USJ門票｜大阪環球影城票價首次突破1萬日圓，即睇最貴入場日子

旅遊攻略旅遊新聞東南亞旅遊日韓旅遊

By Jennifer on 12 Jun 2023

Digital Editor

暑假就到，大家都計劃去旅遊。大阪環球影城係熱門旅遊地之一，日本電視台報道，嚟緊暑假USJ門票售價將會調動，更會突破10,000円，即將去大阪環球影城嘅朋友要留意！

Photo from USJ

暑假向來都係旅遊旺季，而根據旺淡季調整票價嘅USJ喺今年暑期將會再次加價，據日本朝日電視台報道，USJ將首次將門票售價增至10,400円（約$585港元），突破10,000円大關。

Photo from USJ

翻查官網訂票網可見，6月平日嘅成人一日票價為8,600円（約$484港元）、週末成人一日票價則係8,900円（約$501港元），到7月15日起週末嘅成人一日票價升至9,500円（約$534港元）。

Photo from USJ

直到7月29號起，成人一日門票漲至9,800円（約$551港元），8月11日至8月20日門票售價最高，12歳以上成人一日券係10,400（約$585港元）；4〜11歳兒童門票售價為6,800円（$383港元）。

Photo from USJ

呢10日係暑假期間門票最貴嘅日子，之後嘅門票售價慢慢回落。舊年10月臨近萬聖節USJ亦有加價，今年門票亦有機會加價，大家可以留意USJ官網。

Photo from USJ

今年夏天USJ喺超級任天堂園區舉辦水仗Party「SUPER MARIO POWER UP SUMMER」，另外仲有ONE PIECE真人舞台Show，今年將會以全新劇本演出！

Photo from USJ

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

日本旅遊2023｜環球影城全新夏日活動開鑼！跟Mario 大玩水戰玩足兩個月！同場加映：海賊王真人舞台Show

26 Apr 2023

夏日熱辣辣好熱好熱！每年夏天，就係各類好玩又刺激活動嘅開幕禮！睽違四年！今年大阪環球影城USJ嘅水仗Party 『NO LIMIT! Summer』終於都回歸喇！『NO LIMIT! Summer』係每年夏季嘅重頭戲，今年2023年嘅主題係最近熱爆全城嘅『Super Mario Power Up Summer』！可以同Mario同埋Luigi一齊打水戰，仲有限量版水槍同變色tee做紀念品，Mario Fans千祈唔好錯過！

Photo from USJ© Nintendo

夏季限定「水戰」

以往大阪環球影城唔同季節都會瘋狂搞活動，但自從2019年開始咗疫情之後就一直暫停舉辦，直到今年終於喺7月5日可以強勢回歸！由7月5日至8月24日呢段期間舉辦水仗Party 「SUPER MARIO POWER UP SUMMER」，足足接近兩個月狂歡！據知今年嘅活動Mario同佢嘅朋友們都會跳出二次元同大家一齊瘋狂打水戰！「SUPER MARIO POWER UP SUMMER」活動亦將會舉辦喺超級任天堂園區，而中間主舞台仲會有特製嘅巨型噴水設施向遊客們瘋狂掃射，每年暑假亦會準備大量水槍同水彈，務求令大家要「濕住返屋企」！

Photo from USJ© Nintendo

有趣又特別嘅紀念品

另外大會更加特別準備好對戰嘅工具比大家，有火力十足嘅限量版Mario水槍，仲有限量變色tee，原本了無生氣嘅Mario大家庭，加入特有質料之後一經濕水就立刻變得神采飛揚，色彩繽紛。另外今年仲有射擊人員一齊加入對戰行列，等大家可以盡情攻擊！出發之前記得帶多幾套衫啦！

同場加映：「ONE PIECE PREMIER SUMMER 2023」

好玩嘅活動又點會比佢停！同日開始嘅仲有每年必辦嘅海賊王「ONE PIECE PREMIER SUMMER 2023」最受觸目嘅當然係ONE PIECE真人舞台Show，今年將會以全新劇本演出！並以草帽海賊團為咗拯救三位公主薇薇、白星、維奧萊特而對抗強敵嘅歷險故事，以噴水，煙花等等盛大嘅舞台震撼效果去滿足觀眾嘅眼球！另外仲有2022年先首次登場嘅全新人氣過山車「ONE PIECE x Hollywood Dream The Ride」，帶大家喺波濤洶湧嘅大海上面逃脫海軍嘅追捕！最後仲有每年都會買唔到飛入場嘅「山治海賊餐廳」，由山治主廚去為大家設計美味嘅海上料理！咁多好玩又驚險嘅活動！仲唔拿拿臨買定機票？