賴弘國晒現任靚女老婆Alice，網友讚好有氣質！前妻阿嬌被比較

Digital Editor

賴弘國經歷兩段婚姻，終於搵到「真命天女」，結婚後妻子Alice更極速懷孕，同賴弘國齊齊升呢做父母。近日賴弘國罕有放閃晒出妻子合照，生產後不久嘅Alice已回復纖瘦身型，唔少網民將Alice同賴弘國前妻阿嬌作比較。

阿嬌2018年與台灣「醫界王陽明」之稱嘅賴弘國結婚，不過婚姻僅維持14個月就告終。外界一直猜測兩人離婚原因，賴弘國曾表示離婚十分突然，自己當時收到分居協議書，而阿嬌亦指後悔結婚。賴弘國更稱阿嬌唔愛佢。

不過離婚後2年賴弘國就走出陰霾，2022年2月賴弘國宣佈第三度結婚，更承認妻子Alice已經懷孕，預產期係8月。婚後賴弘國亦極力保護妻子，即使晒合照都會用sticker遮住老婆嘅樣。

但到懷孕後期佢終於公開Alice嘅正面照，當時懷孕約7個月嘅Alice狀態極佳，唔少網友都大讚佢好有氣質！到2022年8月賴弘國再晒照宣佈BB「小賴寶」平安出世，佢同老婆Alice正式升級做父母，踏入人生新階段。

之後賴弘國繼續「低調」，甚少再post妻子照片，BB樣亦都有用sticker遮住。直至近日佢罕有喺IG公開同老婆Alice嘅單獨合照，產後數月嘅Alice已修身成功，著短上衣同短裙，大晒纖瘦身材，賴弘國亦讚妻子係「辣媽」，而Alice則留言幫老公「賣廣告」：「謝謝老公幫忙產後保養」

由於前妻係阿嬌，即使兩人已經離婚但賴弘國嘅動向依然備受關注，而佢嘅現任妻子亦常被網民用嚟同阿嬌作比較。唔少人指Alice樣貌身材氣質不輸圈中人，羨慕賴弘國「有福氣」，三任妻子都係靚女。

第一任妻子趙筱葳（Ivy）係空姐出身，有「華航林依晨」之稱，佢與賴弘國2016年結婚，但婚姻僅維持半年兩人就離婚。Ivy回憶佢離婚亦相當突然，但唔同嘅係離婚卻係由賴弘國提出。賴弘國現任Alice亦曾經任職空中服務員。

阿嬌離婚後就專注工作，雖然一度被指身型暴脹，但參加綜藝節目《乘風破浪3》減重後重回顏值巔峰！近日阿嬌最新近照掀起網民熱議，大讚阿嬌五官超完美，又指佢瘦得好快，依家更瘦到見骨！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

阿嬌鍾情Hermès，被賴弘國嫌買袋唔睇價錢？！收藏多款鱷魚皮手袋

8 Nov 2022

阿嬌鍾欣潼同好姊妹阿Sa北上發展再次迎嚟事業高峰，阿嬌嘅出行都廣受網民關注，其實阿嬌係Hermès fans，著私服多數會拎埋Hermès包包，款式十分豐富，其中收藏唔少鱷魚皮手袋，個個都價值不菲，保守估計值數百萬！

阿嬌之前曾被指打扮出事，但修身後顏值回歸巔峰，工作量上升嘅阿嬌機場照都成為焦點，有網民關注阿嬌每次出行都拎唔同嘅Hermès手袋，更有唔少係相對更珍貴嘅鱷魚皮款式！

作為Hermès嘅fans，品牌唔少經典款式包包，阿嬌都有收藏。其中Hermès Evelyne係近年大熱款式，價錢相對嚟講比較親民，算係Hermès入門級別嘅手袋。阿嬌當然都有入手。

除咗入門款，阿嬌亦有好多Hermès經典手袋。阿嬌擁有一個黑色Birkin 25，炒價達$20萬，睇嚟阿嬌都好中意黑色嘅袋款。Hermès嘅Kelly都係阿嬌嘅珍品之一。

2019年秋冬推出嘅Kelly Danse阿嬌都有收藏，更係黑色鱷魚皮，炒價高達$60萬，阿嬌似乎特別鍾愛鱷魚皮款，佢另一個綠色嘅Kelly Mini亦十分珍貴。Hermès另一款大熱手袋Constance，阿嬌亦有兩隻色，都係鱷魚皮款。

講到Hermès，不得不提阿嬌眾多包包中最為珍貴嘅袋款—「喜馬拉雅Himalayan Birkin」，漸變色十分罕有，除咗要係超級VIP之外，亦需運氣好先可以買到，Hermès喜馬拉雅手袋有價無市，絕對係身份象徵。

阿嬌愛買手袋，佢曾經喺抖音拍片公開家中5層高名牌包包櫃，其中一行係擺滿咗Chanel多款手袋，睇落好似名牌專櫃咁，仲有埋梯同燈，阿嬌果然愛錫自己嘅包包！保守估計阿嬌獎藏嘅手袋總值超話$300萬！

其實之前上節目時阿嬌就透露佢中意嘅牌子比較貴，自己咁辛苦努力工作想買手袋獎勵自己，但前夫（當時仍是老公）賴弘國就曾經話過佢：「買包都不看價錢！」阿嬌願慮到對方感受，一度唔敢買袋。

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel