昂坪360宣佈派免費纜車門票！香港限定！4步登記流程超簡單

昂坪360突發喺Facebook宣佈將會派發免費纜車門票！只要做齊4個步驟就有機會獲得價值$160嘅纜車門票兩張！限時4日，昂坪360更表示係「香港限定」！即睇要點做先有機會拎到免費飛～

昂坪360派發免費纜車門票

開關以嚟香港都推出咗唔少政策吸引遊客，其中昂坪纜車連接東涌至昂坪，沿途可以飽覽香港大嶼山嘅景色，更可以去埋天壇大佛、寶蓮禪寺、大澳漁村、昂坪市集等景點。

昂坪360纜車因為要進行維修保養工程，於5月9日～12日暫停服務。而昂坪360嘅官方Facebook亦趁機推出「昂坪有禮｜72小時突發送纜車飛」活動，只要喺72小時內做齊步驟，就有機會獲得纜車標準車廂門票2張，根據昂坪360官網，標準車廂單程門程售$160。

昂坪360免費纜車門票登記步驟

步驟其實亦十分簡單：

1. Like「昂坪360 Ngong Ping 360」 Facebook專頁

2. Like「昂坪有禮｜72小時突發送纜車飛」Facebook帖文

3. 標註最想同佢去昂坪嘅人

4. 寫下原因

即睇更多人氣文章：
薛凱琪內地拍內衣廣告罕有曬身材！大方承認胸小的女生都可以好靚
和歌山酒店｜無邊際溫泉＋海景桑拿房！套房俯瞰白濱大海超寫意

做齊上述步驟後，官方會挑選5位最有心思嘅得獎者，每位將獲得標準車廂門票2張！留意，經編輯嘅答案會被取消資格！活動日期為即日起至5月12日（香港時間下午23時59分結束），得獎名單將於2023年5月19日喺「昂坪360纜車 Ngong Ping 360 Cable Car」 Facebook專頁公佈。

得獎者需於得獎結果公佈後2日內聯絡昂坪360安排領獎，逾期會作棄權論，不設補領。另外昂坪360更寫明係「72小時香港限定」～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）