係一個美好嘅經歷!

曹敏莉嘅妹妹曹敏寶獲姐姐支持參加比賽Photo from 東張+

睇得出姐妹間嘅感情非常好!而曹敏寶亦剛成為人母Photo from 曹敏莉IG

《愛回家》「賈名媛」邱芷微

大台藝人邱芷微最為人熟悉嘅角色係《愛回家》裡面嘅「賈名媛」,喺劇中經常同林淑敏大鬥一番。佢曾於IG上載千字文指自己2007年參加過唱歌比賽「估唔到我第二次參加比賽,雖然初衷不變,但係已經變成「中年」這個category 」揚言雖然只係得男友一人支持,但都希望透過節目追夢!

《愛回家》「賈名媛」邱芷微亦有參賽!Photo from TVB

佢表示周遭嘅朋友都反對佢參加,只有男友落力支持!Photo from 東張+

入圍嘅仲有「黑妹」李麗霞嘅女兒蔡穎秋、JW嘅閨蜜支嚳儀、鄺文珣嘅丈夫應德榮、歌手周吉佩等,位位「有背景」㗎!

「黑妹」李麗霞嘅女兒蔡穎秋Photo from 東張+

JW閨蜜支嚳儀Photo from 東張+

鄺文珣嘅丈夫應德榮Photo from 東張+

出道多時嘅歌手周吉佩Photo from 東張+

「玻璃朱」未能成功入圍?!

而參加面試時引起熱議嘅48歲KOL「玻璃朱」朱庭萱並未有現身記者會,唔知道佢究竟有冇份入圍呢?!當時佢喺面試自稱參加過18區歌唱比賽,仲榮獲灣仔區冠軍;過往曾有人邀請佢去試音但佢卻婉拒對方,令佢覺得成為一生遺憾。喺參加《中年好聲音》面試時,佢表演葉蒨文嘅《我要活下去》,但只係唱咗大約1分鐘就被叮!

「玻璃朱」朱庭萱表示自己攞過灣仔區唱歌冠軍!Photo from 玻璃朱IG

玻璃朱喺參加《中年好聲音》面試時只係唱咗1分鐘就被叮走!Photo from 東張+

大呻表演失準原因

其後仲出post大呻係被電視台嘅安排打亂咗,導致表演失準「入到入面又坐多一個半鐘,勁凍冷氣好彩著咗長袖衫。之後就再安排到試音室門口等,我去咗洗手間出嚟後,突然就同我講我係下一個唱!嘩大佬好突然,兩個幾鐘頭未開過把聲冇講過嘢。又係嗰句,盡做啦。」

玻璃朱疑似不滿電視台面試嘅安排,導致佢最終面試時表現得唔太好Photo from 玻璃朱IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel